ଇସ୍ରାଏଲ ଏବଂ ହାମାସ ସହିତ ଚାଲିଥିବା ଯୁଦ୍ଧ ଉପରେ ମଧ୍ୟ ଭାରତ ସରକାର ନଜର ରଖିଛନ୍ତି। କେନ୍ଦ୍ର ସରକାରଙ୍କ ଚିନ୍ତା ହେଉଛି ସେଠାରେ ଫସି ରହିଥିବା ଭାରତୀୟମାନେ। ଏସ. ଜୟଶଙ୍କରଙ୍କ ନେତୃତ୍ୱରେ ଭାରତୀୟ ବୈଦେଶିକ ମନ୍ତ୍ରଣାଳୟ ଅପରେସନ୍ “ଅଜୟ” ଆରମ୍ଭ କରିଛି। ଏହା ମାଧ୍ୟମରେ ସେଠାରେ ଫସିହୋଇଥିବା ଭାରତୀୟମାନଙ୍କୁ ଭାରତ ଅଣାଯିବ। ଆସନ୍ତୁ ଜାଣିବା ଅପରେସନ ‘ଅଜୟ’ କଣ?
ଅପରେସନ୍ ଅଜୟ କ’ଣ? ଆପଣ ଯାହା ଜାଣିବା ନିହାତି ଆବଶ୍ୟକ…
• ଯୁଦ୍ଧ ଆରମ୍ଭରେ, ଭାରତ ସରକାର ଇସ୍ରାଏଲରେ ରହୁଥିବା ଭାରତୀୟମାନଙ୍କୁ ସତର୍କ କରାଇଥିଲେ। ପରାମର୍ଶଦାତା ପ୍ରଦାନ କରାଯାଇଥିଲା। ବର୍ତ୍ତମାନ ଏହା ସ୍ପଷ୍ଟ ହୋଇଛି ଯେ ଯୁଦ୍ଧ ଦୀର୍ଘ ସମୟ ପର୍ଯ୍ୟନ୍ତ ଜାରି ରହିବ ଏବଂ ପରିସ୍ଥିତି ଆହୁରି ଭୟଙ୍କର ହୋଇପାରେ। ସେଥିପାଇଁ ଭାରତୀୟମାନଙ୍କୁ ଫେରାଇ ନିଆଯାଉଛି।
• ବୈଦେଶିକ ବ୍ୟାପାର ମନ୍ତ୍ରଣାଳୟ ଦ୍ୱାରା ଇସ୍ରାଏଲରେ ରହୁଥିବା ଭାରତୀୟଙ୍କ ନିକଟକୁ ଇମେଲ ପଠାଯାଇଛି। ଯେଉଁମାନେ ଆସିବାକୁ ଚାହୁଁଛନ୍ତି ସେମାନଙ୍କ ପାଇଁ ସ୍ୱତନ୍ତ୍ର ବିମାନ ଚଳାଚଳ ବ୍ୟବସ୍ତା କରାଯିବ l
• ଆବଶ୍ୟକତା ଅନୁଯାୟୀ ସ୍ୱତନ୍ତ୍ର ଚାର୍ଟାର୍ଡ ବିମାନ ଚଳାଚଳର ବ୍ୟବସ୍ଥା କରାଯିବ ଏବଂ ଭାରତୀୟ ନୌସେନା ଜାହାଜ ନିୟୋଜିତ ହେବ।
ଇସ୍ରାଏଲରେ କେତେ ଭାରତୀୟ ଅଛନ୍ତି?
ଇସ୍ରାଏଲରେ ପ୍ରାୟ 18 ହଜାର ଭାରତୀୟ ଅଛନ୍ତି। ଏଥିରେ ଛାତ୍ର, ବୃତ୍ତିଗତ ଏବଂ ବ୍ୟବସାୟୀ ଅନ୍ତର୍ଭୁକ୍ତ l ଭାରତୀୟ ବୈଦେଶିକ ମନ୍ତ୍ରୀ ଏସ୍ ଜୟଶଙ୍କର ମଧ୍ୟ ବୁଧବାର ୟୁଏଇର ବୈଦେଶିକ ମନ୍ତ୍ରୀ ଶେଖ ଅବଦୁଲ୍ଲା ବିନ୍ ଜାଏଦଙ୍କ ସହ କଥା ହୋଇଛନ୍ତି।
ଇସ୍ରାଏଲରୁ ଫେରିବାକୁ ଚାହୁଁଥିବା ଆମ ନାଗରିକଙ୍କ ପ୍ରତ୍ୟାବର୍ତ୍ତନ ପାଇଁ ଅପରେସନ୍ ଅଜୟ ଆରମ୍ଭ କରାଯାଇଛି। ସ୍ୱତନ୍ତ୍ର ଚାର୍ଟର୍ ଫ୍ଲାଇଟ୍ ଏବଂ ଅନ୍ୟାନ୍ୟ ବ୍ୟବସ୍ଥା କରାଯାଉଛି ବୋଲି ଏସ ଜୟଶଙ୍କର, ବୈଦେଶିକ ମନ୍ତ୍ରୀ କହିଛନ୍ତି l
