ଉତ୍ତରପ୍ରଦେଶ : କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କୁ ମିଳିଲା ଆଶ୍ବସ୍ତି l ମଙ୍ଗଳବାର ସୁଲତାନପୁର କୋର୍ଟରେ ହାଜର ହୋଇଥିଲେ ରାହୁଲ । କଂଗ୍ରେସ ପାଇଁ ଖୁସି ଖବର ହେଉଛି ରାହୁଲ ଗାନ୍ଧୀଙ୍କୁ ଜାମିନ ମିଳିଛି। ସୁଲତାନପୁର ଏମ୍ପି/ଏମ୍ଏଲ୍ଏ କୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି। ୨୫,୦୦୦ ହଜାର ଟଙ୍କା ଲେଖାଏଁ ଦୁଇଟି ମୁଚାଲିକାରେ କୋର୍ଟ ତାଙ୍କୁ ଜାମିନ ଦେଇଛନ୍ତି।
୨୦୧୮ ମସିହା ଅଗଷ୍ଟ ୪ ତାରିଖରେ ଗୃହମନ୍ତ୍ରୀ ଅମିତ ଶାହାଙ୍କ ବିରୋଧରେ ବିବାଦୀୟ ମନ୍ତବ୍ୟ ଦେଇଥିବା ସହିତ ଜଡିତ ମାନହାନୀ ମାମଲାରେ ଶୁଣାଣିରେ ରାହୁଲ ଗାନ୍ଧୀଙ୍କ ନାମ ଯୋଡି ହୋଇଥିଲା l ଏହି ମାମଲାରେ ରାହୁଲ ଗାନ୍ଧିଙ୍କୁ ସୁଲତାନପୁରର ସିଭିଲ କୋର୍ଟରେ ହାଜର ହେବାକୁ ସମନ କରାଯାଇଥିଲା। ମାର୍ଚ୍ଚ ୨ ତାରିଖରେ ଏହି ମାମଲର ପରବର୍ତ୍ତୀ ଶୁଣାଣି ହେବ।
ରାହୁଲ ଗାନ୍ଧୀଙ୍କ ଓକିଲ ସାନ୍ତୋଷ ପାଣ୍ଡେ କହିଛନ୍ତି ଯେ ରାହୁଲ ଗାନ୍ଧୀ ଆଜି କୋର୍ଟରେ ଆତ୍ମସମର୍ପଣ କରିଛନ୍ତି। କୋର୍ଟ ତାଙ୍କୁ ୩୦ରୁ୪୫ ମିନିଟ୍ ପାଇଁ ଅଟକ ରଖିଥିଲେ। ପରବର୍ତ୍ତୀ ସମୟରେ ତାଙ୍କ ଜାମିନ ଆବେଦନ କୋର୍ଟରେ ଉପସ୍ଥାପିତ ହୋଇଥିଲା ଏବଂ ଗ୍ରହଣ କରାଯାଇଥିଲା। ପରବର୍ତ୍ତୀ ତାରିଖ ଏପର୍ଯ୍ୟନ୍ତ ଦିଆଯାଇ ନାହିଁ l ତାଙ୍କ ଓକିଲ କହିଛନ୍ତି ଯେ ସେ ନିର୍ଦ୍ଦୋଷ ଏବଂ କୌଣସି ବଦନାମ ମନ୍ତବ୍ୟ ଦେଇନାହାଁନ୍ତି।
ବିଜେପି ନେତା ବିଜୟ ମିଶ୍ରଙ୍କ ଅଭିଯୋଗ ଉପରେ ଏହି ମାମଲା ଆରମ୍ଭ ହୋଇଛି। ଶୁଣାଣି ପୂର୍ବରୁ ବିଜୟ ମିଶ୍ରଙ୍କ ନିକଟରେ ହାଜର ହୋଇଥିବା ଓକିଲ ସାନ୍ତୋଷ କୁମାର ପାଣ୍ଡେ କହିଛନ୍ତି ଯେ ଯଦି କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ବିରୋଧରେ ପର୍ଯ୍ୟାପ୍ତ ପ୍ରମାଣ ମିଳେ ତେବେ ତାଙ୍କୁ ସର୍ବାଧିକ ୨ ବର୍ଷ ଦଣ୍ଡିତ କରାଯାଇପାରିବ। ରାହୁଲ ଗାନ୍ଧୀ ୨୦୧୮ ରେ ଏକ ସାମ୍ବାଦିକ ସମ୍ମିଳନୀରେ ଅମିତ ଶାହାଙ୍କ ବିଷୟରେ ବିବାଦୀୟ ମନ୍ତବ୍ୟ ଦେଇଥିଲେ।
