ଭୁବନେଶ୍ଵର: ଲାଗୁନି ସୁନା ଦରରେ ବ୍ରେକ । ହୁ ହୁ ହୋଇ ବଢିଚାଲିଛି ସୁନା ଦର । ଯାହା ଗ୍ରାହକଙ୍କ ପାଇଁ ମୁଣ୍ଡ ବ୍ୟଥାର କାରଣ ପାଲଟିଛି । ବିବାହ ଋତୁ ପାଇଁ ସୁନା ଦର ଆକାଶ ଛୁଆଁ ହେବାକୁ ବସିଲାଣି । ବର୍ତ୍ତମାନ ସୁନାର ଚାହିଦା ପାଇଁ ଦିନକୁ ଦିନ ଦର ବଢିବାରେ ଲାଗିଛି । ସୁନା ଦର କେବେ କମିବ ତାହା ସମସ୍ତ ଗ୍ରାହକଙ୍କ ମନରେ ପ୍ରଶ୍ନ ଉଠୁଛି ?
ଭୁବନେଶ୍ୱର ବଜାରରେ ଆଜି ଖାଣ୍ଟି ସୁନା ବା ୨୪ କ୍ୟାରେଟ ସୁନା ଦର ୧୦ ଗ୍ରାମ ପିଛା ୧୧୪୦ ଟଙ୍କା ବୃଦ୍ଧି ହୋଇଛି। ଏଥି ସହିତ ସୁନା ଦର ୯୭ ହଜାର ୩୧୦ ଟଙ୍କାରେ ପହଞ୍ଚିଛି। ସେହିପରି ଗହଣା ତିଆରି ହେଉଥିବା ୨୨ କ୍ୟାରେଟ ସୁନା ଦାମ ୧୦ ଗ୍ରାମ ପିଛା ୧୦୫୦ ଟଙ୍କା ବଢ଼ି ୮୯ ହଜାର ୨୦୦ ଟଙ୍କା ହୋଇଛି।ସେହିପରି କଟକରେ ଆଜି ଖାଣ୍ଟି ସୁନା ବା ୨୪ କ୍ୟାରେଟ ସୁନା ଦର ୧୦ ଗ୍ରାମ ପିଛା ୯୭ ହଜାର ୩୧୦ ଟଙ୍କାରେ ପହଞ୍ଚିଛି। ଗହଣା ତିଆରି ହେଉଥିବା ୨୨ କ୍ୟାରେଟ ସୁନା ଦାମ ୧୦ ଗ୍ରାମ ପିଛା ୮୯ ହଜାର ୨୦୦ ଟଙ୍କା ହୋଇଛି।
ସୁନା କିଣିବା ପାଇଁ ସମସ୍ତ ଗ୍ରାହକ ଏବେ ଚିନ୍ତାରେ । ଆଗାମୀ ଦିନରେ ସୁନା ଦର ୧ଲକ୍ଷ ୩୦ ହଜାର ଛୁଇଁବ ବୋଲି ସୂଚନା ମଧ୍ୟ ମିଳୁଛି । ଆମେରିକା-ଚୀନ ମଧ୍ୟରେ ବଢୁଥିବା ବାଣିଜ୍ୟ ଯୁଦ୍ଧ ଏବଂ ମାନ୍ଦାବସ୍ଥା ଆଶଙ୍କା ମଧ୍ୟରେ ସୁନା ଦର ନୂଆ ରେକର୍ଡ ସୃଷ୍ଟି କରିବାରେ ଲାଗିଛି । ରାଜ୍ୟ ଓ ଦେଶରେ ଏହାର ପ୍ରଭାବରେ ସୁନାର ଦର ବଢ଼ିବାରେ ଲାଗିଛି । ଲୋକେ ସୁନା ଦର ଯେତେ ପରିମାଣର ବଢୁଛି ଚୋରି ମଧ୍ୟ ବଢ଼ିବାରେ ଲାଗିଛି ।
