ଲଘୁଚାପ ପ୍ରଭାବରେ ସାରା ରାଜ୍ୟରେ ବର୍ଷା ପ୍ରଭାବ ଜାରି ରହିଛି, ,ବଙ୍ଗୋପସାଗରରେ ସୃଷ୍ଟି ହୋଇଥିବା ଅବପାତଟି ଦୁର୍ବଳ ହୋଇ ୱେଲ୍ ମାର୍କଡ ଲୋ ପ୍ରେସରରେ ପରିଣତ ହୋଇଛି । ଫଳରେ ଏହାର ପ୍ରଭାବରେ ୨୫ ଓ ୨୬ ତାରିଖରେ ଉପକୂଳ ଓ ଦକ୍ଷିଣ ଓଡ଼ିଶାର କେତେକ ସ୍ଥାନରେ ପ୍ରବଳ ବର୍ଷା ନେଇ ଆକଳନ କରିଛି ଆଞ୍ଚଳିକ ପାଣିପାଗ କେନ୍ଦ୍ର। ପ୍ରବଳ ବର୍ଷା କୁ ନେଇ ୧୭ ଜିଲ୍ଲାରେ ୟୋଲୋ ୱାର୍ଣିଂ ଜାରି କରାଯାଇଛି । କିଛି ଜିଲ୍ଲାରେ ହାଲୁକାରୁ ମଧ୍ୟମ ଧରଣର ବର୍ଷା ଥିଲା ବେଳେ କିଛି ସ୍ଥାନରେ ପ୍ରବଳ ରୁ ଅତି ପ୍ରବଳ ବର୍ଷା ହେବାର ସମ୍ଭାବନା ରହିଛି ।
ବାଲେଶ୍ୱର, ମୟୂରଭଞ୍ଜ, ସୁନ୍ଦରଗଡ, ଝାରସୁଗୁଡା, ଭଦ୍ରକ,କେନ୍ଦୁଝର, ଯାଜପୁର, ପୁରୀରେ ନିଅଣ୍ଟିଆ ବର୍ଷା ରହିଛି।ଏହି ମୌସୁମୀ ନିଅଣ୍ଟିଆ ବର୍ଷାର ସ୍ଥିତିରେ ସୁଧାର ଆଣିବା ବୋଲି ଆକଳନ କରିଛି ପାଣିପାଗ ବିଭାଗ। କେବଳ ମାଲକାନଗିରିରେ ସ୍ଵାଭାବିକ ଠାରୁ ଅଧିକ ବର୍ଷା ହୋଇଛି ବୋଲି ମିଳିଛି ସୂଚନା ।