ନୂଆଦିଲ୍ଲୀ: ଆଜି ଭାଲେଣ୍ଟାଇନ୍ସ ଡେ । ପ୍ରେମୀଯୁଗଳଙ୍କ ପାଇଁ ଭାଲେଣ୍ଟାଇନ୍ସ ଡେ ଏକ ସ୍ୱତନ୍ତ୍ର ଦିନ। ଏହି ଦିନରେ, ଦମ୍ପତିମାନେ ପରସ୍ପରକୁ ଶୁଭେଚ୍ଛା ଜଣାଇବା ସହ ପରସ୍ପର ପ୍ରତି ଥିବା ପ୍ରେମକୁ ପ୍ରକାଶ କରନ୍ତି। ଏହି ଦିନଟିକୁ ଦମ୍ପତିମାନେ ବହୁତ ସ୍ୱତନ୍ତ୍ର କରିବାକୁ ଚେଷ୍ଟା କରିଥାନ୍ତି। କିନ୍ତୁ ସୋସିଆଲ ମିଡିଆରେ ଏବେ ଭାଇରାଲ ହେଉଥିବା ଏକ ଏଗ୍ରୀମେଣ୍ଟକୁ ନେଇ ଏବେ ଚର୍ଚ୍ଚା ବଢିଛି । ସ୍ୱାମୀ ଏବଂ ସ୍ତ୍ରୀଙ୍କ ମଧ୍ୟରେ ହୋଇଥିବା ଏହି ଅଜବ ଭାଲେଣ୍ଟାଇନ୍ ଚୁକ୍ତିନାମାକୁ ଦେଖି ବିଭିନ୍ନ ଲୋକ ବିଭିନ୍ନ ପ୍ରକରର ମତ ପ୍ରକାଶ କରୁଛନ୍ତି ।
ଚୁକ୍ତିନାମାରେ, ଏହି ଦମ୍ପତି ଘରର ନିୟମାବଳୀ ଉଲ୍ଲେଖ କରିଛନ୍ତି, ଯାହା ଦ୍ଵାରା ପରସ୍ପର ମଧ୍ୟରେ ହେଉଥିବା ବାରମ୍ବାର ଯୁକ୍ତିତର୍କକୁ ଏଡାଯାଇପାରିବ ଏବଂ ପ୍ରେମ ବୃଦ୍ଧି ପାଇବ। ଚୁକ୍ତିନାମାରେ କୁହାଯାଇଛି, “ଭାଲେଣ୍ଟାଇନ୍ସ ଡେ ଅବସରରେ, ଶୁଭମ (ପାର୍ଟି ୧) ଏବଂ ଅନାୟା (ପାର୍ଟି ୨) ଉଭୟ ପକ୍ଷଙ୍କ ପାଇଁ କିଛି ଘର ନିୟମ ସ୍ଥିର କରିବେ ଯାହା ଦ୍ଵାରା ବାରମ୍ବାର ହେଉଥିବା ଯୁକ୍ତିତର୍କ ଏଡାଯାଇ ପାରିବ ଏବଂ ପରସ୍ପର ମଧ୍ୟରେ ପ୍ରେମକୁ ପୁନଃ ଜାଗ୍ରତ କରିହେବ । ଏହି ନିୟମକୁ ପାଳନ କରିବା ପାଇଁ ଉଭୟେ ଏକ ତାଲିକା ମଧ୍ୟ ପ୍ରକାଶ କରିଛନ୍ତି ।
ତେବେ ଯଦି କେହି ଚୁକ୍ତିନାମା ଅନୁସାରେ କାର୍ଯ୍ୟ ନକରନ୍ତି ତେବେ ତାଙ୍କୁ କେଉଁ ଦଣ୍ଡ ଦିଆଯିବ ସେ ନେଇ ମଧ୍ୟ ସେହି ଚୁକ୍ତିନାମାରେ ଉଲ୍ଲେଖ କରାଯାଇଛି । ଚୁକ୍ତିନାମାରେ କୁହାଯାଇଛି ଯେ ଯଦି କୌଣସି ପକ୍ଷ ଏହି ନିୟମ ପାଳନ କରିବାରେ ବିଫଳ ହୁଅନ୍ତି, ତେବେ ଚୁକ୍ତିନାମା ସମାପ୍ତ ହେବ ଏବଂ ଦୋଷୀ ପକ୍ଷକୁ ୩ ମାସ ପାଇଁ ଘରର କାମ ଯେପରିକି ପୋଷାକ ଧୋଇବା, ଶୌଚାଳୟ ସଫା କରିବା, ଘରର ଜିନିଷ ପତ୍ର କିଣିବା ଇତ୍ୟାଦି ଖର୍ଚ୍ଚ ବହନ କରିବାକୁ ପଡିବ।”
ଏହି ଚୁକ୍ତିନାମାର ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ଯାହାକୁ ଦେଖି ୟୁଜର୍ସମାନେ ବିଭିନ୍ନ ଆକର୍ଷଣୀୟ ମନ୍ତବ୍ୟ ମଧ୍ୟ ଦେଉଛନ୍ତି । ଜଣେ ଉପଭୋକ୍ତା ଲେଖିଛନ୍ତି ଯେ, “ଏହା ବହୁତ ଭଲ। ଏହା ଏକ ସୁନ୍ଦର ମତନ୍ତର ଯାହାକୁ ମୁଁ ସମର୍ଥନ କରୁଛି।” ସେହିପରି ଆଉ ଜଣେ ଉପଭୋକ୍ତା ଲେଖିଛନ୍ତି: “ଏହା ବହୁତ ଭଲ ମତାନ୍ତର । ଏହା ପ୍ରକୃତରେ ସୁନ୍ଦର ଏବଂ ପ୍ରଭାବଶାଳୀ। ସେହିପରି ଆଉ ଜଣେ ଉପଭୋକ୍ତା ଲେଖିଛନ୍ତି, “ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି ଶୁଭମ ଚୁକ୍ତିପତ୍ରରେ ସିଗ୍ନେଚର୍ କରିନାହାଁନ୍ତି।”