ଭୁବନେଶ୍ଵର: ଶନି ଗ୍ରହ ସବୁଠାରୁ ଧିର ଗତିଶୀଳ ଗ୍ରହ ଭାବରେ ନିଜର ଗତି ପରିବର୍ତ୍ତନ କରନ୍ତି । ଶନିଦେବ ଯେତେବେଳେ ନିଜର ଗତି ବଦଳାଇ ଥାନ୍ତି, ସେତେବେଳେ ଏହାର ପ୍ରଭାବ ପ୍ରାୟ ସମସ୍ତ ରାଶିଙ୍କ ଉପରେ ପଡ଼ିଥାଏ । ବିଶେଷ କରି ଶନିଙ୍କ ସାଢେସାତି ଓ ଅଢେଇ ବର୍ଷର ପ୍ରଭାବ, ମଣିଷ ଜୀବନରେ ନକାରାତ୍ମକତା ଆଣିଥାଏ । ଫଳରେ ଜୀବନରେ ଅନେକ ପ୍ରକାରର ସମସ୍ୟା ସୃଷ୍ଟି ହୁଏ ଏବଂ ଅସ୍ଥିରତା ଦେଖାଦିଏ । ବର୍ତ୍ତମାନ ଶନି ମୀନ ରାଶିରେ ପ୍ରବେଶ କରିଛନ୍ତି, ଯାହା ଫଳରେ କିଛି ରାଶି ଉପରେ ଶନିଙ୍କ ସାଢେସାତି ଓ ମହାଦଶାର ପ୍ରଭାବ ଆରମ୍ଭ ହୋଇଛି ।
ତେବ ଶନି ଗ୍ରହଙ୍କ ଏହି କୁପ୍ରଭାବକୁ ହ୍ରାସ କରିବା ପାଇଁ, ଏକ ବିଶେଷ ତିଥି ନିକଟତର ହେଉଛି । ଏହି ଦିନରେ ନିଆଯାଇଥିବା କିଛି ବିଶେଷ ପଦକ୍ଷେପ ଆପଣଙ୍କୁ ଶନିଦେବଙ୍କ କୁପ୍ରଭାବରେ ହେଉଥିବା ସମସ୍ୟାରୁ ମୁକ୍ତି ଦେଇପାରିବ । ସମଗ୍ର ଉତ୍ତର ଭାରତରେ ବୈଶାଖ ମାସ ଅମାବାସ୍ୟାକୁ ପାଳନ କରାଯିବ । ଏହି ଦିନ ପିତୃ ତର୍ପଣ, ସ୍ନାନ ଏବଂ ଦାନର ବିଶେଷ ଗୁରୁତ୍ୱ ରହିଛି । ସେହିପରି ଦକ୍ଷିଣ ଭାରତରେ ଏହି ଦିନକୁ ଶନି ଜୟନ୍ତୀ ଭାବରେ ପାଳନ କରାଯାଏ । ଏହି ବର୍ଷ ଏହି ଅମାବାସ୍ୟା ୨୭ ଏପ୍ରିଲରେ ପଡୁଛି । ଦକ୍ଷିଣ ଭାରତରେ ମଧ୍ୟ ଏହି ଦିନ ଶନି ଜୟନ୍ତୀ ପାଳନ କରାଯିବ ।
ଏହି ଦିନ, ବିଧି ଅନୁସାରେ ଭଗବାନ ଶନିଙ୍କୁ ପୂଜା କରାଯାଏ । ଏହିଦିନ କିଛି ବିଶେଷ ପଦକ୍ଷେପ ନେଇ, ସାଢେସାତି ଓ ମହଦଶା ପ୍ରଭାବକୁ ହ୍ରାସ କରାଯାଇପାରିବ । ମୁଠାଏ କଳା ରାଶି ନିଅନ୍ତୁ ଏବଂ ଏହାକୁ ଆପଣଙ୍କ ଶରୀରର ଚାରିପାଖରେ ବୁଲାନ୍ତୁ । ଏହା ପରେ, ଏହାକୁ ପ୍ରବାହିତ ପାଣିରେ ଭସାଇ ଦିଅନ୍ତୁ । ଏହା କରିବା ଦ୍ୱାରା ଶନିଙ୍କ କୁପ୍ରଭାବକୁ ଏଡାଯାଇ ପାରିବ । ଏହାଛଡା ଶନି ଜୟନ୍ତୀ ଦିନ ଯେକୌଣସି ଶନି ମନ୍ଦିରକୁ ଯାଆନ୍ତୁ । ସେଠାରେ ସୋରିଷ ତେଲ ଏବଂ ଗୋଟିଏ ମୁଦ୍ରା ନିଅନ୍ତୁ ।
ସୋରିଷ ତେଲ ଦେଇ ମୁଦ୍ରା ଉପରେ ଏକ ବିନ୍ଦୁ ତିଆରି କରନ୍ତୁ ଏବଂ ସେହି ମୁଦ୍ରାକୁ ଶନି ମନ୍ଦିରରେ ରଖନ୍ତୁ । ଏହି ପ୍ରତିକାର କରିବା ସମୟରେ କେହି ଯେପରି ଆପଣଙ୍କୁ ନ ଦେଖନ୍ତି, ସେଥିପ୍ରତି ସତର୍କ ରୁହନ୍ତୁ । ସେହିପରି ଅଶ୍ବତ୍ଥ ଗଛ ତଳେ ସୋରିଷ ତେଲର ଦୀପ ଜଳାନ୍ତୁ । ଏହା ଶନି ଦେବଙ୍କୁ ପ୍ରସନ୍ନ କରିବାର ଏକ ଗୁରୁତ୍ୱପୂର୍ଣ୍ଣ ଉପାୟ । ଶନି ଜୟନ୍ତୀ ଦିନ, ଶନି ମନ୍ଦିରକୁ ଯାଆନ୍ତୁ ଏବଂ ଶନିଦେବଙ୍କୁ ସୋରିଷ ତେଲରେ ସ୍ନାନ କରାନ୍ତୁ । ଏହା ସହିତ, ସେହି ତେଲକୁ ମସ୍ତକରେ ଲଗାନ୍ତୁ । ଏହା କରିବା ଦ୍ବାରା ଶନିଦେବଙ୍କ କୁପ୍ରଭାବରୁ ମୁକ୍ତି ମିଳିଥାଏ ।
