ଉତ୍ତରକାଶୀ : ଗତ 12 ଦିନ ଧରି ଉତ୍ତରପ୍ରଦେଶର ସିଲ୍କିରା ଟନେଲରେ 41 ଜଣ ଶ୍ରମିକ ଫସି ରହିଛନ୍ତି। ଏହି ଶ୍ରମିକମାନଙ୍କୁ ବାହାର କରିବା ପାଇଁ ଉଦ୍ଧାର କାର୍ଯ୍ୟ ଜାରି ରହିଛି। ଏହାପୂର୍ବରୁ କୁହାଯାଉଥିଲା ଯେ ସମସ୍ତ ଶ୍ରମିକ ସକାଳ 8 ଟା ସୁଦ୍ଧା ଟନେଲରୁ ବାହାରକୁ ଆସିବେ କିନ୍ତୁ ଅଗର ମେସିନରେ ତ୍ରୁଟି ହେତୁ ଏହା ହୋଇ ନଥିଲା।
ଏଥି ସହିତ, ବର୍ତ୍ତମାନ ଶ୍ରମିକମାନଙ୍କ ନିକଟରେ ପହଞ୍ଚିବାକୁ ଆଉ 14 ଘଣ୍ଟା ଲାଗିବ ବୋଲି କୁହାଯାଉଛି। ନଭେମ୍ବର 12 ରେ ଟନେଲର ଏକ ଅଂଶ ଭୁଶୁଡ଼ିବା ପରେ ଏହି ଶ୍ରମିକମାନେ ଏଠାରେ ଫସି ରହିଛନ୍ତି। ସବୁଠୁ ବଡ କଥା ହେଉଛି ଏହି ସମସ୍ତ ଶ୍ରମିକ ସୁରକ୍ଷିତ ଅଛନ୍ତି। ମଙ୍ଗଳବାର ଦିନ ଟନେଲରୁ ଶ୍ରମିକମାନଙ୍କ ପ୍ରଥମ ଚିତ୍ର ମଧ୍ୟ ପ୍ରକାଶ ପାଇଛି, ଯାହା ସ୍ପଷ୍ଟ କରୁଛି ଯେ ସମସ୍ତେ ସୁରକ୍ଷିତ ଅଛନ୍ତି। ଘଟଣା ସ୍ଥଳରେ ସମସ୍ତ ବ୍ୟବସ୍ଥା କରାଯାଇଛି। ଯଦି ସବୁକିଛି ଠିକ ଅଛି ତେବେ ଆଜି ରାତି ସୁଦ୍ଧା ସମସ୍ତ ଶ୍ରମିକ ଟନେଲରୁ ବାହାରକୁ ଆସିବେ ବୋଲି ଆଶା କରାଯାଉଛି l
