ନୂଆଦିଲ୍ଲୀ: ଏଲୋପାଥି ଡାକ୍ତରୀ ଛାତ୍ର ତୁଳନାରେ ଆୟୁର୍ବେଦ ଡାକ୍ତରୀ ଛାତ୍ରଛାତ୍ରୀଙ୍କୁ ମିଳିବନି ଛାତ୍ରବୃତ୍ତି। ଏକ ପିଟିସନର ଶୁଣାଣି କରି ଏପରି କହିଛନ୍ତି। ଜଷ୍ଟିସ ବିଆର ଗୱାଇ ଓ ଜଷ୍ଟିସ ସନ୍ଦୀପ ମେହେଟ୍ଟାଙ୍କୁ ନେଇ ଗଠିତ ଖଣ୍ଡପୀଠ ଶୁଣାଣୀ ବେଳେ କହିଛନ୍ତି କି ଆୟୁର୍ବେଦରେ ସ୍ନାତକୋତ୍ତର ଛାତ୍ରମାନେ ଏଲୋପାଥି ଛାତ୍ରମାନଙ୍କ ଭଳି କାର୍ଯ୍ୟ କରନ୍ତି ନାହିଁ। ମଧ୍ୟପ୍ରଦେଶ ସରକାରଙ୍କ ଆବେଦନକୁ ଗ୍ରହଣ କରି ୨୦୧୯ ମସିହା ନଭେମ୍ବର ୧୯ ତାରିଖରେ ହାଇକୋର୍ଟଙ୍କର ଆଦେଶକୁ ବାତିଲ କରି ଦେଇଛନ୍ତି। ବେଞ୍ଚ କହିଛନ୍ତି ଯେ ହାଇକୋର୍ଟଙ୍କ ନିର୍ଦ୍ଦେଶ ଆଇନଗତ ସ୍ଥାୟୀ ନୁହେଁ। ମଧ୍ୟପ୍ରଦେଶର ଅତିରିକ୍ତ ଆଡଭୋକେଟ୍ ଜେନେରାଲ୍ ସୌରଭ ମିଶ୍ର ହାଇକୋର୍ଟଙ୍କ ନିର୍ଦ୍ଦେଶର ବୈଧତା ଉପରେ ପ୍ରଶ୍ନ ଉଠାଇ କହିଛନ୍ତି ଯେ ଏହି ପ୍ରସଙ୍ଗ ଆଉ ନୂଆ ନୁହେଁ।
ଏଲୋପାଥି ସହିତ ଆୟୁର୍ବେଦକୁ ତୁଳନା କରାଯାଇ ପାରିବ ନାହିଁ । ଗତ ବର୍ଷ ସୁପ୍ରିମକୋର୍ଟ କହିଥିଲେ ଯେ ଆୟୁର୍ବେଦର ସ୍ନାତକୋତ୍ତର ଛାତ୍ରମାନଙ୍କ କାର୍ଯ୍ୟକୁ ଆଲୋପାଥିର ସ୍ନାତକୋତ୍ତର ଛାତ୍ରମାନଙ୍କ କାର୍ଯ୍ୟ ସହିତ ତୁଳନା କରାଯାଇପାରିବ ନାହିଁ। ସେ କହିଛନ୍ତି ଯେ ପରେ ଉଭୟ ଷ୍ଟ୍ରିମରେ ଦିଆଯାଇଥିବା ଛାତ୍ରବୃତ୍ତି ସଂଶୋଧିତ ହୋଇଛି ଏବଂ ଉଭୟ ଷ୍ଟ୍ରିମରେ ସ୍ନାତକୋତ୍ତର ଛାତ୍ରମାନଙ୍କୁ ଦିଆଯାଇଥିବା ଛାତ୍ରବୃତ୍ତିରେ କୌଣସି ପାର୍ଥକ୍ୟ ନାହିଁ। ରାଜ୍ୟ ପରାମର୍ଶଦାତାଙ୍କ ଦାବିରେ ବେଞ୍ଚ ସହମତ ହୋଇଛି।
ସୂଚନାଯୋଗ୍ୟ ଆୟୁର୍ବେଦର ଛାତ୍ରଗୋଷ୍ଠୀ ଦାୟର ହୋଇଥିବା ଯାଚିକାରେ କହିଥିଲେ କି ସ୍ନାତକୋତ୍ତର ଛାତ୍ରଙ୍କ କାର୍ଯ୍ୟ ଏଲୋପାଥି ସହିତ ସମାନ ରହିଥିଲା। ଏପରି ସ୍ଥଳେ କାହିଁକି ଭେଦଭାବ କରାଯାଉଛି ବୋଲି ସେମାନେ କହିଥିଲେ।
