ପତ୍ନୀ ଓ ଝିଅ ଙ୍କର ରହସ୍ୟମୟ ଭାବେ ହତ୍ୟା

ରବିବାର ସକାଳେ ରାଜସ୍ଥାନର ଯୋଧପୁରରେ ଥିବା ସରକାରୀ ବାସଭବନରେ ସେନା ଯବାନଙ୍କ ପତ୍ନୀ ଏବଂ ତାଙ୍କ ଝିଅଙ୍କର ରହସ୍ୟମୟ ଅବସ୍ଥାରେ ମୃତ୍ୟୁ ହୋଇଛି ବୋଲି ପୋଲିସ ସୂଚନା ଦେଇଛି। ପୋଲିସ କହିଛି ଯେ ୨୫ ବର୍ଷିୟ ରୁକ୍ମିଣା ଏବଂ ତାଙ୍କ ଦୁଇ ବର୍ଷର ଝିଅ ରିଦ୍ଧିମାଙ୍କ ମୃତଦେହ ଖଟ ଉପରେ ପଡ଼ିଥିବାର ଦେଖିବାକୁ ମିଳିଛି। ରୁକ୍ମିଣାଙ୍କ ସ୍ୱାମୀ ରାମ ପ୍ରସାଦ ଦାବି କରିଛନ୍ତି ଯେ ସର୍ଟ ସର୍କିଟ ଯୋଗୁଁ ଅଗ୍ନିକାଣ୍ଡ ହୋଇଥିବା ହେତୁ ଉଭୟଙ୍କର ମୃତ୍ୟୁ ଘଟିଛି। ତେବେ ପୋଲିସ ରାମ ପ୍ରସାଦଙ୍କୁ ଅଟକ ରଖିଛି। ଡେପୁଟି କମିଶନର୍ ପୋଲିସ୍ (ପୂର୍ବ) ଅମୃତା ଦୁହାନ୍ କହିଛନ୍ତି ଯେ ମହିଳାଙ୍କ ସମ୍ପର୍କୀୟଙ୍କୁ ସୂଚନା ଦିଆଯାଇଛି ଏବଂ ଯୋଧପୁରରେ ପହଞ୍ଚିବା ପରେ ପୋଷ୍ଟମର୍ଟମ କରାଯିବ। ସିକ୍କିମର ବାସିନ୍ଦା ରାମ ପ୍ରସାଦ ତିନି ବର୍ଷ ପୂର୍ବେ ନେପାଳର ରୁକ୍ମିଣାଙ୍କୁ ବିବାହ କରିଥିଲେ। ଭାରତୀୟ ସେନାରେ ଥିବା ନାୟକ ରାମ ପ୍ରସାଦ ପ୍ରାୟ ଦୁଇ ବର୍ଷ ପୂର୍ବେ ଯୋଧପୁରକୁ ଆସିଥିଲେ ଏବଂ ସେନା କ୍ୱାର୍ଟରରେ ରହୁଥିଲେ। ଦୁହନ କହିଛନ୍ତି ଯେ ରବିବାର ସକାଳ ପାଞ୍ଚଟା ବେଳେ ଆମେ ଏହି ସୂଚନା ପାଇଛୁ। ସେନା କ୍ୱାର୍ଟରରେ ଦୁଇ ଜଣଙ୍କୁ ପୋଡି ଦିଆଯାଇଥିଲା। ଆମେ ଘଟଣାସ୍ଥଳକୁ ଯାଇ ଦେଖିଲୁ ଯେ ବିଛଣାରେ ଥିବା ମହିଳା ଏବଂ ତାଙ୍କ ଝିଅ ଜଳି ଯାଇଥିବା ଶବ ସେଠାରେ ପଡ଼ି ରହିଥିଲା। ସେମାନେ ଏହା କହିଥିଲେ ରାମପ୍ରସାଦ ମଧ୍ୟ ଘରେ ଥିଲେ ଏବଂ ତାଙ୍କ ହାତରେ ଜ୍ୱଳନ୍ତ ଚିହ୍ନ ରହିଥିଲା। ରୁକ୍ମିଣାଙ୍କ ସ୍ୱାମୀ ଙ୍କ ଉପରେ ସନ୍ଦେହ କରାଯାଉଛି ବୋଲି ସୂଚନା ମିଳୁଛି l ସୂଚନାନୁସାରେ, ରାମପ୍ରସାଦ ଦାବି କରିଛନ୍ତି ଯେ ସେ ତାଙ୍କ ପତ୍ନୀ ଏବଂ ଝିଅଙ୍କୁ ବଞ୍ଚାଇବାକୁ ଚେଷ୍ଟା କରିଥିଲେ ମଧ୍ୟ ପାରି ନଥିଲେ ଏବଂ ସାହାଯ୍ୟ ମାଗିବାକୁ ଘରୁ ବାହାରକୁ ଆସିଥିଲେ। ଦୁହାନ କହିଛନ୍ତି ଯେ ରତନନ୍ଦ ପୋଲିସ ଷ୍ଟେସନରେ ହତ୍ୟା ମାମଲା ରୁଜୁ ହୋଇଛି। ସେ କହିଛନ୍ତି ଯେ ଫୋରେନସିକ୍ ଦଳକୁ ଘଟଣାସ୍ଥଳକୁ ଡକାଯାଇଛି।