ଜୁଲାଇ 9, 1942 ରେ ମହାରାଷ୍ଟ୍ରର ସୋଲାପୁରରେ ଜନ୍ମଗ୍ରହଣ କରିଥିଲେ ମଦନ ଦାସ ଦେବୀ ଜୀ । ନିଜ ଜୀବନକୁ ଦେଶ ସେବାରେ ସେ ଉତ୍ସର୍ଗ କରିବାକୁ ଲାଗିଲେ। ରାଷ୍ଟ୍ରୀୟ ସ୍ବୟଂ ସେବକ ସଂଘର ସେ ଜଣେ ସାଧକ ଥିଲେ । ଶିକ୍ଷା ଅନୁଯାୟୀ, ସେ ଜଣେ ଓକିଲ ଏବଂ ଚାର୍ଟାର୍ଡ ଆକାଉଣ୍ଟାଣ୍ଟ ଥିଲେ ।
ମଦନ ଜୀ ୧୯୬୪ ମସିହାରେ ଏବିଭିପିରେ ଯୋଗ ଦେଇଥିଲେ । ୧୯୬୬ ରେ ସେ ମହାରାଷ୍ଟ୍ରର ସମ୍ପାଦକ ଥିଲେ । ୧୯୬୮ ଏବିଭିପିର ପଶ୍ଚିମ କ୍ଷେତ୍ରର ପ୍ରଚାରକ ଭାବରେ ସେ କାମ କରିଥିଲେ । ୧୯୭୦-୭୨ ମସିହାରେ ସେ ଏବିଭିପିର ରାଷ୍ଟ୍ରୀୟ ସଂଗଠନ ସମ୍ପାଦକ ଭାବରେ ଦାୟୀତ୍ଵ ଗ୍ରହଣ କରିଥିଲେ । ୧୯୯୨ ରେ ସେ RSS ର ଅଖିଳ ଭାରତୀୟ ସହ ପ୍ରଚାର ପ୍ରମୁଖ ଭାବରେ କାର୍ଯ୍ୟରତ ଥିଲେ । ୧୯୯୩ରେ ସେ ସହ କାର୍ଯ୍ୟବାହ ଭାବରେ ଦାୟୀତ୍ଵ ଗ୍ରହଣ କରିଥିଲେ । ୨୦୦୯ରେ ସେ ସଂଘର ଅଖିଳ ଭାରତୀୟ କାର୍ଯ୍ୟକାରିଣୀ ସଦସ୍ୟ ହୋଇଥିଲେ ।ତେବେ ଗତ ୨୪ ଜୁଲାଇରେ ସେ ମୃତ୍ୟୁବରଣ କରିଥିଲେ ।
ତାଙ୍କର ଅନୁଶାସନ, ସଚ୍ଚୋଟତା ଏବଂ ପ୍ରତି ପ୍ରତିବଦ୍ଧତା ଏତେ ସମ୍ମାନର ଆଦେଶ ଦେଇଥିଲା ଯେ ସମସ୍ୟାର ସମାଧାନ ସ୍ପଷ୍ଟ ଥିଲା । ଦେଶ ପାଇଁ ମଦନ ଜୀଙ୍କର ସବୁଠାରୁ ବଡ ଅବଦାନ ଥିଲା ଯେ ସେ ସବୁଠାରୁ ଚ୍ୟାଲେଞ୍ଜିଙ୍ଗ ସମୟରେ ସ୍ଵଦେଶିକୁ ମୁଖ୍ୟ ସ୍ରୋତକୁ ଆଣିଥିଲେ । ମଦନ ଜୀ ଆରଏସଏସ ସହଯୋଗୀ ତଥା ବାଜପେୟୀ ସରକାର ମଧ୍ୟରେ ସନ୍ତୁଳନ ରକ୍ଷା କରିବାକୁ କାର୍ଯ୍ୟ କରିଥିଲେ ଏବଂ ତାଙ୍କ ନେତୃତ୍ୱ ହେତୁ ଅନେକ ବିବାଦୀୟ ପ୍ରସଙ୍ଗର ସମାଧାନ ହୋଇଥିଲା ।
ସେ ଆଜୀବନ ନିଜ ସ୍ୱାର୍ଥକୁ ଜଳାଞ୍ଜଳି ଦେଇଥିଲେ । ସେ ଜଣେ ଚାର୍ଟାର୍ଡ ଆକାଉଣ୍ଟାଣ୍ଟ ଥିଲେ, ଚାହିଁଥିଲେ ଆରାମଦାୟକ ଜୀବନ ଯାପନ କରିପାରିଥାନ୍ତେ । କିନ୍ତୁ କଣ୍ଟକିତ ମାର୍ଗକୁ ସେ ନିଜର କରି ଦେଇଥିଲେ। ଆଉ ସଦା ସର୍ବଦା ଦେଶପ୍ରେମର ଭାବନା ଓ ରାଷ୍ଟ୍ରର ବିକାଶ ତାଙ୍କୁ ସଭିଙ୍କଠୁ ସ୍ଵତନ୍ତ୍ର କରି ଦେଇଥିଲା ।
ସେ ଏପରି ଏକ ଭାରତ ପରିକଳ୍ପନା କରିଥିଲେ ଯେଉଁଠାରେ ଆତ୍ମ ନିର୍ଭରଶୀଳତା ଏକ ଲକ୍ଷ ନୁହେଁ ପ୍ରତ୍ୟକଙ୍କ ପାଇଁ ଜୀବନ୍ତ ବାସ୍ତବତା ଥିଲା । ରାଷ୍ଟ୍ରସେବା ପାଇଁ ସେ ନିଜ ଜୀବନକୁ ଉତ୍ସଗ କରି ଦେଇଥିଲେ । ସର୍ବଦା ହସଖୁସିରେ ଘଣ୍ଟା ଘଣ୍ଟା ଧରି ଚାଲିଥିବା ଆଲୋଚନାକୁ ମାତ୍ର କିଛି ବାକ୍ୟରେ ସେ ସମାହିତ କରିପାରୁଥିଲେ । ସେ ସବୁ କାମକୁ ସଠିକ ତାର ସହ ସମ୍ପାଦନ କରି ପାରୁଥିଲେ ।
ତାଙ୍କର ଆଦର୍ଶ ଭବିଷ୍ୟତର ଯାତ୍ରାରେ ଆମ ପାଇଁ ପ୍ରେରଣା ଓ ମାର୍ଗଦର୍ଶନର ପ୍ରତୀକ ଭାବେ କାର୍ଯ୍ୟକରିବ। ଆମେ ବର୍ତ୍ତମାନ ଆଧୁନିକତାର ତାଳେ ତଳେ ଅଗ୍ରସର ହେଉଛେ ସମାଜ ଆଗକୁ ବଢୁଛି, ଆମ ଦେଶ ବିଭିନ୍ନ କ୍ଷେତ୍ରରେ ଆଗକୁ ବଢୁଛି । ତେବେ ଆମେ ଯଦି ଆଜି ଏତେ ଆଗରେ କେବଳ ଏହି ମଦନ ଜୀଙ୍କ ପରି ରାଷ୍ଟ୍ରଭକ୍ତଙ୍କ ପାଇଁ । ଆମେ ମଦନ ଦାସ ଦେବୀ ଜୀଙ୍କ ଭଳି ଲୋକଙ୍କୁ ମନେ ପକାଇବା କେବଳ ଜରୁରୀ ନୁହେଁ ଏହ ଆମ କର୍ତ୍ତବ୍ୟ ମଧ୍ୟ ।
