ଆନ୍ତର୍ଜାତୀୟ ଟେନିସ ତାରକା ଦେବାଶିଷ ସାହୁ ପାଇବେ ଏକଲବ୍ୟ ପୁରସ୍କାର । ୨୦୨୩ ବର୍ଷ ପାଇଁ ୩୧ତମ ଏକଲବ୍ୟ ପୁରସ୍କାର ପ୍ରଦାନ କରାଯିବ l ଏହି ୩୧ତମ ଏକଲବ୍ୟ ପୁରସ୍କାର ପାଇବେ ଦେବାଶିଷ ସାହୁ । ଦେବାଶିଷ ଏଯାଏଁ ଚାରୋଟି ଅନ୍ତର୍ଜାତୀୟ ଖେଳିବା ସହ ୧୧ଟି ଜାତୀୟ ମ୍ୟାଚ ଖେଳିବାର ସୌଭାଗ୍ୟ ଅର୍ଜନ କରିସାରିଛନ୍ତି l ପୁରସ୍କାର ବାବଦରେ ତାଙ୍କୁ ୫ ଲକ୍ଷ ଟଙ୍କା ସହ ମାନପତ୍ର ପ୍ରଦାନ କରାଯିବ । ଆଥଲେଟ ବାପି ହାଁସଦା ଓ ଭାରୋତ୍ତୋଳକ ଜ୍ୟୋସ୍ନା ସବର ଉପବିଜେତା ଭାବେ ବିବେଚିତ ହୋଇଛନ୍ତି । ବାପି ଓ ଜ୍ୟୋସ୍ନା ଉଭୟଙ୍କୁ ୧ ଲକ୍ଷ ଲେଖାଏଁ ଟଙ୍କା ସହ ମାନପତ୍ର ମିଳିବ ।
ଆଇଏମଏଫଏ ଦ୍ୱାରା ପରିଚାଳିତ ଇଣ୍ଡିଆନ ମେଟାଲସ୍ ପବ୍ଲିକ ଚାରିଟେବଲ ଟ୍ରଷ୍ଟ (ଇମ୍ପାକ୍ଟ) ପକ୍ଷରୁ ଏହି ପୁରସ୍କାର ଘୋଷଣା କରାଯାଇଛି । ୧୯୯୩ରୁ କ୍ରମାଗତ ଭାବେ ଏହି ପୁରସ୍କାର ପ୍ରଦାନ କରି ଆସୁଛି ଇମ୍ପାକ୍ଟ । ତେବେ ଏକଲବ୍ୟ ପୁରସ୍କାର କମିଟିର ସଭାପତି ବୈଜୟନ୍ତ ପଣ୍ଡା କହିଛନ୍ତି, “ଇମ୍ପାକ୍ଟ କ୍ରମାଗତ ଭାବରେ ସମାଜର ସାଧାରଣ କଲ୍ୟାଣରେ ଅବଦାନ ବ୍ୟତୀତ କ୍ରୀଡା ଏବଂ ସାହିତ୍ୟର ଉତ୍କର୍ଷତାକୁ ଚିହ୍ନିବା ତଥା ବୃଦ୍ଧି କରିବାରେ ଲାଗିଛି। ରାଜ୍ୟର ଯୁବ କ୍ରୀଡ଼ାବିତମାନଙ୍କୁ ଜାତୀୟ ତଥା ଆନ୍ତର୍ଜାତୀୟ ସ୍ତରରେ ପ୍ରଦର୍ଶନ କରିବାକୁ ଉତ୍ସାହିତ କରିବା ପାଇଁ ଏକଲାବାୟା ପୁରସ୍କର ପ୍ରତିଷ୍ଠା କରାଯାଇଛି ”।