ଭୁବନେଶ୍ଵର: ସର୍ବକାଳୀନ ରେକର୍ଡ଼ ଭାଙ୍ଗିଲା ସୁନା ରୂପା ଦର । ରୂପା ଲକ୍ଷେ ଟଙ୍କା ଛୁଇଁଥିବା ବେଳେ ସୁନା ମଧ୍ୟ ଲକ୍ଷେ ପାଖାପାଖି । ଭୁବନେଶ୍ଵରରେ ପ୍ରଥମ ଥର ପାଇଁ ୯୮ ହଜାର ପାର କରିଛି ସୁନା ଦର । ସେହିପରି ରୂପା ଦର ମଧ୍ୟ ଲକ୍ଷେ ପାର୍ କରିଛି । ଆଜି ଭୁବନେଶ୍ୱରରେ ୭୦୦ ଟଙ୍କା ବଢିଛି ସୁନା ଦର। ଏହାସହ ଖାଣ୍ଟି ସୁନା ବା ୨୪ କ୍ୟାରେଟ୍ ସୁନା ୧୦ ଗ୍ରାମ ପିଛା ୯୮ ହଜାର ୩୫୦ ଟଙ୍କାରେ ପହଞ୍ଚିଛି। ସେହିପରି ୯୦ ହଜାର ପାର କରିଛି ୨୨ କ୍ୟାରେଟ୍ ସୁନା। ଆଜି ଭୁବନେଶ୍ୱରରେ ୨୨ କ୍ୟାରେଟ୍ ସୁନା ୧୦ ଗ୍ରାମ ପିଛା ୯୦ ହଜାର ୧୫୦ ଟଙ୍କା ହୋଇଛି।
ସେହିପରି ମୁମ୍ବାଇରେ ୨୪ କ୍ୟାରେଟ୍ ମୂଲ୍ୟ ୯୮, ୩୫୦ ଟଙ୍କା ଓ ୨୨ କ୍ୟାରେଟ୍ ମୂଲ୍ୟ ୯୦ ,୧୫୦ ଟଙ୍କା ରହିଛି । ନୂଆଦିଲ୍ଲୀରେ ୨୪ କ୍ୟାରେଟ୍ ୯୮, ୫୦୦ ଟଙ୍କା ଓ ୨୨ କ୍ୟାରେଟ୍ ୯୦,୩୦୦ଟଙ୍କା ରହିଛି । ଦକ୍ଷିଣ ଭାରତର ପ୍ରମୁଖ ସହର ଚେନ୍ନାଇରେ ୨୪ କ୍ୟାରେଟ ମୂଲ୍ୟ ୯୮, ୩୫୦ ଟଙ୍କା ଥିବା ବେଳେ ୨୨ କ୍ୟାରେଟ ମୂଲ୍ୟ ୯୦,୧୫୦ ଟଙ୍କା ରହିଛି । ପୂର୍ବ ଭାରତର ପ୍ରମୁଖ ସହର କୋଲକାତାରେ ଯଥାକ୍ରମେ ୯୭, ୫୮୦ ଓ ୮୯ ,୪୫୦ ଟଙ୍କା ରହିଛି । ଅନ୍ୟପଟେ ରୁପା କିଲୋ ପ୍ରତି ଦାମ୍ ଏକ ଲକ୍ଷ ଏଗାର ହଜାର ଟଙ୍କା ହୋଇଛି। ବିବାହ ସିଜିନରେ ରୁପା ଓ ସୁନାର ଦର ବୃଦ୍ଧି ଗ୍ରାହକଙ୍କ ପକେଟକୁ ବେଶ୍ ବାଧୁଛି। ଯାହା ଆକଳନ କରାଯାଉଛି ଏହି ସପ୍ତାହେ ଭିତରେ ସୁନା ୧୦ ଗ୍ରାମ ପିଛା ଲକ୍ଷେ ଟପିଯିବ।
ସବୁବେଳେ ସୁନାର ଦାମ୍ ବୃଦ୍ଧି ଓ ହ୍ରାସ ପାଇଥାଏ । ନିୟମିତ ସୁନାର ଦାମ୍ ଚେକ୍ କରନ୍ତୁ ଯାହାଦ୍ୱାରା ଆପଣ ସୁନାର ଦାମ୍ ହ୍ରାସ ବେଳେ ଗହଣା କିଣିପାରିବେ। ସୁନା କିଣିବା ବେଳେ ହଲ୍ମାର୍କ ଦେଖି ସୁନା କିଣନ୍ତୁ । ସୁନା କିଣିବା ବେଳେ ମେକିଂ ଚାର୍ଜ ଉପରେ ଧ୍ୟାନ ଦିଅନ୍ତୁ ।