ଭୁବନେଶ୍ଵର: ସମୟ ବଦଳିବା ସହ ଆଜିକାଲି ମାସିକ ଧର୍ମ ବା ଋତୁସ୍ରାବର (Period) ବୟସ ବଦଳିବାରେ ଲାଗିଛି । ଗୋଟିଏ ସମୟ ଥିଲା ଯେତେବେଳେ ସାଧାରଣତଃ 12ରୁ 14 ବର୍ଷରେ ଝିଅମାନଙ୍କୁ ଋତୁସ୍ରାବ ହେଉଥିଲା । ହେଲେ ଆଜିକାଲି ମାତ୍ର 9ରୁ 10 ବର୍ଷ ବୟସରୁ ଋତୁସ୍ରାବ ଆସୁଛି । ଏତେ କମ୍ ବୟସରେ ମାସିକ ଋତୁସ୍ରାବ ହେବା ବହୁତ ଅସୁବିଧାର କାରଣ। ତଥାପି, ଠିକ୍ ସମୟରେ ମାସିକ ଋତୁସ୍ରାବ ନ ହେବା ମଧ୍ୟ ଅନେକ ରୋଗର କାରଣ ହୋଇପାରେ। ଶୀଘ୍ର ଋତୁସ୍ରାବ ହେତୁ, ଅନେକ ଝିଅଙ୍କୁ ପରିପକ୍ୱ ହେବା ପୂର୍ବରୁ ଋତୁସ୍ରାବ ଯନ୍ତ୍ରଣା ଏବଂ ସମ୍ବନ୍ଧିତ ସମସ୍ୟାର ସମ୍ମୁଖୀନ ହେବାକୁ ପଡ଼ିଥାଏ। ୯ ରୁ ୧୦ ବର୍ଷ ବୟସରେ ମାସିକ ଋତୁସ୍ରାବ ହେବାର ଅନେକ କାରଣ ଅଛି, ଯେଉଁଥିରେ ଜୀବନଶୈଳୀ, ଖାଦ୍ୟ, ବ୍ୟାୟାମ ଅନ୍ତର୍ଭୁକ୍ତ।
ଶୀଘ୍ର ଋତୁସ୍ରାବର କାରଣ ହେଉଛି ପ୍ରଥମତଃ ଜଙ୍କ ଫୁଡ୍ ଖାଇବା, ଅତ୍ୟଧିକ ଖାଇବା ଏବଂ ପ୍ୟାକ୍ ହୋଇଥିବା ଖାଦ୍ୟ, ପ୍ଲାଷ୍ଟିକରେ ତିଆରି ଜିନିଷ ବ୍ୟବହାର କରିବା । ସେହିପରି ଅତ୍ୟଧିକ ଚାପ, ଭାବପ୍ରବଣ ଚାପ, ସୋସିଆଲ ମିଡିଆରେ ମିଳୁଥିବା ଆଡଲ୍ଟ କଣ୍ଟେଣ୍ଟ, ଜେନେଟିକ୍ସ ଆଦି ମଧ୍ୟ ଶ୍ରୀଘ୍ର ଋତୁସ୍ରାବର କାରଣ । ତେବେ ବ୍ରେନ ଟ୍ୟୁମର, ଥାଇରଏଡ୍ ଏବଂ ଅନ୍ୟାନ୍ୟ ରୋଗ ଯୋଗୁଁ 8 ବର୍ଷ ବୟସ ପୂର୍ବରୁ ମାସିକ ଋତୁସ୍ରାବ ଆରମ୍ଭ ହୁଏ।। କେତେକ ଲୋକଙ୍କ ବିଶ୍ବାସ ଯେ, ଅଧିକ ଚିକେନ, ଅଣ୍ଡା ଓ ପ୍ୟାକେଟ କ୍ଷୀର ଖାଇବା ଯୋଗୁଁ ଏପରି ହୋଇଥାଏ । ସ୍ଵାସ୍ଥ୍ୟ ବିଶେଷଜ୍ଞଙ୍କ କହିବା ଅନୁସାରେ, ଆଜିକାଲି ବଜାରରେ ମିଳୁଥିବା ଚିକେନ, ମଟନରେ କୀଟନାଶକ ଉପସ୍ଥିତି କାରଣରୁ ହରମୋନରେ ଅନ୍ତର ହୋଇଥାଏ । ଯଦି କ୍ଷୀର କଥା କହିବା, ତାହେଲେ କ୍ଷୀର ଉତ୍ପାଦନ ବଢାଇବାକୁ ଗାଈ ଓ ମଇଁଷିକୁ ହରମୋନାଲ ଇଞ୍ଜେକ୍ସନ ଦିଆଯାଉଛି । ଯାହାକି କ୍ଷୀର ଓ କ୍ଷୀରରୁ ପ୍ରସ୍ତୁତ ଖାଦ୍ୟପଦାର୍ଥ ଜରିଆରେ ଆମ ଶରୀରରେ ପ୍ରବେଶ କରେ ।ଏହା ଯେତେବେଳେ ଶରୀରରେ ହରମୋନ ସହ ମିଶେ, ହରମୋନ ସନ୍ତୁଳନ ବିଗିଡିଯାଏ ଓ ଶୀଘ୍ର ପିରିୟଡସ୍ ଆସିଥାଏ । ହେଲେ ଏହା ସମସ୍ତଙ୍କ ସହ ଘଟିବ ବୋଲି ନିଶ୍ଚିତ ରୂପେ କୁହାଯାଇପାରିବ ନାହିଁ । କିନ୍ତୁ ଯଦି ଗୋଟିଏ ପ୍ରକାର ଭୋଜନ ଅଧିକ ମାତ୍ରାରେ ଗ୍ରହଣ କରାଯାଏ ତାହେଲେ ଏହି ସମସ୍ୟା ହେବାର ସମ୍ଭାବନା ଅଧିକ ।ଯେତେବେଳେ ଝିଅମାନେ ଛୋଟ ଥାଆନ୍ତି, ଏପରି ହେବାରୁ ରୋକିବା ଓ ସୁସ୍ଥ ରହିବା ପାଇଁ ସେମାନଙ୍କୁ କିଛି ଖାସ୍ ଖାଦ୍ୟପାନୀୟ ସେବନ କରିବାର ଆବଶ୍ୟକତା ରହିଥାଏ ।
ବିଶେଷକରି ଝିଅମାନେ ନିୟମିତ ଭାବେ ଖାଦ୍ୟ ଖାଇବା ଉଚିତ୍ । କିଛି ଅଧ୍ୟୟନରେ କୁହାଯାଏ ଯେ, ଯେଉଁ ଝିଅ କ୍ଷୀର, ସବୁଜ ପନିପରିବା, ମାଂସ ଓ ଫାଇବର ଠିକ୍ ମାତ୍ରାରେ ସେବନ କରନ୍ତି, ସେମାନଙ୍କୁ ବସୟ ପୂର୍ବରୁ ଋତୁସ୍ରାବ ସମସ୍ୟା ହୋଇନଥାଏ ।ସେହିପରି କିଶୋରବସ୍ଥାରେ ଝିଅମାନେ ମୋଟାପାର ଶିକାର ନହେବା ଉଚିତ୍ । ଏଥିପାଇଁ ନନଭେଜ୍ ଖାଇବା ପ୍ରତି ଅଧିକ ସାବଧାନ ରହିବାକୁ ହେବ । ଯଦି ଚିକେନ ଖାଇବା ପସନ୍ଦ ତାହେଲେ ଯୁବାବସ୍ଥାରେ ଝିଅମାନେ ପ୍ରତିଦିନ 75 ଗ୍ରାମରୁ ଅଧିକ ଚିକେନ ନ ଖାଇବା ଭଲ । ଯଦି ଚିକେନ ସହ ସିଝା ଅଣ୍ଡା ଅଛି ତାହେଲେ 50 ଗ୍ରାମ ଖାଇବା ଠିକ୍ । ଧ୍ୟାନ ଦେବେ ଯେ, ଚିକେନ ଯେମିତି ଡିପ୍ ଫ୍ରାଏ କିମ୍ବା ଗ୍ଲିଲ୍ଡ ହୋଇନଥିବ ।ଯୁବବସ୍ଥାରେ ଝିଅମାନେ 300 ମିଲି ଲିଟର ଥଣ୍ଡା କ୍ଷୀର ତଥା କ୍ଷୀରରୁ ପ୍ରସ୍ତୁତ ଉତ୍ପାଦ ଖାଇପାରିବେ । ଯଦି କ୍ଷୀର ପିଇବା ପସନ୍ଦ ନୁହେଁ ତାହେଲେ ମାଣ୍ଡିଆ ତିଆରି ଖାଦ୍ୟ ଖାଇବା ଉଚିତ୍ । କାରଣ ମାଣ୍ଡିଆ କ୍ୟାଲସିୟମ ଓ ଆଇରନରେ ଭରପୂର ହୋଇଥାଏ ।ଯଦି ନନଭେଜ ନ ଖାଉଛନ୍ତି ତାହେଲେ ବିଭିନ୍ନ ଡାଲି ମୁଗ, ବିରି, ହରଡ, ମଟର ଜାତୀୟ ଖାଦ୍ୟ ଖାଆନ୍ତୁ । ଏଥିସହ ସବୁଜ ପନପରିବା ମଧ୍ୟ ଖାଇବାକୁ ଭୁଲନ୍ତୁ ନାହିଁ ।
