ଦିଲ୍ଲୀରେ ଅନୁଷ୍ଠିତ ଜି-୨୦ ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗ୍ଲୋବାଲ ଜୈବ ଇନ୍ଧନ (Global Biofuels Alliance) ମିଳିତ ମଞ୍ଚ ଘୋଷଣା କରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ସମୁଦାୟ ୧୯ ଟି ଦେଶ ଏବଂ ୧୨ ଟି ଆନ୍ତର୍ଜାତୀୟ ସଂଗଠନ ଏହାର ସଦସ୍ୟ ହୋଇଛନ୍ତି।
ଏଥିମଧ୍ୟରେ ଉଭୟ G20 ସଦସ୍ୟ ଏବଂ ଅଣ-ସଦସ୍ୟ ଦେଶ ଅନ୍ତର୍ଭୁକ୍ତ l ଭାରତ, ବ୍ରାଜିଲ ଏବଂ ଆମେରିକା ଏହି ମିଳିତ ମଞ୍ଚର ପ୍ରତିଷ୍ଠାତା ସଦସ୍ୟ ଅଟନ୍ତି। ଚୀନ୍ ଏବଂ ତୈଳ ଉତ୍ପାଦନକାରୀ ସାଉଦି ଆରବ ଏବଂ ରୁଷ ଏହି ମିଳିତ ମଞ୍ଚର ଅଂଶ ନହେବାକୁ ନିଷ୍ପତ୍ତି ନେଇଛନ୍ତି।
ଗ୍ଲୋବାଲ ଜୈବ ଇନ୍ଧନ ମିଳିତ ମଞ୍ଚ କ’ଣ?
ଜି -୨୦ ଶିଖର ସମ୍ମିଳନୀର ପ୍ରଥମ ଦିନର ପ୍ରଥମ ଅଧିବେଶନକୁ ସମ୍ବୋଧିତ କରିବାବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଇନ୍ଧନ ମିଶ୍ରଣ ପ୍ରସଙ୍ଗରେ ସମସ୍ତ ଦେଶ ମିଳିତ ଭାବେ କାର୍ଯ୍ୟ କରିବା ଉଚିତ୍। ଭାରତ ପକ୍ଷରୁ ପ୍ରଧାନମନ୍ତ୍ରୀ ପ୍ରସ୍ତାବ ଦେଇଛନ୍ତି ଯେ ବିଶ୍ୱ ସ୍ତରରେ ପେଟ୍ରୋଲରେ ୨୦ ପ୍ରତିଶତ ଇଥାନଲ ମିଶ୍ରିତ ହେବା ଉଚିତ୍। ଏହା ବ୍ୟତୀତ ପ୍ରଧାନମନ୍ତ୍ରୀ ଅନ୍ୟ ମିଶ୍ରଣ ଖୋଜିବାକୁ ମଧ୍ୟ ପ୍ରସ୍ତାବ ଦେଇଛନ୍ତି। ପେଟ୍ରୋଲରେ ଇଥାନଲ ମିଶ୍ରଣ କରିବା ଦ୍ୱାରା ପେଟ୍ରୋଲ ଉପରେ ନିର୍ଭରଶୀଳତା କମିଯିବ l ଏହି ପ୍ରକଳ୍ପର ସାହାଯ୍ୟ ପରିବେଶ ବଞ୍ଚାଇବାରେ ସାହାଯ୍ୟ କରିବ l
କେଉଁ କେଉଁ ଦେଶ ସାମିଲ ହୋଇଛି?
ଭାରତ, ଆମେରିକା ଏବଂ ବ୍ରାଜିଲ ଏହି ମିଳିତ ମଞ୍ଚର ପ୍ରତିଷ୍ଠାତା ସଦସ୍ୟ ଅଟନ୍ତି। ଆର୍ଜେଣ୍ଟିନା, ବାଂଲାଦେଶ, ଇଟାଲୀ, ମରିସସ୍, ଦକ୍ଷିଣ ଆଫ୍ରିକା, ୟୁଏଇ, କାନାଡା, ସିଙ୍ଗାପୁର ମଧ୍ୟ ଏହି ମିଳିତ ମଞ୍ଚର ଏକ ଅଂଶ ଅଟନ୍ତି ।
ଜୈବ ଇନ୍ଧନ ର ଅର୍ଥ କଣ?
ଜୈବ ଇନ୍ଧନକୁ ପରିବେଶ ଇନ୍ଧନ ମଧ୍ୟ କୁହାଯାଏ l ଜୈବ ଇନ୍ଧନ ହେଉଛି ଉଦ୍ଭିଦ, ଶସ୍ୟ, ଖାଦ୍ୟ ବର୍ଜ୍ୟବସ୍ତୁ, ଶିଳ୍ପ ବର୍ଜ୍ୟବସ୍ତୁରୁ ନିର୍ମିତ ଇନ୍ଧନ l ଯଦି ଏହାର ବ୍ୟବହାର ବୃଦ୍ଧି ହୁଏ, ତେବେ ପାରମ୍ପାରିକ ଇନ୍ଧନ ପେଟ୍ରୋଲ ଏବଂ ଡିଜେଲ ଉପରେ ବିଶ୍ୱ ର ନିର୍ଭରଶୀଳତା ହ୍ରାସ ପାଇବ ଏବଂ ପରିବେଶ ପ୍ରଦୂଷଣ ମଧ୍ୟ ହ୍ରାସ ପାଇବ l ସୂତ୍ରରୁ ପ୍ରକାଶ ଯେ ୧୮୯୦ ମସିହାରେ ପ୍ରଥମ ଥର ପାଇଁ ଜୈବ ଇନ୍ଧନ ବ୍ୟବହୃତ ହୋଇଥିଲା ଯେତେବେଳେ ରୁଦ୍ରଲ୍ଫ ଡିଜେଲ ଚାଷ ପାଇଁ ଜାଳେଣି ଇଞ୍ଜିନ ଚଳାଇବା ପାଇଁ ଉଦ୍ଭିଦ ତେଲ ବ୍ୟବହାର କରିଥିଲେ l
ଆମେରିକା ସର୍ବାଧିକ ଇଥାନଲ ଉତ୍ପାଦନ କରେ l ଆମେରିକା ୫୭.୫ ବିଲିୟନ ଲିଟର ଇଥାନଲ ଉତ୍ପାଦନ କରେ l ଆମେରିକା ପରେ ବ୍ରାଜିଲ ସର୍ବାଧିକ ଇଥାନଲ ଉତ୍ପାଦନ କରେ l ବ୍ରାଜିଲ ପ୍ରାୟ ୩୫ ବିଲିୟନ ଲିଟର ଇଥାନଲ ଉତ୍ପାଦନ କରେ l ଆଲାଏନ୍ସ, ଆମେରିକା, ଭାରତ ଏବଂ ବ୍ରାଜିଲର ତିନି ପ୍ରତିଷ୍ଠାତା ସଦସ୍ୟ ବିଶ୍ଵ ର ଇଥାନଲ ଉତ୍ପାଦନର ପ୍ରାୟ ୮୫ ପ୍ରତିଶତ ଉତ୍ପାଦନ କରନ୍ତି ।
