ନୂଆଦିଲ୍ଲୀ: ଆତଙ୍କବାଦୀ ଆକ୍ରମଣ ପରେ ଆଜିକାଲି ଦେଶରେ ଭିନ୍ନ ପରିସ୍ଥିତି ସୃଷ୍ଟି ହୋଇଛି। ଗତ ଏପ୍ରିଲ୍ ମାସରେ ଜମ୍ମୁ ଏବଂ କଶ୍ମୀରରେ ହୋଇଥିବା ପହଲଗାମ ଆତଙ୍କବାଦୀ ଆକ୍ରମଣକୁ ଇତି ମଧ୍ୟରେ ମାସେ ପୁରିଛି । ଏହି ଆତଙ୍କବାଦୀ ଆକ୍ରମଣ ପରେ ଦେଶରେ ସୁରକ୍ଷା ବ୍ୟବସ୍ଥା ବଢାଯିବା ସହ ଏନେଇ ଏଜେନ୍ସିଗୁଡ଼ିକ ମଧ୍ୟ ସଜାଗ ଅଛନ୍ତି। ଏଥିସହ ଆକ୍ରମଣ ପରେ ପାକିସ୍ତାନର ଗୁଇନ୍ଦା ସଂସ୍ଥା ISI ପାଇଁ ଭାରତ ବିରୋଧରେ ଗୁପ୍ତଚର କାର୍ଯ୍ୟ କରୁଥିବା ଅନେକ ଲୋକଙ୍କୁ ମଧ୍ୟ ଗିରଫ କରାଯାଇଛି । ଯେଉଁଥିରେ ଜଣେ ପ୍ରସିଦ୍ଧ YouTuber ମଧ୍ୟ ସାମିଲ ଅଛନ୍ତି।
ସେଥିପାଇଁ ସୁରକ୍ଷା ଦୃଷ୍ଟିରୁ ଏବେ ଭାରତ ଉପରେ ସୁରକ୍ଷାକର୍ମୀଙ୍କ ନଜରକୁ ଆହୁରି କଡ଼ାକଡ଼ି କରାଯାଇଛି। ଏହାକୁ ଦୃଷ୍ଟିରେ ରଖି ଦେଶର ଏଜେନ୍ସିଗୁଡ଼ିକ ଇଣ୍ଟେଲିଜେନ୍ସ ବ୍ୟୁରୋ, ଜାତୀୟ ତଦନ୍ତ ଏଜେନ୍ସି ଏବଂ ସାଇବର କ୍ରାଇମ ସେଲ ସାଧାରଣ ଲୋକଙ୍କ ଫୋନ କଲ ଏବଂ ଇଣ୍ଟରନେଟ ଟ୍ରାଫିକ ଉପରେ ନଜର ରଖୁଛନ୍ତି। ତେବେ କହିରଖୁଛୁ ଯେ ଏବେ ସୁରକ୍ଷାକର୍ମୀଙ୍କ ନଜର ସମସ୍ତ ମୋବାଇଲ୍ ଉପଭୋକ୍ତାଙ୍କ ଉପରେ । ଯଦି ଆପଣ ଫୋନ୍ରେ କଥାବାର୍ତ୍ତା ସମୟରେ କିଛି ଏପରି ଶବ୍ଦ ବ୍ୟବହାର କରୁଛନ୍ତି ତେବେ ଏ ଖବର ଆପଣଙ୍କ ପାଇଁ । କାରଣ ସେହି ଶବ୍ଦ ଆପଣଙ୍କ ପାଇଁ ପଡିପାରେ ମହଙ୍ଗା । ବର୍ତ୍ତମାନ ସୁରକ୍ଷା ଏଜେନ୍ସିଗୁଡ଼ିକର ରାଡାରରେ ପ୍ରତ୍ୟକ ଭାରତୀୟ । ଯଦି ଆପଣ ଫୋନ କଲ କିମ୍ବା ମେସେଜ ମାଧ୍ୟମରେ ସମ୍ବେଦନଶୀଳ ଶବ୍ଦ ବ୍ୟବହାର କରନ୍ତି ତେବେ ଆପଣ ଅସୁବିଧାରେ ପଡ଼ିପାରନ୍ତି।
ଯଦି ଆପଣ କୌଣସି ଦେଶ ବିରୋଧୀ କିମ୍ବା ହିଂସା ସମ୍ବନ୍ଧୀୟ କିମ୍ବା ଆତଙ୍କବାଦ ସମ୍ବନ୍ଧୀୟ ଶବ୍ଦ ବ୍ୟବହାର କରନ୍ତି ତେବେ ଆପଣ ଏଜେନ୍ସିଙ୍କ ଚକ୍ରବ୍ୟୁହରେ ଫସିପାରନ୍ତି । ଯଦି ଆପଣ ହ୍ୟାକିଂ, ବ୍ଲାଷ୍ଟ, RDX, ଆକ୍ରମଣ, ବୋମା ଭଳି ଶବ୍ଦ ବ୍ୟବହାର କରନ୍ତି ତେବେ ଆପଣ ସୁରକ୍ଷା ଏଜେନ୍ସିଗୁଡ଼ିକର ରାଡାରରେ ଆସିପାରନ୍ତି। ଯଦି ଆପଣ ସାଧାରଣ କଥାବାର୍ତ୍ତା ସମୟରେ ଥରେ କିମ୍ବା ଦୁଇଥର ମଜାରେ ଏପରି ଶବ୍ଦ ବ୍ୟବହାର କରନ୍ତି ତେବେ ଆପଣଙ୍କୁ ଆଦୌ ଭୟଭୀତ ହେବାର ଆବଶ୍ୟକତା ନାହିଁ। ସରକାର ସ୍ପଷ୍ଟ କରିଛନ୍ତି ଯେ, ସାଧାରଣ ନାଗରିକଙ୍କ ଗୋପନୀୟତାକୁ ସମ୍ପୂର୍ଣ୍ଣ ସମ୍ମାନ କରାଯାଏ। ଯଦି ତୁମେ ଏପରି ଶବ୍ଦ ବାରମ୍ବାର ବ୍ୟବହାର କରୁଛ ତେବେ ପୋଲିସ ତୁମକୁ ପଚରାଉଚରା କରିପାରିବ। ତଥାପି, ଏପରି ମାମଲାରେ ଗିରଫଦାରୀର କୌଣସି ସିଧାସଳଖ ବ୍ୟବସ୍ଥା ନାହିଁ।
