ବୁଧବାର ଦିନ ଗୃହରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ବେଳେ ବଡ ବିବାଦ ଉପୁଜିଛି । କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ଅଭିଯୋଗ କରିଛନ୍ତି ଯେ କଂଗ୍ରେସ ସାଂସଦ ରାହୁଲ ଗାନ୍ଧୀ ଲୋକସଭାରେ ଯିବାବେଳେ ଏକ ଅଶ୍ଳୀଳ ଇଙ୍ଗିତ କରିଥିଲେ, ଯେଉଁଥିପାଇଁ ସେ କ୍ଷମା ମାଗନ୍ତୁ । ସ୍ମୃତି ଅଭିଯୋଗ କରିଛନ୍ତି ଯେ ଯେତେବେଳେ ମହିଳାମାନେ ସଂସଦରେ ବସିଥିଲେ, ତେବେ ଯଦି କେହି ଏହିପରି ଫ୍ଲାଇଙ୍ଗ କିସ୍ ଦେଖାନ୍ତି ତେବେ ଏହା ଅତ୍ୟନ୍ତ ଅଶ୍ଳୀଳ ଅଟେ । ସ୍ମୃତି ଇରାନୀ କହିଛନ୍ତି ଯେ, ମୁଁ ଗୋଟିଏ କଥା ଉପରେ ଆପତ୍ତି କରିବାକୁ ଚାହୁଁଛି । ଯେଉଁମାନେ ମୋ ଆଗରେ ବିବୃତ୍ତି ଦେବାର ଅଧିକାର ପାଇଥିଲେ, ସେମାନେ ଯିବା ସମୟରେ ଅଶ୍ଳୀଳ ଚିହ୍ନ ଦେଖାଇଲେ । ଯେତେବେଳେ ମହିଳା ସାଂସଦ ସଂସଦରେ ଉପସ୍ଥିତ ଥିଲେ , ସେତେବେଳେ ଫ୍ଲାଇଙ୍ଗ କିସ୍ କରିବାର ଦେଖାଯାଇଥିଲା । ଏପରି ଅସମ୍ମାନଜନକ ଆଚରଣ ଗୃହରେ କେବେବି ଦେଖାଯାଇ ନାହିଁ । ସ୍ମୃତି ଇରାନୀ ଟାର୍ଗେଟ କରି କହିଛନ୍ତି ଯେ, ଏହା ସେହି ପରିବାରର ଲକ୍ଷଣ, ଯାହା ଦେଶ ଆଜି ଦେଖିଲା । କେନ୍ଦ୍ର ମନ୍ତ୍ରୀଙ୍କ ଏହି ଅଭିଯୋଗ ପରେ ଗୃହରେ ଆଲୋଡ଼ନ ସୃଷ୍ଟି ହୋଇଥିଲା ଏବଂ କେବଳ ଏତିକି ନୁହେଁ ଭାରତୀୟ ଜନତା ପାର୍ଟି ପକ୍ଷରୁ ରାହୁଲ ଗାନ୍ଧୀଙ୍କ ବିରୋଧରେ ଅଭିଯୋଗ ମଧ୍ୟ ହୋଇପାରିବ । ଆପଣଙ୍କୁ କହିରଖୁଛୁ ଯେ କଂଗ୍ରେସ ସାଂସଦ ରାହୁଲ ଗାନ୍ଧୀ ବୁଧବାର ଦିନ ଅନାସ୍ଥା ପ୍ରସ୍ତାବର ଦ୍ୱିତୀୟ ଦିନରେ ଗୃହରେ ଆଲୋଚନା ଆରମ୍ଭ କରିଥିଲେ । ପ୍ରାୟ ଅଧ ଘଣ୍ଟାର ଭାଷଣରେ ରାହୁଲ ଗାନ୍ଧୀ ମୋଦୀ ସରକାରଙ୍କୁ କଡ଼ା ଟାର୍ଗେଟ କରି ଅଭିଯୋଗ କରିଛନ୍ତି ଯେ ମଣିପୁରରେ ମୋଦୀ ସରକାର ଭାରତକୁ ହତ୍ୟା କରିଛନ୍ତି, ଏହା ହେଉଛି ଭାରତ ମାତାର ହତ୍ୟା। ରାହୁଲଙ୍କ ଅଭିଯୋଗକୁ ନେଇ ଗୃହରେ ବହୁ ଅସନ୍ତୋଷ ଦେଖାଦେଇଥିଲା । ଏହାର ଜବାବରେ ସ୍ମୃତି ଇରାନୀ ଜାମ୍ମୁ-କାଶ୍ମୀର, ରାଜସ୍ଥାନ ଏବଂ ଛତିଶଗଡ ପ୍ରସଙ୍ଗରେ ରାହୁଲ ଗାନ୍ଧୀଙ୍କୁ ଘେରି ରହିଥିଲେ । ସ୍ମୃତି ଅଭିଯୋଗ କରିଛନ୍ତି ଯେ ଜାମ୍ମୁ କାଶ୍ମୀରରେ କଂଗ୍ରେସର ଲୋକ ରେଫରେଣ୍ଡମ୍ ନେଇ କୁହନ୍ତି ଏହା ସହିତ ସ୍କାମ ଉପରେ ନୀରବତା ଅବଲମ୍ବନ କରୁଛନ୍ତି । ଏଭଳି ପରିସ୍ଥିତିରେ ରାହୁଲ ଗାନ୍ଧୀ କାହିଁକି ସେମାନଙ୍କୁ କିଛି କହୁ ନାହାନ୍ତି । ଏପରି ଅନେକ କିଛି କହି ସ୍ମୃତି ଇରାନୀ ରାହୁଲଙ୍କ ଉପରେ ବୋହୁ ସମୟ ଧରି ବାର୍ଷିବାର ଆଜି ସାଂସଦ ରେ ଦେଖିବାକୁ ମିଳିଛି l
