ମୁମ୍ବାଇ: ୩୮ ବୟସରେ ପାଦ ଥାପିଛନ୍ତି ତେଲୁଗୁ କୁଇନ୍ ସାମନ୍ଥା ରୁଥ୍ ପ୍ରଭୁ । ନିକଟରେ ସେ ତାଙ୍କ ପ୍ରିୟଜନ ସହ ନିଜର ଜନ୍ମଦିନ ପାଳନ କରିଛନ୍ତି । ଅଭିନେତ୍ରୀଙ୍କ ଏହି ଜନ୍ମଦିନ ବହୁତ ସ୍ୱତନ୍ତ୍ର ଥିଲା କାରଣ ଏଥର ତାଙ୍କୁ ତାଙ୍କ ଫାନ୍ସଙ୍କ ଠାରୁ ବିଶେଷ ଉପହାର ମିଳିଛି । ଆପଣ ପ୍ରାୟତଃ ଦେଖିଥିବେ ଯେ ସେଲିବ୍ରିଟିଙ୍କ ଜନ୍ମଦିନରେ ଫାନ୍ସ ମାନେ ସେମାନଙ୍କୁ ଫୁଲ, କେକ୍ ଏବଂ ଅନ୍ୟାନ୍ୟ ଉପହାର ପଠାନ୍ତି । କିନ୍ତୁ ସାମନ୍ଥା ରୁଥ୍ ପ୍ରଭୁଙ୍କ ଫାନ୍ସଙ୍କ ମଧ୍ୟରେ ଏକ ଭିନ୍ନ ପ୍ରକାରର ପାଗଳାମି ଦେଖିବାକୁ ମିଳିଥିଲା । ସେ ସାମନ୍ଥାଙ୍କୁ କେବଳ ଜଣେ ଅଭିନେତ୍ରୀ ନୁହେଁ ବରଂ ଭଗବାନଙ୍କ ମାନ୍ୟତା ଦେଉଛନ୍ତି । ଏକଥା ଆମେ କହୁନାହୁଁ ବରଂ ସୋସିଆଲ ମିଡିଆରେ ଭାଇରାଲ ହେଉଥିବା ଏକ ଭିଡିଓରେ ଏହା ସ୍ପଷ୍ଟ ଭାବରେ ଜଣାପଡିଛି ।
ସାମନ୍ଥାଙ୍କ ଫ୍ୟାନ୍ସ ମାନେ ଅଭିନେତ୍ରୀଙ୍କ ଏକ ମନ୍ଦିର ତିଆରି କରି ତାଙ୍କୁ ଉପହାର ଦେଇଛନ୍ତି । ମନ୍ଦିରର ନାମ ରହିଛି ‘ସାମନ୍ତଙ୍କ ମନ୍ଦିର’ । ତେବେ ସନ୍ଦୀପ ନାମକ ଜଣେ ଫାନ୍ସ ସାମନ୍ଥା ରୁଥ୍ ପ୍ରଭୁଙ୍କ ନାମରେ ଏହି ମନ୍ଦିର ନିର୍ମାଣ କରିଛନ୍ତି । ମନ୍ଦିରରେ ଅଭିନେତ୍ରୀଙ୍କ ଦୁଇଟି ପ୍ରତିମୂର୍ତ୍ତି ମଧ୍ୟ ରଖାଯାଇଛି । ଯାହାର ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଭିଡିଓରେ ଦେଖିବାକୁ ମିଳିଛି ଯେ ଅଭିନେତ୍ରୀଙ୍କ ଫ୍ୟାନ୍ସମାନେ ତାଙ୍କ ଜନ୍ମଦିନକୁ ଏକ ସ୍ୱତନ୍ତ୍ର ଉପାୟରେ ପାଳନ କରୁଛନ୍ତି । ତାଙ୍କ ନାମରେ ଏକ ମନ୍ଦିର ତିଆରି କରାଯାଇଛି ଏବଂ ସେହି ମନ୍ଦିରକୁ ଖୁବ ସୁନ୍ଦର ଭାବେ ଫୁଲରେ ସଜା ଯାଇଛି । ମନ୍ଦିର ଭିତରେ ୨ଟି ମୂର୍ତ୍ତି ରହିଛି ।
ଗୋଟିଏ ସୁନା ରଙ୍ଗର ଶାଢ଼ି ପିନ୍ଧିଛି ଏବଂ ଅନ୍ୟଟି ଲାଲ ଶାଢ଼ି ପିନ୍ଧିଛି। ଭିଡିଓରେ କେକ୍ କାଟି ଅଭିନେତ୍ରୀଙ୍କ ଜନ୍ମଦିନ ମଧ୍ୟ ପାଳନ କରାଯାଉଛି । ସାମନ୍ଥା ରୁଥ୍ ପ୍ରଭୁଙ୍କ ଏହି ଫାନ୍ସ କେବଳ ଅଭିନେତ୍ରୀଙ୍କ ପାଇଁ ଏକ ମନ୍ଦିର ନିର୍ମାଣ କରିନାହାଁନ୍ତି ବରଂ ତାଙ୍କ ଜନ୍ମଦିନରେ ଅନାଥ ପିଲାମାନଙ୍କ ପାଇଁ ଏକ ପାର୍ଟି ମଧ୍ୟ ଆୟୋଜନ କରିଛନ୍ତି । ତେବେ ସାମନ୍ଥାଙ୍କ ଏହି ଫ୍ୟାନ୍ସ ଆନ୍ଧ୍ର ପ୍ରଦେଶର ଅଟନ୍ତି । ସେ ଲଗାତାର ୩ ବର୍ଷ ହେଲା ସାମନ୍ଥାଙ୍କ ଜନ୍ମଦିନ ପାଳନ କରି ଆସୁଛନ୍ତି । ଆଉ ଏବେ ସେ ପ୍ରତି ବର୍ଷ ସାମନ୍ଥଙ୍କ ଜନ୍ମଦିନରେ ପିଲାଙ୍କ ଖାଇବାକୁ ଦିଅନ୍ତି ଏହାସହ କେକ କାଟିଥାନ୍ତି । ତାଙ୍କ କହିବା ଅନୁସାରେ ସାମନ୍ଥା ତାଙ୍କୁ ବହୁତ ପ୍ରେରଣା ଦେଇଛନ୍ତି । ଏହି ମନ୍ଦିରର ଭିଡିଓ ବେଶ ଭାଇରାଲ ହେବାରେ ଲାଗିଛି ।