ମଙ୍ଗଳବାର ଓଡିଶା ଗସ୍ତରେ ମୋଦି

ମଙ୍ଗଳବାର ଅର୍ଥାତ ଆସନ୍ତା ୧୭ତାରିଖ ଦିନ ଓଡିଶା ଗସ୍ତରେ ଆସିବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ।ନିଜ ଜନ୍ମଦିନରେ ସୁଭଦ୍ରା ଯୋଜନାର ଶୁଭାରମ୍ଭ କରିବେ ମୋଦି। ସୂଚନା ଅନୁସାରେ ଦିନ ୧୧ଟା ୪୦ରେ ଭୁବନେଶ୍ବରରେ ପହଞ୍ଚିବାର କାର୍ଯ୍ୟକ୍ରମ ରହିଛି ।

ଏହାପରେ ସେ ବିମାନ ବନ୍ଦରରୁ ସିଧାସଳଖ ଜନତା ମଇଦାନ ଅଭିମୁଖେ ଯିବେ ।ମଧ୍ୟାହ୍ନ ୧୨ଟାରୁ ୧ଟା ଯାଏଁ ଏହି ସ୍ବତନ୍ତ୍ର କାର୍ଯ୍ୟକ୍ରମ ରହିବ । ଏହି ଅବସରରେ ସୁଭଦ୍ରା ଯୋଜନାର ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି । ସେହିଭଳି ବିଭିନ୍ନ ପ୍ରକଳ୍ପର ଶିଳାନ୍ୟାସ ମଧ୍ୟ କରିବେ ପ୍ରଧାନମନ୍ତ୍ରୀ ମୋଦୀ । ଏହାପରେ ପରେ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି ।