ଭୁବନେଶ୍ଵର: ଭାରତରେ ଯେପରି ବାସ୍ତୁକୁ ଗୁରୁତ୍ବ ଦିଆଯାଏ ସେହିପରି ଚୀନ ଫେଙ୍ଗସୁଇ ପ୍ରତି ଲୋକଙ୍କ ଦୁର୍ବଳତା ରହିଛି । ଚୀନ ଲୋକମାନ୍ୟତା ଅନୁସାରେ ଘରେ ଲାଫିଙ୍ଗ ବୁଦ୍ଧ ଥିଲେ ବାସ୍ତୁର ସମସ୍ତ ତ୍ରୁଟି ଦୂରହୋଇଯାଏ ଓ ଲୋକେ ସମସ୍ୟାରେ ପଡନ୍ତିନି। ଲାଫିଙ୍ଗ ବୁଦ୍ଧକୁ ଉନ୍ନତିର ସୂଚକ ବୋଲି ଲୋକେ ମାନିଥାନ୍ତି। ଏଣୁ ଲୋକେ ସେମାନଙ୍କ ପ୍ରୀୟ ଜନଙ୍କୁ ଉପହାରରେ ଲାଫିଙ୍ଗ ବୁଦ୍ଧ ଦେଇଥନ୍ତି । ତେବେ ଆସନ୍ତୁ ଜାଣିବା ଲାଫିଙ୍ଗ ବୁଦ୍ଧ ଉପହାର ଦେଲେ କଣହୁଏ …
କାହାକୁ ଲାଫିଙ୍ଗ ବୁଦ୍ଧ ଉପହାର ଦେବା ଅର୍ଥାନ ନିଜ ଭାଗ୍ୟର ଦ୍ବାର ଖୋଲିବା । ସେହିପରି ଯାହାକୁ ଲାଫିଙ୍ଗ ବୁଦ୍ଧ ଉପହାର ଦିଆଯାଏ ତାଙ୍କର ଭାଗ୍ୟ ମଧ୍ୟ ଚମକି ଥାଏ, ସଫଳତା ତାଙ୍କର ପଦ ଚୁମ୍ବନ କରିଥାଏ। ବାସ୍ତୁ ଶାସ୍ତ୍ର ଅନୁସାରେ ଗିଫ୍ଚରେ ମିଳିଥିବା ଲାଫିଙ୍ଗ ବୁଦ୍ଧ ଅନେକ ଲାଭଦାୟୀ ହୋଇଥାନ୍ତି । ଏଭଳି ବୁଦ୍ଧଙ୍କୁ ଘରେ ରଖିଲେ ଘରେ ଆର୍ଥିକ ସମସ୍ୟା ଉପୁଜି ନଥାଏ। ଯାହାର ବ୍ୟବସାୟ ଚାଲୁନଥାଏ ପ୍ରତିଷ୍ଠାନରେ ଏଭଳି ବୁଦ୍ଧଙ୍କ ମୂର୍ତ୍ତି ରଖିଲେ ବ୍ୟବସାୟରେ ଉନ୍ନତି ହୁଏ ।
କିମ୍ବଦନ୍ତୀ ଅନୁସାରେ ଲାଫିଙ୍ଗ୍ ବୁଦ୍ଧ ହେଉଛନ୍ତି ମହାତ୍ମା ଗୌତମ ବୁଦ୍ଧଙ୍କ ଜଣେ ଶିଷ୍ୟ। ତାଙ୍କର ପକୃତ ନାଁ ହେଉଛି ହୋତେଇ। ସେ ଜାପାନରେ ଜନ୍ମଗ୍ରହଣ କରିଥିଲେ। ତାଙ୍କୁ ଜ୍ଞାନ ପ୍ରାପ୍ତି ହେବାପରେ ସେ ଜୋରରେ ହସିବାକୁ ଲାଗିଥିଲେ। ଲୋକମାନଙ୍କୁ ହସେଇବା ଓ ତାଙ୍କୁ ଖୁସି ଦେଖିବା ତାଙ୍କ ଜୀବନର ଲକ୍ଷ୍ୟ ବୋଲି ସେ ଗ୍ରହଣ କରିନେଇଥିଲେ। ଏଥିପାଇଁ ସେ ସବୁ ଜାଗାରେ ନିଜର ମୋଟା ପେଟକୁ ଦେଖାଇ ଲୋକଙ୍କୁ ହସାଇବାକୁ ଚେଷ୍ଟା କରୁଥିଲେ। ଏଥିପାଇଁ ଜାପାନ ଓ ଚୀନରେ ଲୋକ ତାଙ୍କୁ ହସୁଥିବା ବୁଦ୍ଧ ବା ଲାଫିଙ୍ଗ୍ ବୁଦ୍ଧ ବୋଲି ଡାକିବାକୁ ଲାଗିଲେ। ତାଙ୍କ ପରେ ତାଙ୍କର ଶିଷ୍ୟମାନେ ମଧ୍ୟ ତାଙ୍କର ଏହି କାର୍ଯ୍ୟକୁ ଆଗକୁ ବଢ଼ାଇଥିଲେ। ଲାଫିଙ୍ଗ୍ ବୁଦ୍ଧଙ୍କୁ ଚୀନରେ ଲୋକ ଭଗବାନଙ୍କ ସହ ତୁଳନା କରିଥାନ୍ତି।