ଭେଟେରାନ ଭାରତୀୟ କ୍ରିକେଟର ମହେନ୍ଦ୍ର ସିଂ ଧୋନି ଆଇପିଏଲ ପରେ ତାଙ୍କର ଭବିଷ୍ୟତ ଯୋଜନା ସ୍ଥିର କରିଛନ୍ତି। ସେ ଆଇପିଏଲରୁ ଅବସର ନେବା ପରେ ସେନା ସେବା କରିବାକୁ ଚାହୁଁଛନ୍ତି। ଏକ ଇଭେଣ୍ଟରେ ସେ ଏହା କହିଛନ୍ତି।
ଯେତେବେଳେ ଜଣେ ପ୍ରଶଂସକ ତାଙ୍କୁ କ୍ରିକେଟ୍ ପରେ ତାଙ୍କର ଯୋଜନା କ’ଣ ବୋଲି ପଚାରିଥିଲେ, ଧୋନି ଉତ୍ତର ଦେଇଛନ୍ତି, ‘ମୁଁ ଏ ବିଷୟରେ ଅଧିକ ଚିନ୍ତା କରି ନାହିଁ। ମୁଁ ବର୍ତ୍ତମାନ କ୍ରିକେଟ୍ ଖେଳୁଛି କ୍ରିକେଟ୍ ପରେ ମୁଁ କ’ଣ କରିବି ଜାଣିବା ମଧ୍ୟ ମୋ ପାଇଁ ବାସ୍ତବରେ କୌତୁହଳପ୍ରଦ ହେବ l କିନ୍ତୁ ଗୋଟିଏ କଥା ପ୍ରାୟ ନିଶ୍ଚିତ l ମୁଁ ସେନା ଯବାନ ମାନଙ୍କ ସହିତ ଆଉ କିଛି ସମୟ ବିତାଇବାକୁ ଚାହେଁ l କାରଣ ମୁଁ ଗତ କିଛି ବର୍ଷ ମଧ୍ୟରେ ଏହା କରିପାରି ନାହିଁ l
ସୂଚନାଯୋଗ୍ୟ ଯେ 2011 ମସିହାରେ ଭାରତୀୟ ସେନା ଦ୍ୱାରା ଏମଏସ ଧୋନିଙ୍କୁ ଲେଫ୍ଟନାଣ୍ଟ କର୍ଣ୍ଣେଲ ସମ୍ମାନଜନକ ଆଖ୍ୟା ଦିଆଯାଇଥିଲା। ସେ ପାରାଚ୍ୟୁଟ୍ ରେଜିମେଣ୍ଟର ଜଣେ ଲେଫ୍ଟନାଣ୍ଟ କର୍ଣ୍ଣେଲ l ଗତ ଦଶନ୍ଧି ମଧ୍ୟରେ ସେ ଅନେକ ଥର ସେନା ପୋଷାକରେ ବିଭିନ୍ନ ସ୍ଥାନ ପରିଦର୍ଶନ କରିଥିବା ଦେଖିବାକୁ ମିଳିଛି।
ଏମଏସ ଧୋନିଙ୍କୁ 42 ବର୍ଷ ବୟସ ହୋଇଛି। 2019 ମସିହାରେ ସେ ଶେଷ ଥର ପାଇଁ ଭାରତୀୟ ଦଳର ଜର୍ସିରେ କ୍ରିକେଟ୍ ଖେଳିଥିଲେ। ତେବେ ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ମଧ୍ୟ ସେ ଆଇପିଏଲରେ ରହିଛନ୍ତି। ସେ ଚେନ୍ନାଇ ସୁପର କିଙ୍ଗ୍ସର ଅଧିନାୟକ ଏବଂ ଗତ ସିଜନରେ ସେ ପୁଣି ଥରେ ନିଜ ଦଳକୁ ଚାମ୍ପିୟନ କରିଥିଲେ l
ଗତ ଆଇପିଏଲ୍ ସିଜନରେ ସେ ଅର୍ଡରକୁ ଆସିବାବେଳେ ଉତ୍କୃଷ୍ଟ ବ୍ୟାଟିଂ ମଧ୍ୟ ପ୍ରଦର୍ଶନ କରିଥିଲେ। ଏପରିକି ଏହି ବୟସରେ ସେ ବ୍ୟାଟିଂ ଏବଂ ଅଧିନାୟକତ୍ୱ ଦୃଷ୍ଟିରୁ ଅନ୍ୟ ଖେଳାଳିଙ୍କୁ ବହୁ ପଛରେ ଛାଡିଛନ୍ତି। ଏହି କାରଣରୁ ସେ ବର୍ତ୍ତମାନ ପର୍ଯ୍ୟନ୍ତ କ୍ରିକେଟ୍ ରୁ ସମ୍ପୂର୍ଣ୍ଣ ଅବସର ନେଇ ନାହାଁନ୍ତି। ସେ ମଧ୍ୟ ଆଇପିଏଲ୍ 2024 ରେ ଚେନ୍ନାଇ ଦଳର ନେତୃତ୍ୱ ନେଉଥିବାର ଦେଖିବାକୁ ମିଳିବ l
