ଗତ କିଛି ଦିନ ହେବ ବିମାନରେ ବୋମା ଧମକ ମିଳୁଛି ।ଗତ ତିନି ଦିନ ମଧ୍ୟରେ ୧୨ଟି ବିମାନକୁ ବୋମା ଧମକ ମିଳିଲାଣି। ଇଣ୍ଡିଗୋ ଏବଂ ଅକସା ଏୟାର ବିମାନକୁ ବୋମା ଧମକ ମିଳିଥିବା ସୂଚନା ମିଳିଛି।ସୋମବାର ଦିଲ୍ଲୀ-ଚିକାଗୋ ଏୟାର ଇଣ୍ଡିଆ ବିମାନକୁ ବୋମା ଧମକ ମିଳିଥିଲା। ସେହିପରି ମଙ୍ଗଳବାର ଡାମନ-ଲକ୍ଷ୍ନୌ ଇଣ୍ଡିଗୋ ବିମାନ, ଅଯୋଧ୍ୟା-ବେଙ୍ଗାଲୁରୁ ଏୟାର ଇଣ୍ଡିଆ ଏକ୍ସପ୍ରେସ୍, ଦରଭଙ୍ଗା-ମୁମ୍ବାଇ ସ୍ସାଇସଜେଟ୍, ବଗଦୋଗ୍ରା-ବେଙ୍ଗାଲୁରୁ ଅକସା ଏୟାର ଫ୍ଲାଇଟ୍, ଅମୃତସର-ଡେରାଡୁନ-ଦିଲ୍ଲୀ ଫ୍ଲାଇଟ୍ ଏବଂ ଏୟାର ଇଣ୍ଡିଆ ଏକ୍ସପ୍ରେସର ମଦୁରାଇ-ସିଙ୍ଗାପୁର ବିମାନକୁ ବୋମା ଧମକ ମିଳିଥିଲା।
ଗତକାଲି ମଧ୍ୟ ଏକ ଏୟାର ଇଣ୍ଡିଆ ବିମାନକୁ ଧମକ ମିଳିଥିଲା। ଏହି ବିମାନଟି ଦିଲ୍ଲୀରୁ ଚିକାଗୋ ଅଭିମୁଖେ ଯାଉ ଥିବାବେଳେ ଧମକ ମିଳିବା ପରେ କାନାଡାର ଏକ ବିମାନବନ୍ଦରରେ ଜରୁରୀ ଅବତରଣ କରାଯାଇଥିଲା।