ଭୋପାଲ : ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ନିଯୁକ୍ତ ମୋହନ ଯାଦବ ଆଜି ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଶପଥ ଗ୍ରହଣ ସମାରୋହରେ ଯୋଗଦେବା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଭୋପାଳକୁ ଆସୁଛନ୍ତି।
ଏହି ଶପଥ ଗ୍ରହଣ ସମାରୋହରେ ବିଜେପି ଶାସିତ ରାଜ୍ୟଗୁଡ଼ିକର 11 ମୁଖ୍ୟମନ୍ତ୍ରୀ ଯୋଗ ଦେଉଛନ୍ତି। ବିଜେପି ବିଷ୍ଣୁଦେବ ସାଇଙ୍କୁ ଛତିଶଗଡ଼ର ମୁଖ୍ୟମନ୍ତ୍ରୀ ଭାବେ ମନୋନୀତ କରିଥିବାବେଳେ ମଧ୍ୟପ୍ରଦେଶରେ ଦଳ ଓବିସି ମୁହଁ ମୋହନ ଯାଦବଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଛି। ଏହା ବ୍ୟତୀତ ଉଭୟ ରାଜ୍ୟରେ ଦୁଇଜଣ ଉପମୁଖ୍ୟମନ୍ତ୍ରୀ ମଧ୍ୟ ଶପଥ ଗ୍ରହଣ କରିବେ।
ମଧ୍ୟପ୍ରଦେଶରେ ମୋହନ ଯାଦବ ସକାଳ 11:30 ରେ ଶପଥ ଗ୍ରହଣ କରିବେ। ତାଙ୍କ ସହ ରାଜେନ୍ଦ୍ର ଶୁକ୍ଲା ଏବଂ ଜଗଦୀଶ ଦେଓରା ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ। ଛତିଶଗଡରେ ବିଷ୍ଣୁଦେବ ସାଇ ଅପରାହ୍ନ 2 ଟାରେ ଶପଥ ଗ୍ରହଣ କରିବେ। ଅରୁଣ ସାଓ ଏବଂ ବିଜୟ ଶର୍ମା ବିଷ୍ଣୁ ଦେବଙ୍କ ସହ ଉପମୁଖ୍ୟମନ୍ତ୍ରୀ ଭାବରେ ଶପଥ ଗ୍ରହଣ କରିବେ।
ଶପଥ ଗ୍ରହଣ ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ଅଂଶଗ୍ରହଣ କରିବେ। ଏଥି ସହିତ କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ବିଜେପି ଶାସକ ରାଜ୍ୟ ତଥା ବିରୋଧୀଦଳର ନେତାମାନଙ୍କୁ ମଧ୍ୟ ଶପଥ ଗ୍ରହଣ ପାଇଁ ନିମନ୍ତ୍ରଣ ପଠାଯାଇଛି।