ନୂଆଦିଲ୍ଲୀ: ବଢିଲା ସମସ୍ୟା । ଆସନ୍ତାକାଲିଠୁ ବନ୍ଦ ହୋଇଯିବ ୟୁପିଆଇ । ଏଣିକି ପେଟ୍ରୋଲ ପମ୍ପରେ ଆଉ କରିପାରିବେନି ୟୁପିଆଇ ପେମେଣ୍ଟ । କାରଣ ଆସନ୍ତାକାଲିଠାରୁ ପେଟ୍ରୋଲ ପମ୍ପ ମାଲିକମାନେ UPI ଏବଂ ଅନ୍ୟାନ୍ୟ ଡିଜିଟାଲ୍ ପ୍ଲାଟଫର୍ମରୁ ଟଙ୍କା ନନେବାକୁ ଘୋଷଣା କରିଛନ୍ତି। ତେବେ କହିରଖୁଛୁ ଯେ, ଡିଜିଟାଲ ପେମେଣ୍ଟ ମାଧ୍ୟମରେ ବଢ଼ୁଥିବା ସାଇବର ଠକେଇ ଯୋଗୁଁ ଦେଶର ଅନେକ ସହରର ପେଟ୍ରୋଲ ପମ୍ପ ମାଲିକ ଏବଂ ସଂଗଠନଗୁଡ଼ିକ ଡିଜିଟାଲ ମାଧ୍ୟମରେ ପେମେଣ୍ଟ ଗ୍ରହଣ ନକରିବାକୁ ନିଷ୍ପତ୍ତି ନେଇଛନ୍ତି। କେବଳ ସେତିକି ନୁହେଁ ମେ ୧୦ ରୁ କାର୍ଡ ପେମେଣ୍ଟ ଗ୍ରହଣ କରିବା ବନ୍ଦ କରିବାକୁ ମଧ୍ୟ ଧମକ ଦେଇଛନ୍ତି ପେଟ୍ରୋଲ ପମ୍ପ ମାଲିକ ଏବଂ ସଂଗଠନଗୁଡ଼ିକ ।

ରିପୋର୍ଟ ଅନୁଯାୟୀ, ବିଦର୍ଭ ପେଟ୍ରୋଲିୟମ୍ ଡିଲର୍ସ ଆସୋସିଏସନ୍ କହିଛି ଯେ, ସାଇବର ଠକେଇର ବଢ଼ୁଥିବା ମାମଲା ଯୋଗୁଁ, ପେଟ୍ରୋଲ ପମ୍ପ ମାଲିକମାନେ ଅନେକ ସମସ୍ୟାର ସମ୍ମୁଖୀନ ହେଉଛନ୍ତି। ଏହି କାରଣରୁ ସେମାନେ ଆର୍ଥିକ କ୍ଷତିର ମଧ୍ୟ ସମ୍ମୁଖୀନ ହେଉଛନ୍ତି। ଠକମାନେ ଲୋକଙ୍କ କାର୍ଡ କିମ୍ବା ନେଟ୍ ବ୍ୟାଙ୍କିଂ ହ୍ୟାକ୍ କରନ୍ତି ଏବଂ ଏହାକୁ ବ୍ୟବହାର କରି ପେମେଣ୍ଟ କରନ୍ତି। ତା’ପରେ ଯେତେବେଳେ କେହି ଏହି ବିଷୟରେ ଅଭିଯୋଗ କରନ୍ତି, ପୋଲିସ କାରବାର ବାତିଲ କରିଦିଏ। ସେହିପରି ଫେଡେରେସନ ଅଫ୍ ଅଲ୍ ମହାରାଷ୍ଟ୍ର ପେଟ୍ରୋଲିୟମ୍ ଡିଲର୍ସ ଆସୋସିଏସନ୍ କହିଛି ଯେ, ଏପରି ସାଇବର ଠକେଇ ଯୋଗୁଁ ଅନେକ ପେଟ୍ରୋଲ ପମ୍ପ ମାଲିକଙ୍କ ଆକାଉଣ୍ଟ ସମ୍ପୂର୍ଣ୍ଣ ଭାବରେ ଅବରୋଧ କରାଯାଇଛି। ଏହା ଯୋଗୁଁ, ଗୋଟିଏ ପଟେ ସେମାନେ ଆର୍ଥିକ କ୍ଷତିର ସମ୍ମୁଖୀନ ହେଉଛନ୍ତି, ଏବଂ ଅନ୍ୟପଟେ ବାକି ଦେୟ ପାଇବାରେ ସେମାନେ ସମସ୍ୟାର ସମ୍ମୁଖୀନ ହେଉଛନ୍ତି।

ଅନ୍ୟପଟେ ନାସିକର ପେଟ୍ରୋଲ ପମ୍ପ ଡିଲର୍ସ ଆସୋସିଏସନ ମଧ୍ୟ ସମାନ ଘୋଷଣା କରିଛି। ତାଙ୍କର କହିବା ଅନୁସାରେ, ଏହି ସମ୍ପର୍କରେ ଅନେକ ପେଟ୍ରୋଲ ପମ୍ପ ମାଲିକଙ୍କଠାରୁ ଅଭିଯୋଗ ପାଇଛନ୍ତି। ସେମାନଙ୍କର ଡିଜିଟାଲ୍ କାରବାର ବାତିଲ ହୋଇଯାଏ ଏବଂ ପରେ ସେମାନଙ୍କ ଆକାଉଣ୍ଟକୁ ବ୍ଲକ୍ କରିଦିଆଯାଏ। ପୂର୍ବରୁ ଏହି ପରିମାଣ ବହୁତ କମ୍ ଥିଲା, ତେଣୁ ପ୍ରାୟତଃ ପେଟ୍ରୋଲ ପମ୍ପ ମାଲିକମାନେ ଏଥିରେ ଧ୍ୟାନ ଦେଉ ନଥିଲେ। କିନ୍ତୁ ଏବେ ଏପରି ଘଟଣା ବୃଦ୍ଧି ପାଉଛି, ତେଣୁ ଏହି ନିଷ୍ପତ୍ତି ନିଆଯାଇଛି। ଏବେ ମହାରାଷ୍ଟ୍ରର ପେଟ୍ରୋଲ ପମ୍ପ ଆସୋସିଏସନ ଏହି ନିଷ୍ପତ୍ତିକୁ କାର୍ଯ୍ୟକାରୀ କରିବାକୁ ଯାଉଛି।

ନୂଆଦିଲ୍ଲୀ: ପହଲଗାମ୍ ଆକ୍ରମଣର ପ୍ରତିଶୋଧ ଏବଂ ନ୍ୟାୟ ଦେବାକୁ ଭାରତ ପକ୍ଷରୁ ଆରମ୍ଭ ହୋଇଥିଲା ଅପରେସନ ସିନ୍ଦୂର । ବିଳମ୍ବିତ ରାତି ପ୍ରାୟ ୧ଟା ୦୫ରୁ ଅପରେସନ ଆରମ୍ଭ ହୋଇଥିବା ବେଳେ ରାତି ୧ଟା ୩୦ ବେଳକୁ ଅର୍ଥାତ ମାତ୍ର ୨୫ ମିନିଟରେ ସରିଯାଇଥିଲା ଅପରେସନ ସିନ୍ଦୂର । ଅପରେସନରେ ଛାରଖାର ହୋଇଗଲା ଆତଙ୍କୀଙ୍କ ଆଡ୍ଡା । ଆତଙ୍କୀଙ୍କ ୯ଟି ଠିକଣାରେ ଏୟାର ଷ୍ଟ୍ରାଇକ୍ କରି ଶିବିରଙ୍କୁ ଧ୍ବଂସ କରିଦିଆଗଲା । ପାକିସ୍ତାନ ମାଟିରେ ଖୋଜି ଖୋଜି ଆତଙ୍କୀଙ୍କୁ ମାରିଥିଲା ଭାରତ । ଆଉ ଏହି ଅପରେସନର ପଛର କାହାଣୀ ରଚିଥିଲେ ୩ ସାଙ୍ଗ ।

ଜଣ, ସ୍ଥଳ ଓ ଆକାଶ ସେନାର ୩ ପ୍ରମୁଖ ଲେଖିଥିଲେ ଅପରେସନ ସିନ୍ଦର ପଛର କାହାଣୀ । ଏବେ ସାଧାରଣତଃରେ ପ୍ରଶ୍ନ ଆସୁଥିବା ଯେ କିଏ ସେହି ୩ ଜଣ । ଆଜ୍ଞା ହଁ ଆମେ କହୁଛୁ ତିନି ସେନାଧ୍ୟକ୍ଷ ବିଷୟରେ, ଯିଏକି କେବଳ ୩ ସେନାର ଅଧ୍ୟକ୍ଷ ପଦରେ ନାହାଁନ୍ତି ବାସ୍ତବରେ ମଧ୍ୟ ସେମାନେ ୩ ବନ୍ଧୁ । ଇତିହାସରେ ବୋଧହୁଏ ଏହା ପ୍ରଥମଥର ପାଇଁ ହୋଇଛି ଯେଉଁଥିରେ କୌଣସି ଅପରେସନରେ ୩ ସେନାଧ୍ୟକ୍ଷ ତଥା ୩ ସାଙ୍ଗ ଏକାଥରେ କାର୍ଯ୍ୟ ତୁଲଇଛନ୍ତି । ପାକିସ୍ତାନ ଉପରେ ହୋଇଥିବା ଏୟାର ଷ୍ଟ୍ରାଇକରେ ଭାରତର ତିନି ସେନା ମିଳିତ ଭାବେ ରଣନୀତି ପ୍ରସ୍ତୁତ କରି ଅପରେସନ୍ ସିନ୍ଦୂରକୁ ସଫଳ କରିଥିଲେ । ଏହି ତିନି ସେନା ଅଧ୍ୟକ୍ଷ NDA ର ୧୯୮୪ ବ୍ୟାଚରୁ ପାସ୍ ଆଉଟ୍ ହୋଇଛନ୍ତି ଏବଂ ୩ ଜଣ ବ୍ୟାଚମେଟ୍ ମଧ୍ୟ ରହିଥିଲେ । ତେବେ ଆସନ୍ତୁ ଜାଣିବା ଏହି ତିନି ସେନାଧ୍ୟକ୍ଷ କିଏ ?

ଲେଫ୍ଟନାଣ୍ଟ ଜେନେରାଲ ଉପେନ୍ଦ୍ର ଦ୍ୱିବେଦୀ ସ୍ଥଳସେନାର ସେନାଧ୍ୟକ୍ଷ ଥିବା ବେଳେ ଆଡମିରାଲ ଦିନେଶ କୁମାର ତ୍ରିପାଠୀ ନୌସେନାର ସେନାଧ୍ୟକ୍ଷ ଏବଂ ବାୟୁସେନାର ଦାୟିତ୍ୱ ଏୟାର ମାର୍ଶଲ ଅମରପ୍ରୀତ ସିଂ ସମ୍ଭାଳୁଛନ୍ତି । ସ୍ଥଳସେନା ମୁଖ୍ୟ ଲେଫ୍ଟନାଣ୍ଟ ଜେନେରାଲ ଉପେନ୍ଦ୍ର ଦ୍ୱିବେଦୀଙ୍କ କଥା କହିବା ତେବେ ତାଙ୍କୁ ୩୦ ଜୁନ୍ ୨୦୨୪ ରେ ଭାରତୀୟ ସେନାରେ ସ୍ଥଳସେନା ମୁଖ୍ୟ ଭାବରେ ନିଯୁକ୍ତ କରାଯାଇଥିଲା । ପରମ ବିଶିଷ୍ଠ ସେବା ପଦକ (ପିଭିଏସ୍ଏମ୍) ଏବଂ ଅତି ବିଶେଷ ସେବା ପଦକ (ଏଭିଏସ୍ଏମ୍) ପ୍ରାପ୍ତ ଲେଫ୍ଟନାଣ୍ଟ ଜେନେରାଲ ଦ୍ୱିବେଦୀ ଜମ୍ମୁ-କଶ୍ମୀରରେ ଦୀର୍ଘ ଦିନ ଧରି କାର୍ଯ୍ୟ କରିଛନ୍ତି। ୧ ଜୁଲାଇ ୧୯୬୪ ରେ ମଧ୍ୟପ୍ରଦେଶର ରେୱାରେ ଜନ୍ମିତ ଉପେନ୍ଦ୍ର ଦ୍ୱିବେଦୀ ସୈନିକ ସ୍କୁଲ, ରେୱାରୁ ନିଜର ପ୍ରାରମ୍ଭିକ ଶିକ୍ଷାଗ୍ରହଣ କରିଥିଲେ। ସେ ୧୯୭୩ ରେ ସୈନିକ ସ୍କୁଲରେ ଆଡମିଶନ ନେଇଥିଲେ ଏବଂ ୧୯୮୧ ରେ ପାସଆଉଟ୍ ହୋଇଥିଲେ । ଏହି ସମୟରେ ଆଡମିରାଲ ଦିନେଶ ତ୍ରିପାଠୀ ତାଙ୍କର ବ୍ୟାଚମେଟ୍ ଥିଲେ ।

ଦିନେଶ ତ୍ରିପାଠୀ ବର୍ତ୍ତମାନ ନୌସେନାର ସେନାଧ୍ୟକ୍ଷ ଅଛନ୍ତି । ତାଙ୍କର ୪୦ ବର୍ଷର କ୍ୟାରିଅରରେ ତ୍ରିପାଠୀ ଅନେକ ଗୁରୁତ୍ୱପୂର୍ଣ୍ଣ ଦାୟିତ୍ୱ ତୁଲାଇଛନ୍ତି ଏବଂ ତାଙ୍କର ବିଶେଷ ଯୁଦ୍ଧ ଦକ୍ଷତା ପାଇଁ ସେ ବେଶ୍‌ ଜଣାଶୁଣା। ୧୫ ମେ’ ୧୯୬୪ରେ ଜନ୍ମ ହୋଇଥିବା ଦିନେଶ ଜୁଲାଇ ୧୯୮୫ରେ ନୌସେନାରେ ଯୋଗ ଦେଇଥିଲେ। ସେ ସୈନିକ ସ୍କୁଲ, ରଓ୍ବୋ ଏବଂ ନ୍ୟାଶନାଲ ଡିଫେନ୍ସ ଏକାଡେମୀ, ଖଡଗ୍‌ଓ୍ବସଲାର ପୂର୍ବତନ ଛାତ୍ର ଥିଲେ। ଉଲ୍ଲେଖନୀୟ ତଥା ସମ୍ମାନଜନକ କାର୍ଯ୍ୟ ପାଇଁ ଦିନେଶଙ୍କୁ ଅତି ବିଶିଷ୍ଟ ସେବା ପଦକ ଏବଂ ନୌସେନା ପଦକ ପ୍ରଦାନ କରାଯାଇଛି। ସେ ପାଶ୍ଚାତ୍ୟ ନାଭାଲ କମାଣ୍ଡରେ ଫ୍ଲାଗ୍‌ ଅଫିସର କମାଣ୍ଡିଂ ଭାବରେ ଦାୟିତ୍ୱ ବି ଗ୍ରହଣ କରିଥିଲେ। ଉପ ନୌସେନା ପ୍ରମୁଖ (୨୦୨୩-୨୦୨୪) ଭାବରେ ନୌସେନା ସଞ୍ଚାଳନ ଏବଂ ନୀତି ନିର୍ମାଣରେ ମଧ୍ୟ ଭୂମିକା ନିଭାଇଛନ୍ତି ।

୩୦ ସେପ୍ଟେମ୍ବର ୨୦୨୪ ରେ ଏୟାର ମାର୍ଶଲ ଅମର ପ୍ରୀତ ସିଂହଙ୍କୁ ବାୟୁସେନା ପ୍ରମୁଖ ରୂପେ ନିଯୁକ୍ତ କରାଯାଇଥିଲା । ୧୯୬୪ ଅକ୍ଟୋବର ୨୭ ତାରିଖରେ ତାଙ୍କର ଜନ୍ମ । ରାଷ୍ଟ୍ରୀୟ ପ୍ରତିରକ୍ଷା ଏକାଡେମୀ (NDA), ଖଡକୱାସଲାରୁ ଗ୍ରାଜୁଏସନ କରିଛନ୍ତି । ସେ ଉପେନ୍ଦ୍ର ଦ୍ୱିବେଦୀ ଏବଂ ଦିନେଶ ତ୍ରିପାଠୀଙ୍କ ସହିତ ୧୯୮୪ ର ଏନଡିଏ ବ୍ୟାଚମେଟ୍ ରହିଛନ୍ତି । ଅମର ପ୍ରୀତ ସିଂହ ଜଣେ ପ୍ରଶିକ୍ଷିତ ଫାଇଟର ପାଇଲଟ । ମିଗ-୨୧, ମିଗ-୨୯, ସୁଖୋଇ-୩୦ MKI, ଏବଂ ଅନ୍ୟ ବିମାନଗୁଡ଼ିକୁ ସେ ଉଡ଼ାଇଛନ୍ତି । ସେ ଫ୍ଲାଇଙ୍ଗ ଇନଷ୍ଟ୍ରକ୍ଟର ଏବଂ ଟେଷ୍ଟ୍ ପାଇଲଟ ମଧ୍ୟ ରହିଛନ୍ତି । ଏହା ବ୍ୟତୀତ ସେ ଡିଫେନ୍ସ ସର୍ଭିସେସ୍ ଷ୍ଟାଫ୍ କଲେଜ (DSSC), ୱେଲିଙ୍ଗଟନ, ନ୍ୟାସନାଲ ଡିଫେନ୍ସ କଲେଜ (NDC), ନୂଆଦିଲ୍ଲୀରୁ ମଧ୍ୟ ଟ୍ରେନିଂ ନେଇଛନ୍ତି ।

ନୂଆଦିଲ୍ଲୀ: ନାରୀ ଆଖିର ଲୁହରେ ଭାସିଗଲା ଅତଙ୍କୀ ଆଡ୍ଡା । ସିନ୍ଦୁର ପୋଛି ଥିଲେ ଏବେ ସିନ୍ଦୁର ଦେଲା କଡା ଜବାବ୍ । ଆଉ ଏହି ବିଜୟର ଗାଥା ଦେଶବାସୀଙ୍କୁ ଶୁଣାଇଛନ୍ତି ୨ ନାରୀ । ଯେଉଁଥିପାଇଁ ସେମାନେ ଆଜିର ନାରୀମାନଙ୍କ ପାଇଁ ପାଲଟି ଯାଇଛନ୍ତି ପ୍ରେରଣା । ହଁ ଆମେ କହୁଛୁ ଦେଶର ଦୁଇ ସୁନା ଝିଅ କର୍ଣ୍ଣେଲ ସୋଫିଆ କ୍ୟୁରେସି ଏବଂ ୱିଙ୍ଗ କମାଣ୍ଡର ଭୋମିକା ସିଂଙ୍କ ବିଷୟରେ । ବୋହୁତ କମ୍ ବର୍ଷ ବୟସରେ ସେ ଦୁଇ ଜଣ ପାଲଟି ଯାଇଛନ୍ତି ଦେଶର ସୁନା ଝିଅ ।

ସୋଫିଆ କ୍ୟୁରେସି ଭାରତୀୟ ସେନାର ସିଗନାଲ କର୍ପସର ଜଣେ ସମ୍ମାନିତ ଅଧିକାରୀ। ବୟସ ମାତ୍ର ୩୫ ବର୍ଷ । ତୁଳନାତ୍ମକ ଭାବରେ ଖୁବ୍ କମ୍ ବୟସରେ ସେ ମହିଳା ଏବଂ ଭାରତୀୟ ସେନା ଉଭୟ ପାଇଁ ଇତିହାସ ସୃଷ୍ଟି କରିଛନ୍ତି। ୧୯୯୯ ମସିହାରେ ତାଙ୍କୁ ୧୭ ବର୍ଷ ବୟସ ହୋଇଥିବା ବେଳେ ସେ ସର୍ଟ ସର୍ଭିସ କମିସନ୍‌ରେ ସେନାରେ ଭର୍ତ୍ତି‌ ହୋଇଥିଲେ। ସୋଫିଆ ୨୦୧୬ ମସିହା ମାର୍ଚ୍ଚ ମାସରେ ଏକ ବହୁରାଷ୍ଟ୍ରୀୟ ସାମରିକ ଅଭ୍ୟାସରେ ଏକ ସେନା କଣ୍ଟିଜେଣ୍ଟର ନେତୃତ୍ୱ ନେଇଥିବା ପ୍ରଥମ ମହିଳା ଅଧିକାରୀ ହୋଇଥିଲେ। ଏହି ସମରାଭ୍ୟାସରେ ଗୋଟ ୧୮ ଦଳ ଅଂଶଗ୍ରହଣ କରିଥିବା ବେଳେ କର୍ଣ୍ଣେଲ ସୋଫିଆ କ୍ୟୁରେସି ଥିଲେ ଏକମାତ୍ର ମହିଳା ଅଧିକାରୀ। ଯିଏ ଏକ ଦଳର ନେତୃତ୍ୱ ଦେଇଥିଲେ। ସୋଫିଆ ୨୦୦୬ ମସିହାରେ କଙ୍ଗୋଠାରେ ଜାତିସଂଘ ଶାନ୍ତିରକ୍ଷା ମିଶନରେ କାର୍ଯ୍ୟ କରିଥିଲେ। ସେ ୨୦୧୦ ମସିହାରୁ ଶାନ୍ତିରକ୍ଷା ଅଭିଯାନ (ପିକେଓଏସ୍‌) ସହିତ ଜଡିତ ଅଛନ୍ତି। କର୍ଣ୍ଣେଲ କ୍ୟୁରେସି ହେଉଛନ୍ତି ଗୁଜରାଟର ବାସିନ୍ଦା। ଜୈବ ରସାୟନ ବିଜ୍ଞାନରେ ସ୍ନାତକୋତ୍ତର ଡିଗ୍ରୀ ହାସଲ କରିଛନ୍ତି। ତାଙ୍କ ଜେଜେବାପା ଭାରତୀୟ ସେନାରେ କାର୍ଯ୍ୟରତ ଥିଲେ। ସେ ମେଜର୍‌ ତାଜୁଦ୍ଦିନ୍‌ କ୍ୟୁରେସିଙ୍କୁ ବିବାହ କରିଛନ୍ତି। 

ସେହିପରି ଏହି ଅପରେସନ୍ ସୁନ୍ଦୂରରେ  ୱିଙ୍ଗ କମାଣ୍ଡର ବ୍ୟୋମିକା ସିଂହଙ୍କ ଅବଦାନ୍ ଖୁବ୍ ଅଧିକ ରହିଛି। ପିଲାଦିନରୁ ଆକାଶ ଛୁଇଁବାର ଇଚ୍ଛା ରଖିଥିବା ଵ୍ୟୋମିକା ନିଜର ସାହସ, ନିଷ୍ଠା ଏବଂ ନେତୃତ୍ୱ ଦକ୍ଷତା ବଳରେ ଭାରତୀୟ ବାୟୁସେନାରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଛନ୍ତି। ୱିଙ୍ଗ କମାଣ୍ଡର ବ୍ୟୋମିକା ସିଂହ ଭାରତୀୟ ବାୟୁସେନାର ପ୍ରତୀକାତ୍ମକ ହେଲିକପ୍ଟର ଚେତକ ଏବଂ ଚିତା ଉଡାଇଛନ୍ତି ଏବଂ ଦେଶର କିଛି ସବୁଠାରୁ ଚ୍ୟାଲେଞ୍ଜିଂ ଭୌଗୋଳିକ ପରିସ୍ଥିତିରେ ସେବା କରିଛନ୍ତି। ସେ ଜମ୍ମୁ ଏବଂ କାଶ୍ମୀର ଏବଂ ଉତ୍ତର-ପୂର୍ବ ଭାରତ ଭଳି ସମ୍ବେଦନଶୀଳ ଅଞ୍ଚଳରେ କାର୍ଯ୍ୟ କରିଛନ୍ତି। ଉଚ୍ଚତା, ପ୍ରତିକୂଳ ପାଗ ଏବଂ ଦୁର୍ଗମ ସ୍ଥାନ ମଧ୍ୟରେ ଏହି ଅଞ୍ଚଳଗୁଡ଼ିକରେ ହେଲିକପ୍ଟର ମିଶନ ପରିଚାଳନା କରିବା ଏକ ଅତ୍ୟନ୍ତ ବିପଦପୂର୍ଣ୍ଣ କାର୍ଯ୍ୟ, ଯାହାକୁ ଭ୍ୟୋମିକା ଚତୁରତାର ସହିତ ପରିଚାଳନା କରିଛନ୍ତି।  ବାୟୁସେନାରେ ଯୋଗଦେବାର ୧୩ ବର୍ଷ ପରେ ୱିଙ୍ଗ୍ କମାଣ୍ଡର ପଦବୀ ପାଇଥିଲେ ଭ୍ୟୋମିକା ସିଂ । ୨୦୧୭ ଡିସେମ୍ବର ୧୮ ତାରିଖରେ ୱିଙ୍ଗ୍ କମାଣ୍ଡର ଭାବେ ଯୋଗ ଦେଇଥିଲେ ଭ୍ୟୋମିକା । ଯେଉଁଥିପାଇଁ ୨୦୦୪ରେ ତାଙ୍କୁ ଶ୍ରେଷ୍ଠ ୱିଙ୍ଗ୍ କମାଣ୍ଡର ଭାବେ ବିବେଚନା କରାଯାଇଥିଲା । କାହାଣୀ ତାଙ୍କର ସେୟାର କରିବା ମଧ୍ୟରେ କହିଛନ୍ତି ଯେ, ଯେତେବେଳେ ସେ ଷଷ୍ଠ କ୍ଲାସରେ ପଢୁଥିଲେ ବାୟୁସେନାରେ ଯୋଗ ଦେବା ପାଇଁ ଇଚ୍ଛା ପ୍ରକାଶ କରିଥିଲେ । ଏହି କାହାଣୀକୁ ନେଇ ତାଙ୍କ ନାଁ ଜଡିତ ବୋଲି କହିଛନ୍ତି ଭ୍ୟୋମିକା । ତାଙ୍କର ପାଠ ପଢିବା ସରିବା ମାତ୍ରେ ସେ UPSC ଜରିଆରେ ବାୟୁସେନାରେ ଯୋଗ ଦେଇ ପାଇଲଟ୍ ହୋଇଥିଲେ । ୨୦୨୧ ମସିହାରେ ମାଉଣ୍ଟ ମଣିରଙ୍ଗରେ ଇତିହାସ ରଚିଥିଲେ ଭ୍ୟୋମିକା ।

ନୂଆଦିଲ୍ଲୀ: ଆମେ ପ୍ରଭୁ ହନୁମାନଙ୍କର ସେହି ଆଦର୍ଶକୁ ପାଳନ କରିଛୁ, ଯାହା ସେ ଅଶୋକ ବାଟିକା ଉଜାଡ଼ିବା ସମୟରେ କରିଥିଲେ ‘ଜିନ୍ ମୋହି ମାରା, ତିନ୍ ମୋହି ମାରେ’ । ପହଲଗାମ୍ ଆକ୍ରମଣର ପ୍ରତିଶୋଧ ନେବା ପରେ କିଛି ଏପରି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଗଣମାଧ୍ୟମକୁ ପ୍ରତିକ୍ରିୟା ଦେଇ ମନ୍ତ୍ରୀ କହିଛନ୍ତି ଆମେ କେବଳ ସେହିମାନଙ୍କୁ ମାରିଛୁ ଯେଉଁମାନେ ଆମ ନିରୀହ ଲୋକଙ୍କୁ ମାରିଛନ୍ତି । ରାଜନାଥ ସିଂ ରାମଚରିତମାନସର ଚୌପାଇକୁ ଆଧାର କରି ଭାରତର ଚିନ୍ତାଧାରାକୁ ସ୍ପଷ୍ଟ କରିଛନ୍ତି ।

ରାମଚରିତମାନସର ସୁନ୍ଦରକାଣ୍ଡରେ ପ୍ରଭୁ ହନୁମାନ କହିଥିଲେ, ଯେଉଁମାନେ ମୋତେ ମାରିଲେ, ମୁଁ ସେମାନଙ୍କୁ ମଧ୍ୟ ମାରିଲି । ତୁମ ପୁତ୍ର ମୋତେ ବାନ୍ଧିଲା କିନ୍ତୁ ମୁଁ ବନ୍ଧା ହେବାରେ ଲଜ୍ଜିତ ନୁହେଁ । ମୁଁ ତ କେବଳ ମୋ ପ୍ରଭୁଙ୍କ କାର୍ଯ୍ୟ କରୁଛି । ସେହିପରି ରାଜନାଥ ସିଂହ ଭାରତର ସାମରିକ ଦର୍ଶନକୁ ହନୁମାନଙ୍କ ନୀତି ସହ ତୁଳନା କରି କହିଛନ୍ତି, “ଆମେ କେବଳ ସେମାନଙ୍କୁ ଆଟାକ୍ କରିଛୁ, ଯେଉଁମାନେ ଆମର ନିରୀହ ନାଗରିକମାନଙ୍କୁ ହତ୍ୟା କରିଛନ୍ତି।” ଏହା ସ୍ପଷ୍ଟ କରୁଛି ଯେ, ଭାରତ ଯୁଦ୍ଧ ଚାହେଁ ନାହିଁ, କିନ୍ତୁ ଆତଙ୍କବାଦ ପ୍ରତି ‘ଜିରୋ ଟଲେରାନ୍ସ’ ନୀତି ଅବଲମ୍ବନ କରେ। ଏହି ଅଭିଯାନରେ ଭାରତୀୟ ସେନା କୌଣସି ପାକିସ୍ତାନୀ ନାଗରିକ କିମ୍ବା ସୈନ୍ୟ ପ୍ରତିଷ୍ଠାନକୁ ଆଟାକ୍ କରିନାହିଁ। କେବଳ ଜୈଶ-ଏ-ମହମ୍ମଦ, ଲସ୍କର-ଏ-ତୈବା ଓ ହିଜବୁଲ ମୁଜାହିଦ୍ଦିନର ଆତଙ୍କବାଦୀ ଶିବିରଗୁଡ଼ିକୁ ହିଁ ଟାର୍ଗେଟ କରାଯାଇଛି।

ପ୍ରତିରକ୍ଷା ମନ୍ତ୍ରୀ କହିଛନ୍ତି, “ଭାରତୀୟ ସେନା ସଠିକତା, ସତର୍କତା ଏବଂ ସମ୍ବେଦନଶୀଳତାର ସହିତ କାର୍ଯ୍ୟ କରିଛି। ଆମେ ଯେଉଁ ଟାର୍ଗେଟ୍ ସ୍ଥିର କରିଥିଲୁ, ତାହା ଯୋଜନାବଦ୍ଧ ଯୋଜନା ଅନୁଯାୟୀ ସଠିକତାର ସହିତ ଧ୍ୱଂସ କରାଯାଇଛି। କୌଣସି ସାଧାରଣ ନାଗରିକ ରହୁଥିବା ସ୍ଥାନକୁ ଟାର୍ଗେଟ କରାଯାଇ ନାହିଁ। ଏହାର ଅର୍ଥ ହେଉଛି ସେନା ଏକ ପ୍ରକାର ସଠିକତା, ସତର୍କତା ଏବଂ ମାନବିକତା ଦେଖାଇଛି।” ଆତଙ୍କୀ ଟ୍ରେନିଂ କ୍ୟାମ୍ପ ଉପରେ ଆକ୍ରମଣ କରାଯାଇଛି । ଆତଙ୍କୀଙ୍କୁ ନିପାତ କରାଯାଇଛି । ଯେଉଁ ସ୍ଥାନରେ ଆତଙ୍କୀମାନେ ଟ୍ରେନିଂ ନେଉଥିଲେ, ଯେଉଁସ୍ଥାନରେ ଆତଙ୍କୀ କ୍ୟାମ୍ପ ରହିଥିଲା, ସେହି ସ୍ଥାନ ଉପରେ ଆକ୍ରମଣ କରିଛି ଭାରତୀୟ ସେନା । ଆଉ ସେଠାରେ ଉପସ୍ଥିତ ଆତଙ୍କୀଙ୍କୁ ନିପାତ କରିଛି । ଏହି ଆକ୍ରମଣ କରି ସେନେ ନିଜର ପରାକାଷ୍ଠା ପ୍ରଦର୍ଶନ କରିଛି ବୋଲି କହିଛନ୍ତି ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ।