ଭୁବନେଶ୍ଵର: କିଛି ଦିନ ପୂର୍ବରୁ TRAI ସମସ୍ତ ଟେଲିକମ୍ କମ୍ପାନୀଗୁଡିକୁ କେବଳ କଲିଂ ଏବଂ SMS ସହିତ ଶସ୍ତା ରିଚାର୍ଜ ପ୍ଲାନ୍ ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲା । TRAIର ଏହି ନିୟମ ପରେ, Jio କେବଳ କଲିଂ ଏବଂ SMS ସହିତ ଦୁଇଟି ଶସ୍ତା ରିଚାର୍ଜ ପ୍ଲାନ୍ ଉପସ୍ଥାପନ କରିଛି । ଏଥି ସହ Jio ତାର ୱେବସାଇଟରେ ଦୁଇଟି ନୂଆ ଭଏସ-ଓନ୍ଲି ପ୍ଲାନ୍ ଲିଷ୍ଟ କରିଛି । ଯେଉଁଥିରେ ୟୁଜର୍ସମାନଙ୍କୁ ୩୬୫ ଦିନ ପର୍ଯ୍ୟନ୍ତ ଲଙ୍ଗ ଭାଲିଡିଟି ମିଳିବ । ଏହି ପ୍ଲାନ୍ ସେୟି ୟୁଜର୍ସମାନଙ୍କ ପାଇଁ ବେଷ୍ଟ ହୋଇପାରିବ ଯେଉଁମାନେ ଡାଟା ବ୍ୟବହାର କରନ୍ତି ନାହିଁ ଏବଂ କେବଳ କଲିଂ ଏବଂ SMS ବ୍ୟବହାର କରନ୍ତି ।
Jioର ଏହି ଦୁଇଟି ପ୍ଲାନ୍ ୪୫୮ ଟଙ୍କାରେ ୮୪ ଦିନ ଏବଂ ୧୯୫୮ ଟଙ୍କାରେ ୩୬୫ ଦିନର ଭାଲିଡିଟି ସହିତ ଆସିଥାଏ । କେବଳ ଏତିକି ନୁହେଁ, Jioର ଏହି ଦୁଇଟି ପ୍ଲାନରୁ ୟୁଜର୍ସମାନଙ୍କୁ ମଧ୍ୟ ବହୁତ ଲାଭ ମିଳିବ । Jioର ନୂଆ ୪୮୫ ଟଙ୍କାର ପ୍ଲାନର ଭାଲିଡିଟି ୮୪ ଦିନ । ଏହି ପ୍ଲାନରେ ୟୁଜର୍ସମାନେ ଅନଲିମିଟେଡ୍ କଲିଂ ଏବଂ ୧୦୦୦ ଫ୍ରି SMS ପାଆନ୍ତି । ଏହା ବ୍ୟତୀତ, ୟୁଜର୍ସମାନେ Jio Cinema ଏବଂ Jio TV ଭଳି ଆପ୍ସର ଫ୍ରି ଆକ୍ସେସ୍ ମଧ୍ୟ ପାଇପାରିବେ । ଏହି ପ୍ଲାନ୍ ସାରା ଭାରତରେ ଯେକୌଣସି ନେଟୱାର୍କରେ ଅନଲିମିଟେଡ୍ କଲିଂ ଏବଂ ଫ୍ରି ନ୍ୟାସନାଲ୍ ରୋମିଂର ସୁବିଧା ଦିଆଯାଏ । ସେହିପରି Jioର ନୂଆ ୧୯୫୮ ଟଙ୍କାର ପ୍ରିପେଡ୍ ପ୍ଲାନ୍ ୩୬୫ ଦିନର ଲଙ୍ଗ ଭାଲିଡିଟି ସହିତ ଆସିଥାଏ ।
ଏହି ପ୍ଲାନରେ ୟୁଜର୍ସମାନେ ସାରା ଭାରତରେ ଯେକୌଣସି ନେଟୱାର୍କରେ ଅନଲିମିଟେଡ୍ କଲିଂର ବେନିଫିଟ୍ ପାଆନ୍ତି । ଏହା ବ୍ୟତୀତ, ଏଥିରେ ୩୬୦୦ ଫ୍ରି SMS ଏବଂ ଫ୍ରି ନ୍ୟାସନାଲ୍ ରୋମିଂ ମଧ୍ୟ ସାମିଲ ଅଛି । ଏହି ପ୍ଲାନରେ ମଧ୍ୟ Jio Cinema ଏବଂ Jio TV ଭଳି ଆପ୍ସକୁ ଫ୍ରିରେ ସେସ୍ ପ୍ରଦାନ କରାଯାଏ । ଯାହା ଦ୍ବାରା ୟୁଜର୍ସମାନେ ଏଣ୍ଟେରଟେନମେଣ୍ଟର ଫୁଲ୍ ମଜା ନେଇପାରିବେ । କହିରଖୁଛୁ ଯେ, Jio ଏବେ ତା’ର ଦୁଇଟି ପୁରୁଣା ରିଚାର୍ଜ ପ୍ଲାନକୁ ଲିଷ୍ଟରୁ ହଟାଇ ଦେଇଛି । ଏହି ପ୍ଲାନଗୁଡିକ ୪୭୯ ଟଙ୍କା ଏବଂ ୧୮୯୯ ଟଙ୍କାରେ ଥିଲା । ୧୮୯୯ ଟଙ୍କାର ପ୍ଲାନରେ ୩୩୬ ଦିନର ଭାଲିଡିଟି ସହିତ ୨୪GB ଡାଟା ମିଳୁଥିଲା, ଯେତେବେଳେ ୪୭୯ ଟଙ୍କାର ପ୍ଲାନରେ ୮୪ ଦିନର ଭାଲିଡିଟି ସହିତ ୬GB ଡାଟା ମିଳୁଥିଲା ।
