ଦିନକୁ ଦିନ ରାଜ୍ୟରେ ରାଜ୍ୟରେ ବାର୍ଡ ଫ୍ଲୁ ଆତଙ୍କ ବଢ଼ିବାରେ ଲାଗିଛି। ରାଜ୍ୟର ପୁରୀ ଜିଲାର ପିପିଲି, ସତ୍ୟବାଦୀ, ନିମାପଡା ଓ ଡେଲାଙ୍ଗ ବ୍ଲକର ୪ଟି ଗ୍ରାମରେ ବାର୍ଡ ଫ୍ଲୁ ରୋଗ ଚିହ୍ନଟ ହୋଇଥିବାବେଳେ କେନ୍ଦ୍ରାପଡ଼ା ଜିଲ୍ଲାରେ ମଧ୍ୟ ବାର୍ଡ ଫ୍ଲୁ ଚିହ୍ନଟ ହୋଇଛି । ଆଜି ଠାରୁ କୁକୁଡ଼ା ମରା ଅଭିଯାନ ଆରମ୍ଭ ହୋଇଯାଇଛି।ଏଣ୍ଡରର ୮ଟି ଗ୍ରାମ ଓ ବାଲିଆର ୧୪ଟି ଗ୍ରାମ ଓ ଗୋଲରାହାଟ ପଞ୍ଚାୟତରେ ଥିବା ୭୦ଟି ଫାର୍ମରେ କୁକୁଡ଼ା ମରାଯିବାକୁ ବିଭାଗ ଯୋଜନା ରଖିଛି।
ବାଲିଆ ପଞ୍ଚାୟତରେ ୫୭ଟି ଓ ଏଣ୍ଡର ପଞ୍ଚାୟତରେ ୫୮ଟି ଫାର୍ମ ଥିବାବେଳେ ଯେଉଁ ଫାର୍ମରେ କୁକୁଡ଼ା ଅଛି ସେଠାରେ ମରାଯିବ। କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ଦିଆଯିବମଧ୍ୟ ବ୍ୟବସ୍ଥା ରହିଛି ।କୁକୁଡ଼ା ମାଂସ ଓ ଅଣ୍ଡା ଖାଇବାକୁ ବାରଣ କରାଯିବା ସହ ଏହାର ବିକ୍ରି ନିଷେଧ କରାଯାଇଛି ।ସଂକ୍ରମିତ ଅଞ୍ଚଳ ଭିତରକୁ ଆସୁଥିବା ଏବଂ ସଂକ୍ରମିତ ଅଞ୍ଚଳ ବାହାରକୁ ଯାଉଥିବା କୁକୁଡ଼ା ଓ କୁକୁଡ଼ାଜାତ ଦ୍ରବ୍ୟ ଉପରେ କଟକଣା ଜାରୀ କରାଯାଇଥିବା ନେଇ ସୂଚନା ମିଳିଛି।
ସଂକ୍ରମିତ ଅଞ୍ଚଳରୁ କୁକୁଡ଼ାମରା ଅଭିଯାନ ଶେଷ ପରେ ସଂକ୍ରମିତ କୁକୁଡ଼ା ପାଳନ ଫାର୍ମ ପରିସର ବିଶୋଧନ କରାଯିବ ଓ ପରିମଳ ବ୍ୟବସ୍ଥା ଉପରେ ଗୁରୁତ୍ୱ ଦିଆଯିବ। ସଂକ୍ରମିତ ଅଞ୍ଚଳ ବାହାରେ ଏକ କିଲୋମିଟରରୁ ଦଶ କିଲୋମିଟର ମଧ୍ୟରେ କୁକୁଡ଼ା ମାନଙ୍କର ସର୍ଭିଲାନ୍ସ ନିରୀକ୍ଷଣ କରାଯିବା ପାଇଁ ବ୍ୟବସ୍ଥା ହୋଇଛି। ଏହି ସବୁ ଅଞ୍ଚଳରେ ଅଣ୍ଡା, କୁକୁଡ଼ା ଖାଇବା ପାଇଁ ବାରଣ କରାଯାଇଛି।