ନୂଆଦିଲ୍ଲୀ: ଭାରତରେ ସରିଲାଣି ସମସ୍ତ ପ୍ରସ୍ତୁତି ! ଆଉ ଚାଲିବନି ଆତଙ୍କବାଦୀଙ୍କ ଚାଲ୍ ! ଖିନ୍ଭିନ୍ ହେବ ଆତଙ୍କୀ ସାମ୍ରାଜ୍ୟ ? ଆକ୍ସନ ପାଇଁ କଡ଼ା ନିର୍ଦ୍ଦେଶ ଦେବେ କି ପ୍ରଧାନମନ୍ତ୍ରୀ ?
ପହଲଗାମ ଆତଙ୍କବାଦୀ ଆକ୍ରମଣ ପରେ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିଛି ଭାରତ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଅଧ୍ୟକ୍ଷତାରେ ବୁଧବାର କ୍ୟାବିନେଟ୍ କମିଟି ଅନ୍ ସିକ୍ୟୁରିଟି (ସିସିଏସ୍) ବୈଠକ ଅନୁଷ୍ଠିତ ହୋଇଥିଲା। ଏହି ବୈଠକରେ ଭାରତ ପାଞ୍ଚଟି ବଡ଼ ନିଷ୍ପତ୍ତି ନେଇଛି। ଭାରତ ଏବଂ ପାକିସ୍ତାନ ମଧ୍ୟରେ ଥିବା ଅଟାରୀ ସୀମା ଚେକ୍ ପୋଷ୍ଟ ବନ୍ଦ ରହିବ। ଏହି କାରଣରୁ ଦୁଇ ଦେଶ ମଧ୍ୟରେ ସୀମିତ ଗତିବିଧି ମଧ୍ୟ ବନ୍ଦ ହେବାକୁ ଯାଉଛି। ଭାରତ ପାକିସ୍ତାନରେ ଥିବା ଏହାର ଦୂତାବାସ ବନ୍ଦ କରିବାକୁ ଯାଉଛି। ଏହା କୂଟନୈତିକ ସମ୍ପର୍କରେ ଏକ ବଡ଼ ପରିବର୍ତ୍ତନ ଆଣିପାରେ ବୋଲି କୁହାଯାଉଛି। ଯେଉଁ ପାକିସ୍ତାନୀ ବୈଧ ଅନୁମୋଦନରେ ଆସିଛନ୍ତି ମେ’ ୧ ପୂର୍ବରୁ ଫେରିବାକୁ ନିର୍ଦ୍ଦେଶ ଦିଆଯାଇଛି। ସାର୍କ ଭିସାରେ ଥିବା ପାକିସ୍ତାନ ନାଗରିକ ୪୮ ଘଣ୍ଟାରେ ଭାରତ ଛାଡ଼ିବେ। ପାକ୍ ଦୂତାବାସର ସାମରିକ ପରାମର୍ଶଦାତା ସପ୍ତାହେ ମଧ୍ୟରେ ଭାରତ ଛାଡ଼ିବେ। ପାକିସ୍ତାନରେ ଥିବା ଭାରତୀୟ ଦୂତାବାସ ପାଇଁ ମଧ୍ୟ ସମାନ ବ୍ୟବସ୍ଥା ହେବ। ସେହିପରି ଭାରତ ସିନ୍ଧୁ ଜଳ ଚୁକ୍ତିନାମାକୁ ବନ୍ଦ କରିଦେଇଛି ଭାରତ। ଏହି ଜଳ ଚୁକ୍ତିନାମା ଭାରତ ଏବଂ ପାକିସ୍ତାନ ମଧ୍ୟରେ ୬୨ ବର୍ଷ ପୂର୍ବେ ସ୍ୱାକ୍ଷରିତ ହୋଇଥିଲା। ଏହି ଚୁକ୍ତି ଯୋଗୁଁ ପାକିସ୍ତାନ ପ୍ରଚୁର ପାଣି ପାଉଛି, କିନ୍ତୁ ଏବେ ଏହାର ସମସ୍ୟା ବୃଦ୍ଧି ପାଇବ।
ଭାରତର କାର୍ଯ୍ୟାନୁଷ୍ଠାନ ଯୋଗୁଁ ପାକିସ୍ତାନ ଏବେ ଭୟଭୀତ। ଭାରତୀୟ ସେନା POKରେ ୪୨ଟି ଆତଙ୍କବାଦୀ ଶିବିର ଚିହ୍ନଟ କରିଛି। ଆବଶ୍ୟକତା ଅନୁସାରେ ସେନା ଏଠାରେ ଆଟାକ୍ କରିପାରେ। ଆତଙ୍କବାଦୀଙ୍କ ଶିବିର ବିଭିନ୍ନ ସ୍ଥାନରେ ଅଛି। ଉତ୍ତର ପିର ପଞ୍ଜଲରେ ୧୦ଟି ଶିବିର ଏବଂ ଦକ୍ଷିଣରେ ୩୨ଟି ଶିବିର ହୋଇପାରେ। ଏଠାରେ ମୋଟ ୧୩୦ ଜଣ ଆତଙ୍କବାଦୀ ଥାଇପାରନ୍ତି। ବର୍ତ୍ତମାନ ପାକିସ୍ତାନ ସର୍ଜିକାଲ୍ ଷ୍ଟ୍ରାଇକ୍ କୁ ଭୟ କରୁଛି। ଅନ୍ୟପଟେ ଭାରତର ବଡ଼ ପଦକ୍ଷେପ ପରେ ପାକିସ୍ତାନରେ ହଲଚଲ ସୃଷ୍ଟି ହୋଇଛି । ଆଜି ପାକିସ୍ତାନରେ ବସିବ ଜରୁରୀକାଳୀନ ବୈଠକ । ସୁରକ୍ଷା କମିଟି ବୈଠକ ପାକିସ୍ତାନ ପ୍ରଧାନମନ୍ତ୍ରୀ ଡ଼ାକିଥିବା ନେଇ ସୂଚନା ମିଳିଛି । ସେହିପରି ପହଲଗାମ୍ ହମ୍ଲା ମାମଲାରେ ଆଜି ମଧ୍ୟ ଭାରତରେ ବସିବ ସର୍ବଦଳୀୟ ବୈଠକ । ପ୍ରତିରକ୍ଷା ମନ୍ତ୍ରୀଙ୍କ ଅଧ୍ୟକ୍ଷତାରେ ବସିବ ସର୍ବଦଳୀୟ ବୈଠକ । ଆଜି ସନ୍ଧ୍ୟା ୬ଟାରେ ବସିବ ସର୍ବଦଳୀୟ ବୈଠକ ।
ଏବେ ଭାରତର ଏହି କଠୋର ନିଷ୍ପତ୍ତି ଦୁଇ ଦେଶର ସାଧାରଣ ଲୋକଙ୍କ ମନରେ ଏକ ପ୍ରକାରର ଭୟ ସୃଷ୍ଟି କରିଛି । ଭାରତର ଏହି ନିଷ୍ପତ୍ତି ପରେ କଣ ଥମିବ ପାକିସ୍ତାନ ? ନାଁ ପଡିବ ଆଉ ଯୁଦ୍ଧର ମୁଳଦୁଆ ।