ମହେନ୍ଦ୍ର ସିଂହ ଧୋନି ଆଉ ଚେନ୍ନାଇ ସୁପର କିଙ୍ଗସର ଫ୍ୟାନ୍ସଙ୍କ ପାଇଁ ଆସିଛି ଖୁସି ଖବର । ଆଜି ଲକ୍ଷ୍ନୌ ବିପକ୍ଷ ମ୍ୟାଚରେ ଏହା ତାଙ୍କ ଶେଷ ଆଇପିଏଲ ନେଇ ହେଉଥିବା ଚର୍ଚ୍ଚାରେ ପୂର୍ଣ୍ଣଛେଦ୍ ପକାଇଛନ୍ତି ଧୋନି । ଆଜି (ବୁଧବାର) ଲକ୍ଷ୍ନୌର ଏକାନା ଷ୍ଟାଡିୟମରେ ଲକ୍ଷ୍ନୌ ସୁପର ଜିଆଣ୍ଟସ୍ ଏବଂ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ମ୍ୟାଚ୍ ପୂର୍ବରୁ ମହେନ୍ଦ୍ର ସିଂ ଧୋନି ଟସ୍ ଜିତିଥିଲେ । ଟସ୍ ଜିତିବା ପରେ ଡାନି ମୋରିସନ୍ ତାଙ୍କୁ ପ୍ରଶ୍ନ କରି କହିଥିଲେ ଯେ ଏହା ହେଉଛି ତାଙ୍କର ଶେଷ ଆଇପିଏଲ୍ ମ୍ୟାଚ୍ ଯାହାକୁ ସେ ସମ୍ପୂର୍ଣ୍ଣ ଉପଭୋଗ କରୁଛନ୍ତି । ତା’ପରେ ମାଇକେ ଧରିଥିବା ମହେନ୍ଦ୍ର ସିଂ ଧୋନି କହିଥିଲେ ଯେ, ତୁମେ ନିଷ୍ପତ୍ତି ନେଇଛ ଯେ ଏହା ମୋର ଶେଷ ଆଇପିଏଲ ବୋଲି , ମୁଁ ନୁହେଁ । ମହେନ୍ଦ୍ର ସିଂ ଧୋନି ଏହା କହିବା ମାତ୍ରେ ତାଙ୍କ ପ୍ରଶଂସକମାନେ ପୁରା ଷ୍ଟାଡିୟମରେ ଚିକ୍ତାର କରି ଖୁସି ବ୍ୟକ୍ତ କରିଥିଲେ ।
ତେବେ ଏହି ଶବ୍ଦ ସହିତ ମହେନ୍ଦ୍ର ସିଂ ଧୋନି ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ସେ ବର୍ତ୍ତମାନ ଅବସର ନେବାକୁ ଯାଉ ନାହାଁନ୍ତି ଏବଂ ପରବର୍ତ୍ତୀ ସିଜନରେ ମଧ୍ୟ ସେ ନିଶ୍ଚିତ ଭାବରେ ଖେଳିବେ । ତାଙ୍କ ପ୍ରଶଂସକଙ୍କ ପାଇଁ ଏହା ଏକ ବହୁତ ଖୁସି ଖବର । କାରଣ ମହେନ୍ଦ୍ର ସିଂ ଧୋନିଙ୍କ ଶେଷ ଆଇପିଏଲ୍ ମ୍ୟାଚ୍ ହେବ ବୋଲି କ୍ରମାଗତ କଳ୍ପନାଜଳ୍ପନା ଚାଲିଥିଲା । ଏହା ପରେ ସେ ଅବସର ନେବେ । କିନ୍ତୁ ଲକ୍ଷ୍ନୌରେ ସେ ଅବସର ନେବା ନିରବତାକୁ ଭାଙ୍ଗିଛନ୍ତି ଏବଂ ତାଙ୍କ ପ୍ରଶଂସକଙ୍କୁ ଏହି ଖୁସି ଖବର ଦେଇଛନ୍ତି ।
ତେବେ ଗତ ବର୍ଷଠାରୁ ହିଁ ଆଇପିଏଲରୁ ଧୋନିଙ୍କ ଅବସର କଥା ଚର୍ଚ୍ଚାରେ ରହିଆସିଛି । ଗତ ବର୍ଷ ମଧ୍ୟ ଧୋନିଙ୍କର ଏହା ଶେଷ ଆଇପିଏଲ୍ ବୋଲି ଚର୍ଚ୍ଚା ହେଉଥିଲା । ହେଲେ ସେହି ସବୁ ଚର୍ଚ୍ଚାରେ ପୂର୍ଣ୍ଣଚ୍ଛେଦ ଟାଣିବା ସହିତ ଧୋନି ଏଥର ବି ଆଇପିଏଲ୍ ଖେଳିଥିଲେ । ଏଥର ପ୍ରତିଟି ଆଇପିଏଲ୍ ମ୍ୟାଚରେ ଧୋନିଙ୍କୁ ଦେଖିବାକୁ ସବୁ ଷ୍ଟାଡିୟମରେ ଦର୍ଶକଙ୍କ ଭିଡ ଦେଖିବାକୁ ମିଳୁଛି । ଧୋନି ବି ଚେନ୍ନାଇକୁ ସପୋର୍ଟ କରୁଥିବାରୁ, ସବୁ ଫ୍ୟାନ୍ସଙ୍କୁ ଧନ୍ୟବାଦ ଦେଉଛନ୍ତି ।
