ରାଜସ୍ଥାନ : ଆଜି ଭଜନଲାଲ ଶର୍ମା ରାଜସ୍ଥାନର ନୂତନ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଐତିହାସିକ ଆଲବର୍ଟ ହଲ୍ ବାହାରେ ଏହି ସମାରୋହ ଅନୁଷ୍ଠିତ ହେବ, ଯେଉଁଥିରେ ପ୍ରଧାନମନ୍ତ୍ରୀ ମୋଦୀ, ଗୃହମନ୍ତ୍ରୀ ଅମିତ ଶାହା, ବିଜେପି ସଭାପତି ଜେପି ନାଡା ମଧ୍ୟ ଯୋଗଦେବେ।
ରାଜ୍ୟପାଳ କାଲରାଜ ମିଶ୍ର ଭଜନ ଲାଲ ଶର୍ମାଙ୍କୁ ମୁଖ୍ୟମନ୍ତ୍ରୀ ଭାବେ ଶପଥ ଗ୍ରହଣ କରିବେ। ଏହା ବ୍ୟତୀତ ଦିୟା କୁମାରୀ ଏବଂ ପ୍ରେମଚାନ୍ଦ ବେୟାରୱା କ୍ୟାବିନେଟ ସଦସ୍ୟ ଭାବରେ ଶପଥ ଗ୍ରହଣ କରିବେ।
ରାଜସ୍ଥାନର 200 ଟି ସିଟ୍ ମଧ୍ୟରୁ 199 ରେ ଅନୁଷ୍ଠିତ ନିର୍ବାଚନରେ ବିଜେପି 115 ଟି ସିଟ୍ ଜିତିଛି। କଂଗ୍ରେସ ପ୍ରାର୍ଥୀଙ୍କ ମୃତ୍ୟୁ କାରଣରୁ କରଣପୁର ଆସନରେ ନିର୍ବାଚନ ସ୍ଥଗିତ ରଖାଯାଇଥିଲା ଯେଉଁଠାରେ ଜାନୁଆରୀ ୫ ରେ ଭୋଟ୍ ଗ୍ରହଣ କରାଯିବ।
ଆଜି ଅନୁଷ୍ଠିତ ହେବାକୁ ଥିବା ସମାରୋହ ପାଇଁ କଠୋର ସୁରକ୍ଷା ବ୍ୟବସ୍ଥା କରାଯାଇଛି। ପ୍ରସ୍ତୁତି ଚୂଡ଼ାନ୍ତ କରିବାର କାର୍ଯ୍ୟ ଗୁରୁବାର ମଧ୍ୟ ଜାରି ରହିଛି। ବହୁ ସଂଖ୍ୟକ ଲୋକ ଏହି କାର୍ଯ୍ୟକ୍ରମରେ ଯୋଗଦେବାର ସମ୍ଭାବନା ଅଛି l ରାଜଧାନୀର ମୁଖ୍ୟ ରାସ୍ତା ଏବଂ ପ୍ରବେଶ ପଥକୁ ସଜାଯାଇଛି l ସେଥିରେ ବିଜେପି ପତାକା ଏବଂ ହୋର୍ଡିଂ କଟ୍ଆଉଟ୍ ସମେତ କେନ୍ଦ୍ର ସରକାରଙ୍କ ବିଭିନ୍ନ ଜନ କଲ୍ୟାଣ ଯୋଜନା ସହ ଜଡିତ ପୋଷ୍ଟର ଏବଂ ବ୍ୟାନର ମଧ୍ୟ ଲଗାଯାଇଛି।
ବିଶେଷ କଥା ହେଉଛି ଆଜି ମଧ୍ୟ ଭଜନଲାଲ ଶର୍ମାଙ୍କ ଜନ୍ମଦିନ। ଏହା ତାଙ୍କର 56 ତମ ଜନ୍ମଦିନ l ଗୁରୁବାର ରାତି 12 ଟା ପରେ ଭଜନଲାଲ ତାଙ୍କ ସମର୍ଥକଙ୍କ ସହ ସୋଡାଲାର ଚାମ୍ବଲ ଗେଷ୍ଟ ହାଉସରେ ତାଙ୍କ ଜନ୍ମଦିନ ପାଳନ କରିଥିଲେ। ତାଙ୍କ ଜନ୍ମଦିନ ଅବସରରେ ମୁଖ୍ୟମନ୍ତ୍ରୀ ଏବଂ ତାଙ୍କ ସମର୍ଥକଙ୍କ ଦ୍ୱାରା ରକ୍ତଦାନ ଶିବିର ମଧ୍ୟ ଆୟୋଜନ କରାଯିବ। ଏହି ଶିବିର ଧୋଲପୁରରେ ଆୟୋଜିତ ହେବ।