ବିଗ୍ ବସ୍ ଓଟିଟି ୨ ପରେ ସଲମାନ ଖାନ ବର୍ତ୍ତମାନ ପୁଣି ଟିଭି ପରଦାର ବିଗ୍ ବସ୍ରେ କମ୍ବ୍ୟାକ୍ କରୁଛନ୍ତି । ବିଗ୍ ବସ୍ ୧୭ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି । ଧୀରେ ଧୀରେ ଏହାର ପ୍ରତିଯୋଗୀମାନଙ୍କ ଠାରୁ ଥିମ୍ ପର୍ଯ୍ୟନ୍ତ ସମସ୍ତ ବିବରଣୀ ସାମ୍ନାକୁ ଆସୁଛି । ଏଥର ଅନେକ ଟିଭି ସେଲିବ୍ରେଟଙ୍କ ମଧ୍ୟରେ ସୋ’ରେ ଜଣେ ଖୁବ ଚର୍ଚ୍ଚିତ ପ୍ରତିଯୋଗୀ ଆସିବାର ଖବର ମଧ୍ୟ ସାମ୍ନାକୁ ଆସିଛି। ତେବେ ସେ ପ୍ରତିଯୋଗୀ ଜଣ ଆଉ କେହି ନୁହନ୍ତି ବରଂ ନିକଟ ଅତୀତରେ ଚର୍ଚ୍ଚାରେ ଆସିଥିବା ସୀମା ହାଇଦର ।
ନିର୍ମାତାମାନେ ବିଗ୍ ବସ୍ ସିଜନ୍ ୧୭ ପାଇଁ ପ୍ରତିଯୋଗୀଙ୍କ ତାଲିକା ପ୍ରସ୍ତୁତ କରୁଛନ୍ତି । ଏହି ଶୋ’ର ଫର୍ମାଟ୍ ଅନୁଯାୟୀ, ବିବାଦର ସମ୍ମୁଖୀନ ହୋଇଥିବା ପ୍ରତିଯୋଗୀମାନେ ଏଥିରେ ଆସନ୍ତି। ତେବେ ଅନେକ ଗଣମାଧ୍ୟମରେ କୁହାଯାଇଛି ଯେ ଏଥର ସୀମା ହାଇଦର ସୋ’କୁ ଆସିବାକୁ ଯାଉଛନ୍ତି । ସୀମା ଗତ କିଛି ଦିନ ତଳେ ପାକିସ୍ତାନ ଛାଡି ନିଜ ପ୍ରେମ ପାଇଁ ଭାରତକୁ ଚାଲି ଆସିଥିଲେ। ସେତେବେଳେ ତାଙ୍କୁ ଅନେକ ପରିସ୍ଥିତିର ସାମ୍ନା କରିବାକୁ ପଡିଥିଲା ଓ ସେ ସମସ୍ତଙ୍କ ଚର୍ଚ୍ଚାର ପରିସର ଭିତରକୁ ଆସିଥିଲେ l କିନ୍ତୁ ଏବେ ସେ ବିଗ ବସ କୁ ଆସିବ ନେଇ ସୂଚନା ମିଳୁଛି l ତେବେ କେବଳ ସୀମା ନୁହେଁ, ତାଙ୍କ ଜୀବନରେ ଜଣେ ବିଶେଷ ବ୍ୟକ୍ତିଙ୍କ ନାମ ମଧ୍ୟ ଏହି ତାଲିକାରେ ଅଛି । ଅର୍ଥାତ୍ ସୀମାଙ୍କ ସହ ତାଙ୍କ ସ୍ୱାମୀ ସଚିନ୍ ମୀନା ମଧ୍ୟ ଏହି ଶୋ’ର ଏକ ଅଂଶ ହେବେ ।
କହିବାକୁ ଗଲେ ବିଗ୍ ବସ୍ ସିଜିନ୍ର ପ୍ରତିଯୋଗୀମାନଙ୍କ ତାଲିକାରେ ପ୍ରଭାବଶାଳୀ ହର୍ଷ ବେନିୱାଲ୍, କୁନୱାର ଢିଲୋନ୍, ଆଲିସ୍ କୌଶିକ୍, ଶୋ ‘ଉଦରିଆ’ର ଇଶା ମାଲବିଆ, ଟ୍ୱିଙ୍କଲ୍ ଅରୋରା, ମଲ୍ଲିକା ସିଂ ଏବଂ ତାଙ୍କ ରୁମର୍ଡ ପ୍ରେମିକ ସୁମେଦ୍ l ଏହା ବ୍ୟତୀତ ଆହୁରି ନାମ ସାମ୍ନାକୁ ଆସୁଛି । ତଥାପି, ଏହି ନାମଗୁଡିକ ଏପର୍ଯ୍ୟନ୍ତ ସମ୍ପୂର୍ଣ୍ଣରୁପେ ସୁନିଶ୍ଚିତ କରାଯାଇ ନାହିଁ ।