ନୂଆଦିଲ୍ଲୀ: ରାହୁଲ ଗାନ୍ଧୀଙ୍କ ଭାରତ ଯୋଡୋ ନ୍ୟାୟ ଯାତ୍ରା ଜାନୁଆରୀ ୨୯ରେ ବିହାରରେ ପ୍ରବେଶ କରିବ। କିଶାନଗଞ୍ଜ ଦେଇ ପ୍ରବେଶ କରିଥିବା ଏହି ଯାତ୍ରା ଜାନୁଆରୀ ୩୦ ରେ ପୂର୍ଣ୍ଣିଆରେ ପହଞ୍ଚିବ ଯେଉଁଠାରେ ରାହୁଲ ଗାନ୍ଧୀ ଏକ ବିଶାଳ ସମାବେଶକୁ ସମ୍ବୋଧିତ କରିବେ। ତେବେ ଏହି ଯାତ୍ରା ପଛରେ ରାହୁଲ ଗାନ୍ଧିଙ୍କ ମୁଖ୍ୟ ଉଦ୍ଦେଶ୍ୟ କ’ଣ? ଭାରତ ଯୋଡୋ ଯାତ୍ରା ପରେ ଭାରତ ଯୋଡୋ ନ୍ୟାୟ ଯାତ୍ରା କରିବା ପଛରେ କଣ ରହିଛି ପ୍ଲାନ୍?
ରାହୁଲଙ୍କ କହିବା ଅନୁସାରେ ସବକା ସାଥ, ସବକା ବିଶ୍ୱାସ ଏବଂ ସଂଖ୍ୟାଲଘୁ ଯୋଜନା ସ୍ଲୋଗାନ ଦେଇ ମୁସଲିମ ପ୍ରାଧାନ୍ୟ ଅଞ୍ଚଳରେ ବିଜେପି ନିଜର ଗେମ ପ୍ଲାନ୍ କରିଆସୁଛି। ରାହୁଲ ଗାନ୍ଧୀଙ୍କ ନେତୃତ୍ୱରେ କଂଗ୍ରେସ ଜାନୁଆରୀ ୨୯ରେ ମିଶନ କ୍ଷୟକ୍ଷତି ନିୟନ୍ତ୍ରଣ ଆରମ୍ଭ କରିବ।
ଏହି ସମୟ ମଧ୍ୟରେ ରାହୁଲ ଗାନ୍ଧୀ ଏକ ବିଶାଳ ଜନସଭାକୁ ସମ୍ବୋଧିତ କରିବେ ଏବଂ ଏହି ତିନି ଦିନିଆ ଯାତ୍ରା ସମୟରେ ସେ ଅନେକ ଗୋଷ୍ଠୀଙ୍କୁ ମଧ୍ୟ ଭେଟିବେ ଏବଂ ସେମାନଙ୍କ ଭୋଟ୍ ବ୍ୟାଙ୍କକୁ କଂଗ୍ରେସ ସପକ୍ଷରେ ନେବାକୁ ଚେଷ୍ଟା କରିବେ।ମୋଟାମୋଟି ଭାବେ କହିବାକୁ ଗଲେ ସବୁ ରାଜନୈତିକ ଦଳ ଗୁଡିକ ନିଜ ନିଜ ଭୋଟ ବ୍ୟାଙ୍କକୁ ସୁରକ୍ଷିତ ରଖିବା ତଥା ଲୋକଙ୍କ ସମର୍ଥନକୁ ନିଜ ଆଡକୁ ଆକୃଷ୍ଟ କରିବା ଲକ୍ଷ୍ୟରେ ରହିଛନ୍ତି। କିନ୍ତୁ ରାଜନୈତିକ ଦଳ, ରାଜନେତା ଓ ସେମାନଙ୍କ ଏଜେଣ୍ଡା ସହ ଭୋଟର ମଧ୍ୟ ସଚେତନ ହେଲେଣି। ତେବେ ଦେଖିବା ବାକି ରହିବ ଆଗାମୀ ଦିନମାନଙ୍କରେ କାହାର ପ୍ଲାନ୍ କାମ ଦେବ।