2024 ବର୍ଷର ଆରମ୍ଭ ଗୌତମ ଆଦାନୀଙ୍କ ପାଇଁ ବହୁତ ଭଲ ବୋଲି ପ୍ରମାଣିତ ହେଉଛି l ଗୋଟିଏ ପଟେ ସୁପ୍ରିମକୋର୍ଟଙ୍କ ନିଷ୍ପତ୍ତିରୁ ଆଦାନୀ ଗ୍ରୁପକୁ ଏକ ବଡ଼ ଆରାମ ମିଳିଛି। ଏଥି ସହିତ, ଗୌତମ ଆଦାନୀଙ୍କ ବ୍ୟକ୍ତିଗତ ନେଟ ମୂଲ୍ୟ ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି l
ଗୌତମ ଆଦାନୀ ବର୍ତ୍ତମାନ ଦେଶର ଧନୀ ବ୍ୟବସାୟୀ ମୁକେଶ ଅମ୍ବାନୀଙ୍କୁ ପଛରେ ପକାଇଛନ୍ତି l ଏହା ସହିତ ସେ ବର୍ତ୍ତମାନ ଏସିଆର ସବୁଠାରୁ ଧନୀ ବ୍ୟକ୍ତି ହୋଇପାରିଛନ୍ତି l ବ୍ଲୁମବର୍ଗ ବିଲିୟନେୟାର ତାଲିକାରେ ଗୌତମ ଆଦାନୀ ମଧ୍ୟ ଦିନେ ଲାଭରେ ମୁକେଶ ଅମ୍ବାନୀଙ୍କୁ ଅତିକ୍ରମ କରି ଧନୀ ତାଲିକାରେ 12 ନମ୍ବରରେ ପହଞ୍ଚିଛନ୍ତି।
ବ୍ଲୁମବର୍ଗ ବିଲିୟନେୟାର ତାଲିକାରେ ମୁକେଶ ଅମ୍ବାନୀ 13 ତମ ସ୍ଥାନରେ ଅଛନ୍ତି, ଯାହାର ସମ୍ପତ୍ତି 99 ବିଲିୟନ ଡଲାର ଏବଂ ଗତକାଲିର କାରବାରରେ ତାଙ୍କର ନିଟ୍ ମୂଲ୍ୟ 983 ମିଲିୟନ ଡ଼ଲାରରେ ହ୍ରାସ ପାଇଛି। ମୋଟ ନିଟ୍ ମୂଲ୍ୟରେ ଏହା 0.98 ପ୍ରତିଶତ ହ୍ରାସ ପାଇଛି l ଯଦି ଆମେ ଏହି ତାଲିକାକୁ ଦେଖିବା, ଆଜି ସକାଳେ ଗୌତମ ଆଦାନୀ ଦୁନିଆର ସବୁଠାରୁ ଧନୀ ବ୍ୟକ୍ତିଙ୍କ ତାଲିକାରେ ଦ୍ୱାଦଶ ସ୍ଥାନରେ ଅଛନ୍ତି l ବର୍ତ୍ତମାନ ଯଦି ଆମେ ଗତକାଲିର ସମସ୍ତ ଆକଳନକୁ ଦେଖିବା, ଏହା ସ୍ପଷ୍ଟ ହୋଇଯାଏ ଯେ ଗୌତମ ଆଦାନୀ ରୋଜଗାରରେ ବିଜେତା ଭାବରେ ଉଭା ହୋଇଛନ୍ତି l
ବ୍ଲୁମବର୍ଗ ବିଲିୟନେୟାର ତାଲିକାରେ ଗୌତମ ଆଦାନୀ ଦ୍ୱାଦଶ ସ୍ଥାନରେ ଅଛନ୍ତି, ଯାହାର ସମ୍ପତ୍ତି 99.7 ବିଲିୟନ ଡ଼ଲାର ଅଟେ। ଗତକାଲିର ବାଣିଜ୍ୟରେ ତାଙ୍କ ନେଟ ମୂଲ୍ୟରେ 7.6 ବିଲିୟନ ଡ଼ଲାର ବୃଦ୍ଧି ଘଟିଛି। ତାଙ୍କର ମୋଟ ନେଟ ମୂଲ୍ୟରେ ଏହା 4.90 ପ୍ରତିଶତ ବୃଦ୍ଧି ହୋଇଛି l 61 ବର୍ଷୀୟ ଗୌତମ ଆଦାନୀଙ୍କ ବ୍ୟବସାୟ ସାମ୍ରାଜ୍ୟ ଭାରତର ଭିତ୍ତିଭୂମି, ଦ୍ରବ୍ୟ ଏବଂ ଅନ୍ୟାନ୍ୟ କ୍ଷେତ୍ରରେ ବ୍ୟାପିଛି ଏବଂ ସେ ଆଦାନୀ ଗ୍ରୁପ୍ ର ମାଲିକ ଅଟନ୍ତି l
ଗୁରୁବାର ଦିନ ସୁପ୍ରିମକୋର୍ଟ ଆଦାନୀ-ହିନ୍ଦନବର୍ଗ ମାମଲାର ଶୁଣାଣି କରିଥିଲେ। ଯାହା ପରେ ଗୌତମ ଆଦାନୀଙ୍କ ନିଟ୍ ମୂଲ୍ୟ ଏବଂ ଅଂଶଧନ ବୃଦ୍ଧି ପାଉଛି l ଗୌତମ ଆଦାନୀ ଧନୀ ବ୍ୟବସାୟୀ ମୁକେଶ ଅମ୍ବାନୀଙ୍କୁ ଛାଡିଛନ୍ତି। ଏହା ସହିତ ସେ ବର୍ତ୍ତମାନ ଏସିଆର ସବୁଠାରୁ ଧନୀ ବ୍ୟକ୍ତି ହୋଇପାରିଛନ୍ତି l
