ଭୁବନେଶ୍ଵର: ପାଖେଇଲାଣି ସାବିତ୍ରୀ ବ୍ରତ । ଏଥର ସାବିତ୍ର ବ୍ରତ ମେ ୨୬ ତାରିଖ ଅର୍ଥାତ୍ ସୋମବାର ଦିନ ପଡୁଛି। ଏହି ଦିନ ମହିଳାମାନେ ବ୍ରତ କରି ଉପବାସ ରହିଥାନ୍ତି। ସେମାନେ ଏହି ବ୍ରତ କଲେ ସ୍ବାମୀଙ୍କର ମଙ୍ଗଳ ହୁଏ ବୋଲି ବିଶ୍ବାସ ରହିଛି। ସେଥିପାଇଁ ଏହି ସାବିତ୍ରୀ ବ୍ରତ ଓଡିଶାର ଘରେ ଘରେ ପାଳନ କରାଯାଇଥାଏ। କହିବାକୁ ଗଲେ ଏହି ସାବିତ୍ରୀ ବ୍ରତକୁ ବିବାହିତା ମହିଳା ନିଜ ସ୍ୱାମୀଙ୍କ ଆୟୁଷ ବୃଦ୍ଧି , ସନ୍ତାନ ସୁଖ ଏବଂ ସୌଭଗ୍ୟ ପ୍ରାପ୍ତି ଉଦ୍ଦେଶ୍ୟରେ କରିଥାନ୍ତି। ହେଲେ ଆପଣ ଜାଣନ୍ତି କି ବ୍ରତରେ ବିବାହିତା ମହିଳା ଭୁଲରେବି କିଛି ଜିନିଷ ଏବଂ କିଛି ଏପରି ବସ୍ତ୍ର ଆଦି ଧାରଣ କରିବା ଉଚିତ୍ ନୁହେଁ। ଯାହା ଦ୍ବାରା ନିଜ ସ୍ୱାମୀଙ୍କର ଆୟୁଷ କମ ହୋଇଥାଏ ଏବଂ ଜୀବନ ଉପରେ ଖରାପ ପ୍ରଭାବ ମଧ୍ୟ ପଡ଼ିଥାଏ । ତେବେ ଏଥିରୁ ବର୍ତ୍ତିବା ପାଇଁ ଏକ ସ୍ଥିର ମନ ଏବଂ ଏକାଗ୍ର ମନ ସହିତ ସାବିତ୍ରୀ ଅମାବାସ୍ୟାରେ ଉପବାସ ରଖନ୍ତୁ। ସଠିକ୍ ଉପାସନା କରନ୍ତୁ।
ଏହି ଦିନ କିଛି କାର୍ଯ୍ୟ କରିବା ଆବଶ୍ୟକ ନାହିଁ। ଯାହା ଦ୍ଵାରା ଇଚ୍ଛାକୃତ ଫଳାଫଳ ମିଳିପାରିବ। ଏହି ଦିନ କାହାକୁ ଅସମ୍ମାନ କରାଯିବା ଉଚିତ ନୁହେଁ। ଏଥିସହ କଠୋର ଭାଷା ବ୍ୟବହାର କରନ୍ତୁ ନାହିଁ। ଏହି ଦିନ ଶବଦାହ ସ୍ଥାନକୁ ଯାଆନ୍ତୁ ନାହିଁ। କାରଣ ଏହି ଦିନ ନକାରାତ୍ମକ ଶକ୍ତି ଜାଗ୍ରତ ହୋଇଥାଏ। ଏହି ଦିନ ବର ଗଛକୁ ପୂଜା କରିବା ଉଚିତ। କିନ୍ତୁ ବର ଗଛକୁ କେବେବି ଛୁଇଁବେ ନାହିଁ। ଏହି ଦିନ ବିଳମ୍ବିତ ରାତି ପର୍ଯ୍ୟନ୍ତ ଶୋଇବା ଉଚିତ୍ ନୁହେଁ। ସେହିପରି ସ୍ଵାମୀ ସ୍ତ୍ରୀ ଶାରୀରିକ ସମ୍ପର୍କ ରଖନ୍ତୁ ନାହିଁ । ଏହା ଦ୍ଵାରା ସ୍ବାମୀଙ୍କ ଆୟୁଷ କ୍ଷଣ ହୋଇଥାଏ । ଏହି ବ୍ରତରେ କୌଣସି ଜିନିଷ କାଟିବେ ନାହିଁ କିମ୍ବା ସ୍ବାମୀଙ୍କୁ ମଧ୍ୟ କୌଣସି ଜିନିଷ ହାଣିବାକୁ ବା କାଟିବାକୁ କହିବେ ନାହିଁ । ଯେପରିକି ଗଛ ହାଣିବା ଇତ୍ୟାଦି ।
ଏହି ସାବିତ୍ରୀ ବ୍ରତରେ ରନ୍ଧା ଖାଦ୍ୟ ଖାଇବା ଅନୁଚିତ । କାରଣ ଏହି ବ୍ରତ ଉପବାସରେ ରହିକି ପାଳନ କରାଯାଏ । ଏହା ଦ୍ଵାରା ସ୍ବାମୀଙ୍କ ଆୟୁଷ ବୃଦ୍ଧି ପାଇଥାଏ । ଯେଉଁ ଭୋଗ କରିଥିବେ ତାହା ନାରୀମାନେ ଖାଇପାରିବେ । ଯଦି ଆପଣଙ୍କର କେହି ମୃତ୍ୟୁବରଣ କରିଥାଏ ବା ସନ୍ତାନ ଜନ୍ମ ନେଇଥାଏ ବା ମାସିକ ଧର୍ମ ଚାଲିଥାଏ ତେବେ ସାବିତ୍ରୀ ବ୍ରତ ପାଳନ କରନ୍ତୁ ନାହିଁ । ଏହା ଅଶୁଭ ହୋଇଥାଏ । ସାବିତ୍ରୀ ବ୍ରତରେ ବ୍ଯବହୃତ ହୋଇଥିବା ପୂଜା, କଳସ, ପଇଡ ଇତ୍ୟାଦି ଏଣେତେଣେ ପିନ୍ଧିବେ ନାହିଁ । ଏହାକୁ ଜଳରେ ବିସର୍ଜନ କରିଲେ ବ୍ରତ ସଫଳ ହୋଇଥାଏ । ଏହି ଦିନ ତ୍ରିଦେବ ବା ତ୍ରିଦେବୀଙ୍କୁ ପୂଜା କରିବା ଉଚିତ ହୋଇଥାଏ ।