ଭୁବନେଶ୍ଵର: ସୁସ୍ଥ ରହିବା ସହ ସୁନ୍ଦର ଦେଖାଯିବାକୁ ସମସ୍ତେ ପସନ୍ଦ କରନ୍ତି। ଯୁବବର୍ଗ ଏଥିପ୍ରତି ଅଧିକ ଧ୍ୟାନ ଦେଇଥାନ୍ତି। ଅନ୍ୟଙ୍କୁ ଆକର୍ଷିତ କରିବାକୁ ନିଜକୁ ସଜାଇଥାନ୍ତି। ଝିଅମାନେ ମେକ୍ଅପ୍କୁ ବହୁତ ଗୁରୁତ୍ୱ ଦେଇଥାନ୍ତି। ବିଶେଷ କରି ଓଠରେ ବିଭିନ୍ନ ରଙ୍ଗ ଓ ଫ୍ଲେବରର ଲିପ୍ଷ୍ଟିକ ଲଗାଇଥାନ୍ତି। ହେଲେ ଜୀବନରେ ଲୋକେ ଏମିତି କିଛି ଅଭ୍ୟାସ କରି ବସୁଛନ୍ତି ଯାହା ଦ୍ୱାରା ଓଠ କଳା ପଡି ଯାଉଛି। ଏହି ଅଭ୍ୟାସକୁ ଛାଡି ଦେଲେ ଓଠ ଆପେ ଆପେ ସୁନ୍ଦର ଦିଶିବ ଓ କୌଣସି ଲିପ୍ଷ୍ଟିକ୍ର ଆବଶ୍ୟକତା ପଡ଼ିବ ନାହିଁ। ଆସନ୍ତୁ ଜାଣିବା ଏପରି କିଛି ଅଭ୍ୟାସ ଯାହା ଓଠ କଳା ପଡିବାର କାରଣ।
ଓଠ କଳା ପଡିବାର କାରଣ
- ଯଦି ସିଗାରେଟ୍ ଟାଣୁଛନ୍ତି ଶୀଘ୍ର ବନ୍ଦ କରନ୍ତୁ। ସିଗାରେଟ୍ରେ ଥିବା ନିକୋଟିନ୍ ଓଠକୁ କଳା ପକାଇ ଦେଇଥାଏ। ଏହାସହ କ୍ୟାନସର ଭଳି ମାରାତ୍ମକ ରୋଗରେ ପଡିବାର ଆଶଙ୍କା ବଢି ଯାଇଥାଏ। ଓଜନ କମିବାର ମଧ୍ୟ ଏକ କାରଣ ସିଗାରେଟ୍।
- ଅଧିକ କଫି ପିଉଥିଲେ କମାଇ ଦିଅନ୍ତୁ। ଦିନକୁ ତିନି କପ୍ରୁ ଅଧିକ କଫି ପିଇବା ଓଠ ପାଇଁ କ୍ଷତିକାରକ। କାରଣ କଫିରେ ଥିବା କୈଫିନୋ ଓଠକୁ କଳା ପକାଇ ଦେଇଥାଏ।
- ଅଧିକ ମାତ୍ରାରେ ଆଣ୍ଟି ବାୟୋଟିକ ଖାଇବା ଦ୍ୱାରା ଶରୀର ଉପରେ ପ୍ରଭାବ ପଡିଥାଏ। ଏହା ଧୀରେ ଧୀରେ ଓଠକୁ କଳା ପକାଇ ଦେଇଥାଏ।
- ଅଧିକ କେମିକାଲ ଥିବା ଲିପ୍ବାମ୍ ବ୍ୟବହାର କରନ୍ତୁ ନାହିଁ। ଏହା ଓଠ କଳା ପଡିବାର କାରଣ ପାଲଟିବ। ଯଥା ସମ୍ଭବ କେମିକାଲ ଯୁକ୍ତ ଲିପ୍ବାମ୍ରୁ ଦୂରେଇ ରୁହନ୍ତୁ ଓ ପ୍ରାକୃତିକ ଜିନିଷର ବ୍ୟବହାର କରନ୍ତୁ।
ଓଠକୁ ପୁଣି ଗୋଲାପୀ କରିବାର ଘରୋଇ ଉପାୟ :
- ବିଟ୍ ରସ : ବିଟରେ ପ୍ରାକୃତିକ ରଙ୍ଗ ଥାଏ ଯାହା ଓଠକୁ ଗୋଲାପୀ କରିଥାଏ । ଶୋଇବା ପୂର୍ବରୁ ବିଟର ରସକୁ ଓଠରେ ଲଗାନ୍ତୁ ଏବଂ ସକାଳେ ଓଠକୁ ଥଣ୍ଡା ପାଣିରେ ଧୋଇ ନିଅନ୍ତୁ ।
- ଲେମ୍ବୁ ଓ ମହୁ : ଲେମ୍ବୁର ବ୍ଲିଚିଙ୍ଗ୍ ଗୁଣ ଏବଂ ମହୁର ଆର୍ଦ୍ରତା ଓଠକୁ ଗୋଲାପୀ କରିବାରେ ସାହାଯ୍ୟ କରେ । ୧ ଚାମଚ ଲେମ୍ବୁ ରସରେ ୧ ଚାମଚ ମହୁ ମିଶାଇ ଓଠରେ ଲଗାନ୍ତୁ ଏବଂ ୧୫ ରୁ ୨୦ ମିନିଟ୍ ଛାଡ଼ି ଧୋଇ ନିଅନ୍ତୁ । ଏହି ଉପାୟକୁ ୨୦ ଦିନ ଧରି ଲଗାତାର କରନ୍ତୁ ଏବଂ ଫରକ ଜାଣନ୍ତୁ ।
- ଆଲୋଭେରା ଜେଲ୍ : ଆଲୋଭେରା ଜେଲ୍ ଚର୍ମକୁ ଥଣ୍ଡା ରଖିବା ସହ ହଜିଯାଇଥିବା ରଙ୍ଗ ଫେରାଇ ଆଣିବାରେ ସହାୟକ ହୋଇଥାଏ । ଏଥିପାଇଁ ରାତି ସାରା ଓଠରେ ଆଲୋଭେରା ଜେଲ୍ ଲଗାଇ ଶୁଅନ୍ତୁ ସକାଳୁ ଏହାକୁ ଧୋଇନିଅନ୍ତୁ ।
- ନଡ଼ିଆ ତେଲ ଓ ବାଦାମ ତେଲ : ଏହି ଦୁଇଟି ତେଲ ଓଠକୁ ପୋଷଣ ଦେବା ସହ କଳାପଣକୁ ମଧ୍ୟ ଦୂର କରିଥାଏ । ରାତିରେ ବିଛଣାକୁ ଯିବା ପୂର୍ବରୁ ଏ ଦୁଇଟି ତେଲ ମଧ୍ୟରୁ ଯେକୌଣସି ବି ତେଲ ନେଇ ଓଠରେ ମାଲିସ୍ କରିପାରିବେ ।
- ମହୁ ଏବଂ ଚିନି : ମୃତ ଚର୍ମକୁ ସତେଜ ଏବଂ ନରମ କରିବାର ଶକ୍ତି ରଖେ ମହୁ ଏବଂ ଚିନିର ସ୍କ୍ରବ୍ । ଅଳ୍ପ ଚିନିରେ ମହୁ ମିଶାଇ ଓଠରେ ହାଲକା ମାଲିସ୍ କରନ୍ତୁ । ସପ୍ତାହରେ ୨ ରୁ ୩ ଥର ଏମିତି କଲେ ଫରକ ଜାଣିପାରିବେ ।