ନୂଆଦିଲ୍ଲୀ: ନିଜ ଧର୍ମ ପାଳନ କରିବାର ଅଧିକାର ସମସ୍ତଙ୍କର ରହିଛି । ଏ ଅଧିକାର ପ୍ରତ୍ୟେକ ଦେଶ ତାର ନାଗରିକଙ୍କୁ ଦେଇଥାଏ । ସମସ୍ତେ ନିଜ ନିଜ ଧର୍ମପୀଠ ତିଆରି କରି ପାରିବେ, ସେଠାରେ ଆରାଧନା କରିପାରିବେ । ସେଥିପାଇଁ ଅଧିକାଂଶ ଦେଶରେ ପ୍ରତ୍ୟେକ ଧର୍ମର ପୂଜାସ୍ଥଳ ଦେଖିବାକୁ ମିଳିଥାଏ । ହେଲେ ଜାଣନ୍ତି, ଏମିତି ଏକ ଦେଶ ଅଛି, ଯେଉଁଠାରେ ମାତ୍ରାଧିକ ଲୋକ ମୁସଲମାନ ସଂପ୍ରଦାୟର, ହେଲେ ଗୋଟିଏ ହେଲେ ବି ମସଜିଦ ନାହିଁ !

ଏହି ସୁନ୍ଦର ଛୋଟ ଦେଶର ନାମ ହେଉଛି ଭୁଟାନ। ଏଠାରେ ସମୁଦାୟ ଜନସଂଖ୍ୟା ପ୍ରାୟ ୭.୫ ଲକ୍ଷ। ଯେଉଁଠାରେ ଜନସଂଖ୍ୟାର ୮୪.୩ ପ୍ରତିଶତ ଯେଉଁମାନେ ବୌଦ୍ଧ ଧର୍ମରେ ବିଶ୍ବାସ କରନ୍ତି । ସେହିପରି ଦ୍ୱିତୀୟରେ ହିନ୍ଦୁ ଜନସଂଖ୍ୟା ହେଉଛି ୧୧.୩ ପ୍ରତିଶତ। ସେଠାରେ ସେମାନଙ୍କର ମନ୍ଦିର ଏବଂ ଧାର୍ମିକ ସ୍ଥାନ ମଧ୍ୟ ଅଛି। କିଛି ବର୍ଷ ପୂର୍ବେ ଭୁଟାନର ରାଜା ନିଜେ ରାଜଧାନୀ ଥିମ୍ଫୁରେ ଏକ ହିନ୍ଦୁ ମନ୍ଦିର ନିର୍ମାଣ କରିଥିଲେ। ଭୁଟାନରେ ମୁସଲମାନ ଜନସଂଖ୍ୟା ପ୍ରାୟ ୦୧ ପ୍ରତିଶତ। ଦୀର୍ଘ ଦିନ ଧରି ସେଠାକାର ମୁସଲମାନ ସମ୍ପ୍ରଦାୟ ସେଠାରେ ଏକ ମସଜିଦ ନିର୍ମାଣ କରିବାକୁ ଦାବି କରିଆସୁଥିଲେ ମଧ୍ୟ ସରକାରୀ ଭାବେ ସେଠାରେ କୌଣସି ମସଜିଦ ନାହିଁ କିମ୍ବା ସରକାର ଏହାର ଅନୁମତି ମଧ୍ୟ ଦେଇନାହାଁନ୍ତି।

ସେହିଭଳି ଖ୍ରୀଷ୍ଟିଆନ ଧର୍ମ ମଧ୍ୟ ଦୀର୍ଘ ସମୟ ଧରି ରହିଆସିଛି କିନ୍ତୁ ଭୁଟାନ ସରକାର ସେମାନଙ୍କୁ ଚର୍ଚ୍ଚ ନିର୍ମାଣ କରିବାକୁ କେବେ ଅନୁମତି ଦେଇ ନାହାଁନ୍ତି। ତେବେ ଭୁଟାନର ବୁମଥାଙ୍ଗରେ ଆନୁଷ୍ଠାନିକ ଭାବରେ ଏକ ଛୋଟ ପ୍ରାର୍ଥନା କକ୍ଷ ଅଛି, ଯେଉଁଠାରେ ମୁସଲମାନ, ଶିଖ ଏବଂ ଖ୍ରୀଷ୍ଟିଆନମାନଙ୍କୁ ତିନୋଟି ପୃଥକ କୋଠରୀରେ ପ୍ରାର୍ଥନା କରିବାକୁ ଅନୁମତି ଦିଆଯାଇଛି। ତେବେ ପର୍ଯ୍ୟଟକମାନଙ୍କୁ ସେମାନଙ୍କ ହୋଟେଲ ରୁମରେ ମଧ୍ୟ ପ୍ରାର୍ଥନା କରିବାକୁ ଅନୁମତି ଦିଆଯାଇଛି। 

ଅନ୍ୟପଟେ ଭୁଟାନର ରାଜଧାନୀ ଥିମ୍ଫୁରେ ନିର୍ମିତ ହୋଇଛି ଏକ ବିଶାଳ ହିନ୍ଦୁ ମନ୍ଦିର । ଏଥିରେ ଅନେକ ହିନ୍ଦୁ ଦେବତା ଏବଂ ଦେବୀଙ୍କର ମୂର୍ତ୍ତି ରହିଛି। ଏଠାରେ ଥିବା ହିନ୍ଦୁମାନେ ସାଧାରଣତଃ ଗଣେଶ ଏବଂ ଦୁର୍ଗାଙ୍କୁ ଅଧିକ ପୂଜା କରନ୍ତି। ୦୭ତମ ଶତାବ୍ଦୀ ପର୍ଯ୍ୟନ୍ତ ଏହି ଦେଶ ଭାରତର କୋଚବିହାର ରାଜବଂଶ ଅଧୀନରେ ଥିଲା କିନ୍ତୁ ଏହା ପରେ ଏହା ବୌଦ୍ଧ ଧର୍ମରେ ପରିଣତ ହୋଇଥିଲା। ଯଦିଓ ଇଣ୍ଟରନେଟରେ କିଛି ସ୍ଥାନରେ ସୂଚନା ଅଛି ଯେ ଥିମ୍ଫୁରେ ଏକ ମସଜିଦ ଅଛି, କିନ୍ତୁ ସରକାରୀ ଭାବେ ବୌଦ୍ଧ ଏବଂ ହିନ୍ଦୁ ପୂଜାପାଠ ବ୍ୟତୀତ ଏହି ଦେଶରେ କୌଣସି କୋଠା ନାହିଁ।

ନୁଆଦିଲ୍ଲୀ: ବିଶ୍ୱରେ ଏମିତି ଅନେକ ମନ୍ଦିର ଅଛି ଯେଉଁ ଗୁଡ଼ିକ କିଛି ଖାସ୍‌ ମାହାତ୍ମ୍ୟ ପାଇଁ ଜଣାଶୁଣା । ସେ ହିନ୍ଦୁ ଦେଶ ହେଉ ଅବା ମୁସଲିମ୍‌ ଦେଶ । ଭଗବାନ ସମସ୍ତଙ୍କର । କେବଳ ଭକ୍ତି ଆବଶ୍ୟକ । ସେଥିପାଇଁ କୁହାଯାଏ ଭକ୍ତର ଭଗବାନ । ଭଗବାନଙ୍କ ପୂଜାରେ ସ୍ଥାନ କେବେ ବାଧକ ସାଜିପାରେନା । ଏଇ ଯେମିତି ଇଣ୍ଡୋନେସିଆ ।

ମୁସଲମାନଙ୍କ ଦେଶ ଇଣ୍ଡୋନେସିଆରେ ହିନ୍ଦୁ ଦେବତା ଭଗବାନ ବିଷ୍ଣୁଙ୍କ ବିଶ୍ୱର ଉଚ୍ଚତମ ପ୍ରତିମୂର୍ତ୍ତି ପ୍ରତିଷ୍ଠିତ ହୋଇଛି। ଏତେ ବଡ ମୂର୍ତ୍ତି ଭାରତରେ ମଧ୍ୟ ନାହିଁ, ଯେଉଁଠାରେ ହିନ୍ଦୁମାନଙ୍କର ଜନସଂଖ୍ୟା ସର୍ବାଧିକ। ଏହି ପ୍ରତିମୂର୍ତ୍ତି ଇଣ୍ଡୋନେସିଆର ବାଲି ଦ୍ୱୀପରେ ଥିବା କିନକାନା ପାର୍କରେ ରହିଛି। ଏହି ପ୍ରତିମୂର୍ତ୍ତି ୧୨୨ ଫୁଟ ଉଚ୍ଚ ଏବଂ ୬୪ ଫୁଟ ଚଉଡା। ଏହି ପ୍ରତିମା ତମ୍ବା ଓ ପିତ୍ତଳରେ ନିର୍ମିତ। କୁହାଯାଏ ଏହାକୁ ତିଆରି କରିବାକୁ ପ୍ରାୟ ୨୪ ବର୍ଷ ସମୟ ଲାଗିଥିଲା ଏବଂ ଏହା ୨୦୧୮ରେ ସମ୍ପୂର୍ଣ୍ଣ ହୋଇଥିଲା। ଏହି ପ୍ରତିମୂର୍ତ୍ତିରେ ଭଗବାନ ବିଷ୍ଣୁ ଗରୁଡ ଉପରେରେ ବସିଛନ୍ତି। ଏହା ଏତେ ମନୋରମଯେ ଏହାକୁ ଦେଖିବା ପାଇଁ ସାରା ବିଶ୍ୱରୁ ଲୋକ ଆସନ୍ତି। ଭକ୍ତଙ୍କ ସମାଗମରେ ଏହାର ଆଖପାଖ ଆହୁରି ପ୍ରଜ୍ୱଳିତ ହୋଇଉଠେ ।

ଇଣ୍ଡୋନେସିଆରେ ରହୁଥିବା ଶିଳ୍ପୀ ବପ୍ପା ନ୍ୟୁମାନ ନୁଆର୍ତା ୧୯୭୯ ରେ ଏଭଳି ଏକ ବିଶାଳ ପ୍ରତିମୂର୍ତ୍ତି ତିଆରି କରିବାର ସ୍ୱପ୍ନ ଦେଖିଥିଲେ, ଯାହା ବର୍ତ୍ତମାନ ପର୍ଯ୍ୟନ୍ତ ଦୁନିଆର କୌଣସି ସ୍ଥାନରେ ତିଆରି ହୋଇନାହିଁ। ଏହା ପରେ, ସେ ଏହି ପ୍ରତିମା ତିଆରି କରିବା ପାଇଁ ଯୋଜନା ଆରମ୍ଭ କରିଥିଲେ। ୧୬ ବର୍ଷର ଯୋଜନା ପରେ, ଏହା ଉପରେ କାମ ଆରମ୍ଭ ହୋଇଥିଲା । ଏହାକୁ ତିଆରି କରିବା ପାଇଁ କୋଟି କୋଟି ଟଙ୍କା ଖର୍ଚ୍ଚ ହୋଇଥିଲା।