ବିଧାନସଭା ଅଧିବେଶନରେ ଗୃହ କାର୍ଯ୍ୟ ସୁରୁଖୁରୁରେ ଚାଲିଥିଲା ବେଳେ ପଞ୍ଚାୟତରାଜ ଓ ପାନୀୟ ଜଳ ଯୋଗାଣ ମନ୍ତ୍ରୀ ରବି ନାଏକ ବଡ ଘୋଷଣା କରିଛନ୍ତି । ଦୟା ନଦୀରେ ହେବ ୫ଟି ମେଗା ପାନୀୟ ଜଳ ପ୍ରକଳ୍ପ। ମନ୍ତ୍ରୀ କହିଛନ୍ତି ଯେ ପୂର୍ବ ସରକାର କେନ୍ଦ୍ରର ଜଳ ସମ୍ପଦ ଯୋଜନାକୁ କାର୍ଯ୍ୟକାରୀ କରିବାକୁ ଚାହୁଁନଥିଲେ। ଫଳରେ ପ୍ରକଳ୍ପ କାମ ଶେଷ ହେବାରେ ଅନେକ ବିଳମ୍ବ ହୋଇଛି।ଠିକ୍ ସମୟରେ ସର୍ଭେ, ଡିପିଆର ପ୍ରସ୍ତୁତ ହୋଇନାହିଁ।
ବହୁ ବିଳମ୍ବ ହୋଇଥିବା ପ୍ରକଳ୍ପ ଗୁଡିକୁ ସରକାର ୨୦୨୬ରେ ଶେଷ କରିବାକୁ ପ୍ରୟାସ କରୁଛନ୍ତି। ଯାଜପୁରର ଅନେକ ସ୍ଥାନରେ ଲୁଣି ପାଣି ସମସ୍ୟା ଦୀର୍ଘ ଦିନ ହେବ ରହିଆସିଛି। ଲୁଣିପାଣିକୁ ମଧୁର ଜଳରେ ପରିଣତ କରିବାକୁ ଟେକ୍ନୋଲୋଜି ଏଯାଏଁ ରାଜ୍ୟରେ କାର୍ଯ୍ୟକାରୀ ହୋଇନାହିଁ, ହେଲେ ସମସ୍ୟା ଦୂରେଇବାକୁ ଏକ କମ୍ପାନୀ ସହ ଆଲୋଚନା ଚାଲିଥିବା ମନ୍ତ୍ରୀ କହିଛନ୍ତି।ବାଚସ୍ପତି କହିଛନ୍ତି ଯେ ପ୍ରଦୂଷଣ ମୁକ୍ତ ଜଳ ସଂରକ୍ଷଣକୁ ସରକାର ଗୁରୁତ୍ୱ ଦିଅନ୍ତୁ। ସେହିପରି ଲୁଣି ପାଣି କିପରି ପିଇବା ପାଣି ଯୋଗ୍ୟ ହେବ ସେ ବିଷୟରେ ଧ୍ୟାନ ଦେବାକୁ କହିଛନ୍ତି