ରବିବାର ବିଳମ୍ବିତ ରାତିରେ ମଞ୍ଚେଶ୍ୱର ଇଣ୍ଡଷ୍ଟ୍ରିଆଲ୍ ଇଷ୍ଟେଟ୍ ଅଞ୍ଚଳରେ ଥିବା ଓଡିଶା ଷ୍ଟେଟ୍ ମେଡିକାଲ୍ କର୍ପୋରେସନ୍ ଲିମିଟେଡ୍ (ଓଏସ୍ଏମ୍ସିଏଲ୍) ର ଗୋଦାମରେ ଏକ ବଡ଼ ଅଗ୍ନିକାଣ୍ଡ ଘଟି ସମଗ୍ର ଗୋଡାଉନ୍ ଏବଂ ଲକ୍ଷ ଲକ୍ଷ ଟଙ୍କା ମୂଲ୍ୟର ଔଷଧ ନଷ୍ଟ ହୋଇଯାଇଛି।
ଜ୍ୱଳନ୍ତ ଔଷଧ ଏବଂ ଅନ୍ୟାନ୍ୟ ସାମଗ୍ରୀଠାରୁ ଆଖପାଖ ଅଞ୍ଚଳ ସମ୍ପୂର୍ଣ୍ଣ ଘନ,ଧୂଆଁରେ ଆବଦ୍ଧ ହୋଇଥିବାରୁ ଏହି ଅଗ୍ନିକାଣ୍ଡ ଆତଙ୍କ ସୃଷ୍ଟି କରିଥିଲା।
ରବିବାର ରାତି ପ୍ରାୟ ସାଢେ଼ ୧୧ ଟା ବେଳେ ଅଗ୍ନିକାଣ୍ଡ ଘଟିଥିଲା ଏଥିରେ କୌଣସି ବ୍ୟକ୍ତି ଆହତ ହୋଇନାହାଁନ୍ତି। ୭ ଅଗ୍ନିଶମ ଗାଡ଼ି ପରିସ୍ଥିତିକୁ ନିୟନ୍ତ୍ରଣ କରିବାକୁ ଲାଗିଥିଲେ l
ଅଗ୍ନିଶମ କର୍ମଚାରୀମାନେ ନିଆଁକୁ ଆୟତ୍ତ କରିବା ପାଇଁ ରାତିସାରା ଓପରସେନ୍ ଚଳାଇଥିଲେ । ଗୋଡାଉନରେ ଓଡିଶା ଷ୍ଟେଟ ମେଡିକାଲ କର୍ପୋରେସନ୍ ଲିମିଟେଡର ମାସ୍କ, ସାନିଟାଇଜର, ପିପିଏ କିଟ୍, ସାଲାଇନ୍ ଏବଂ ଅମ୍ଳଜାନ ସିଲିଣ୍ଡର ସମେତ ହଜାର ହଜାର କୋଭିଡ -୧୯ ସାମଗ୍ରୀ ରହିଥିଲା।
ଅଗ୍ନିଶମ ଦଳ ଜେସିବି ସାହାଯ୍ୟରେ ଗୋଡାଉନର କାନ୍ଥ ଭାଙ୍ଗି ନିଆଁ ଲିଭାଇବା ପାଇଁ ବିଲଡିଂରେ ପ୍ରବେଶ କରିଥିଲେ। ଏବେ ପରିସ୍ଥିତି ସମ୍ପୂର୍ଣ୍ଣ ନିୟନ୍ତ୍ରଣରେ ଅଗ୍ନିଶମ କର୍ମଚାରୀମାନେ ନିଆଁକୁ ଅନ୍ୟ ଅଂଶକୁ ବ୍ୟାପିବାରୁ ରୋକିବାରେ ସଫଳ ହୋଇଛନ୍ତି ll
ଏକ ବଡ଼ ଧରଣର ବିସ୍ଫୋରଣ ଆମ ଅଞ୍ଚଳକୁ ଥରାଇ ଦେଇଛି। ପ୍ରାରମ୍ଭରେ, ଆମେ ଭାବୁଥିଲୁ ଏକ ଟ୍ରକରେ ନିଆଁ ଲାଗିଯାଇଛି | କିନ୍ତୁ, ପରେ ଆମେ ଜାଣିବାକୁ ପାଇଲୁ ଯେ ବିଲ୍ଡିଂରେ ନିଆଁ ଲାଗିଯାଇଛି। ନିଆଁ ଏତେ ତୀବ୍ର ଥିଲା ଯେ ନିଆଁ ଆମ ଘର ଆଡକୁ ବ୍ୟାପିବାରେ ଲାଗିଲା। ବୋଲି ଜଣେ ସ୍ଥାନୀୟ ପ୍ରତ୍ୟକ୍ଷଦର୍ଶୀ କହିଛନ୍ତି।
ବର୍ତ୍ତମାନ ପରିସ୍ଥିତି ନିୟନ୍ତ୍ରଣରେ ରହିଛି। ନିଆଁକୁ ଆୟତ୍ତ କରିବା ପାଇଁ ଆମ ଦଳ ସବୁ ପ୍ରକାର ଉଦ୍ୟମ କରିଛନ୍ତି । ନିଆଁକୁ ଆୟତ୍ତ କରିବା ପରେ ହିଁ ମୋଟ କ୍ଷୟକ୍ଷତିର ଆକଳନ କରାଯିବ ବୋଲି ଅଗ୍ନିଶମ ଅଧିକାରୀ କହିଛନ୍ତି।