ଘୋଷଣା ହେଲା 69 ତମ ଜାତୀୟ ଚଳଚ୍ଚିତ୍ର ପୁରସ୍କା ଗତକାଲି ଦିଲ୍ଲୀରେ ୬୯ ତମ ଜାତୀୟ ଚଳଚ୍ଚିତ୍ର ପୁରସ୍କାର ଘୋଷଣା କରାଯାଇଛି। ଯେକୌଣସି କଳାକାରଙ୍କ ପାଇଁ ଏହା ଅନ୍ୟତମ ସମ୍ମାନଜନକ ପୁରସ୍କାର | ଏହି ବର୍ଷ ଜାତୀୟ ଚଳଚ୍ଚିତ୍ର ପୁରସ୍କାରକୁ ନେଇ ଚର୍ଚ୍ଚା ଜୋର ଧରିଛି। ରାଜଧାନୀ ଦିଲ୍ଲୀର ଜାତୀୟ ମିଡିଆ କେନ୍ଦ୍ରରେ ଅପରାହ୍ନ ୫ ଟାରୁ ଏହି କାର୍ଯ୍ୟକ୍ରମ ଆରମ୍ଭ ହୋଇଥିଲା | ଯେଉଁଠାରେ ଏହି ବର୍ଷର ବହୁ ବିଶିଷ୍ଟ ଚଳଚ୍ଚିତ୍ର ଅଭିନେତାଙ୍କ ନାମ ଏହି ତାଲିକାରେ ଅନ୍ତର୍ଭୁକ୍ତ ହୋଇଥିଲା, ଯେଉଁମାନେ ସେମାନଙ୍କର ସର୍ବୋତ୍ତମ ପ୍ରଦର୍ଶନ ପାଇଁ ପୁରସ୍କୃତ ହୋଇଥିଲେ | ଜାତୀୟ ଚଳଚ୍ଚିତ୍ର ପୁରସ୍କାର ୨୦୨୩ ର ବିଜେତା ଘୋଷିତ ହୋଇଛି l ଅଭିନେତା ଭିକ୍କି କୌଶଲଙ୍କ ଫିଲ୍ମ ‘ସର୍ଦ୍ଦାର ଉଧମ ସିଂହ’କୁ ଶ୍ରେଷ୍ଠ ହିନ୍ଦି ଚଳଚ୍ଚିତ୍ର ପୁରସ୍କାର ମିଳିଛି । ‘ଗଙ୍ଗୁବାଇ କାଠିଆୱାଡି’ ଏବଂ ‘ମିମି’ ପାଇଁ ଆଲିଆ ଭଟ୍ଟ ଏବଂ କ୍ରିତି ସାନନଙ୍କୁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପ୍ରଦାନ କରାଯାଇଛି। ସାଉଥ ସିନେମାର ସୁପରଷ୍ଟାର ଅଲୁ ଅର୍ଜୁନଙ୍କୁ ଶ୍ରେଷ୍ଠ ଅଭିନେତା ପୁରସ୍କାର ପ୍ରଦାନ କରାଯାଇଛି। ଶ୍ରେଷ୍ଠ ଓଡ଼ିଆ ଫିଲ୍ମ ଭାବେ ବିବେଚିତ ହେଲା ପ୍ରତୀକ୍ଷା l ଫିଲ୍ମ ମିମି ପାଇଁ ପଙ୍କଜ ତ୍ରିପାଠୀ ଶ୍ରେଷ୍ଠ ସହାୟକ ଅଭିନେତା ପୁରସ୍କାର ପାଇଛନ୍ତି। କାଶ୍ମୀର ଫାଇଲ ପାଇଁ ପାଲ୍ଲବୀ ଯୋଶୀଙ୍କୁ ଶ୍ରେଷ୍ଠ ସହାୟକ ମହିଳା ଅଭିନେତା ପୁରସ୍କାର ପ୍ରଦାନ କରାଯାଇଛି। ସେହିପରି ଶେରଶାହକୁ ସ୍ପେଶାଲ ଜୁରୀ ପୁରସ୍କାର, ବେଷ୍ଟ ଆକ୍ସନ ଡାଇରେକ୍ସନ ଆୱାର୍ଡ ଆରଆରଆର, ବେଷ୍ଟ କୋରିଓଗ୍ରାଫି ଆରଆରଆର, ବେଷ୍ଟ ସ୍ପେଶାଲ ଇଫେକ୍ସଟ ଆରଆରଆର, ଗଙ୍ଗୁବାଇ କାଠିଆବାଡ଼ିକୁ ବେଷ୍ଟ ମେକଅପ ଆର୍ଟିଷ୍ଟ, ବେଷ୍ଟ ଏଡିଟିଂ ଓ ବେଷ୍ଟ ଡାଇଲଗ, ସର୍ଦ୍ଦାର ଉଧମ ସିଂହକୁ ବେଷ୍ଟ ସିନେମାଟୋଗ୍ରାଫି, ସ୍ମାଇଲ ପ୍ଲିଜକୁ ବେଷ୍ଟ ଡାଇରେକ୍ସନ, କୋଣ୍ଡା ପୋଲାମକୁ ବେଷ୍ଟ ଲିରିକ୍ସ ପୁରସ୍କାର ମିଳିଛି । ୧୯୫୪ ମସିହାରେ ଜାତୀୟ ଚଳଚ୍ଚିତ୍ର ପୁରସ୍କାର ଆରମ୍ଭ କରାଯାଇଥିଲା । ଚଳଚ୍ଚିତ୍ର କ୍ଷେତ୍ରରେ ଏହା ହେଉଛି ଦେଶର ସର୍ବୋଚ୍ଚ ପୁରସ୍କାର । ଦେଶର ରାଷ୍ଟ୍ରପତି ବିଜେତାଙ୍କୁ ଏହି ପୁରସ୍କାର ପ୍ରଦାନ କରିଥାନ୍ତି ।
