ନୂଆଦିଲ୍ଲୀ: ଯଦି ଆପଣ ମଧ୍ୟ ଆକାଶରେ ଘଟୁଥିବା ଜ୍ୟୋତିର୍ବିଜ୍ଞାନ ଘଟଣା ଦେଖିବାକୁ ପସନ୍ଦ କରନ୍ତି, ତେବେ ଆଜି ଆପଣଙ୍କ ପାଇଁ ଏକ ବିଶେଷ ଦିନ ହେବାକୁ ଯାଉଛି। ଆଜି ଆକାଶରେ ବିରଳ ଦୃଶ୍ୟ ଦେଖିବାକୁ ମିଳିବ । ଯେଉଁଠି ଶୁକ୍ର, ଶନି ଓ ଚନ୍ଦ୍ର ଏପରି ସ୍ଥିତିରେ ରହିବେ ଯାହାକି ସ୍ମାଇଲି ଫେସ୍ ବା ହସିବା ମୁହଁ ପରି ଦିଶିଛି । ଯାହାକୁ ଦେଖି ଜ୍ୟୌତିର୍ବିଜ୍ଞାନୀ ଓ ଦେଖଣାହାରୀଙ୍କ ମଧ୍ୟରେ ଉତ୍ସାହିତ ହୋଇଛନ୍ତି ।
ଆଜି ସକାଳେ ଆକାଶରେ ଏହି ଅନନ୍ୟ ଦୃଶ୍ୟ ଦେଖିବାକୁ ମିଳିଛି। ଶୁକ୍ର, ଶନି ଏବଂ ଅର୍ଦ୍ଧଚନ୍ଦ୍ର ଆକାଶରେ ଏକ ହସ ହସ ମୁହଁ ତିଆରି କରିଛନ୍ତି । ଶୁକ୍ର, ଶନି ଏବଂ ଚନ୍ଦ୍ର ପୂର୍ବ ଆକାଶରେ ଏକତ୍ର ଦେଖାଯାଇଥିଲେ, ଯାହା ଏକ ହସୁଥିବା ଚେହେରା ପରି ତ୍ରିକୋଣୀୟ ଗଠନ ସୃଷ୍ଟି କରିଥିଲା । ଏହି ଆଲାଇନମେଣ୍ଟ ସୂର୍ଯ୍ୟୋଦୟ ପୂର୍ବରୁ ପୂର୍ବ ଦିଗରେ ଦୃଶ୍ୟମାନ ହୋଇଥିଲା ।
କହିରଖୁଛୁ ଯେ, ଯେତେବେଳେ ୨ରୁ ଅଧିକ ଖଗୋଳୀୟ ପିଣ୍ଡ ସନ୍ଧ୍ୟା ଆକାଶରେ ପରସ୍ପରର ନିକଟବର୍ତ୍ତୀ ହୋଇଥାନ୍ତି ସେତେବେଳେ ତ୍ରିଗୁଣ ସଂଯୋଗ ହୋଇଥାଏ । ୩ଟି ଖଗୋଳୀୟ ପିଣ୍ଡ ଏକାସାଥୀରେ ବା ନିକଟବର୍ତ୍ତୀ ହେଲେ ଏପରି ବିରଳ ଦୃଶ୍ୟ ଆକାଶରେ ଦେଖିବାକୁ ମିଳେ । ଆମେରିକୀୟ ସ୍ପେଶ ଏଜେନ୍ସି ନାସା ସୋଲାର ସିଷ୍ଟମର ଆମ୍ବାସାଡର ବ୍ରେଣ୍ଡା କଲବର୍ଟସନ୍ ନିକଟରେ କହିଥିଲେ ଯେ, “ଶୁକ୍ର ଗ୍ରହ ପୂର୍ବ ହୋରାଇଜନ୍ (ସେହି ପଏଣ୍ଟ ଯେଉଁଠି ଆକାଶ ଭୂପୃଷ୍ଠ ବା ସମୁଦ୍ରକୁ ଛୁଇଁଥିବା ଦିଶେ) ଉପରେ, ଶନି ତଳେ ଏବଂ ଚନ୍ଦ୍ର ଦୁଇ ଗ୍ରହଠାରୁ ଟିକିଏ ତଳେ ପତଳା ଭାବରେ ଦିଶିବ । ପତଳା ଚନ୍ଦ୍ରର ଆକୃତି ହସ (Smile) ପରି ଦିଶିବ ।”